Swara Bhasker Wedding: బాలీవుడ్ నటి స్వర భాస్కర్ రహస్యంగా పెళ్లి చేసుకుంది. ఈ వార్తను స్వయంగా స్వర భాస్కర్ సోషల్ మీడియాలో పోస్ట్ చేయడం ద్వారా ధృవీకరించారు. సమాజ్ వాదీ పార్టీ నేత ఫహద్ జిరార్ అహ్మద్‌ను ఆమె సీక్రెట్‌గా వివాహం చేసుకుంది.
దీని గురించి సమాచారం ఇస్తూ స్వర భాస్కర్ ఇన్‌స్టాగ్రామ్‌లో పోస్ట్ చేశారు. స్వర తన ఇన్‌స్టాగ్రామ్ హ్యాండిల్‌లో రెండు నిమిషాల నాలుగు సెకన్ల నిడివి ఉన్న వీడియోను షేర్ చేశారు. ఫహద్ జిరార్‌తో తన బంధం ఎలా మొదలైంది, ఎలా పెళ్లి వరకు వచ్చింది అనే వివరాలు షేర్ చేసింది.
భర్త ఫహద్ జిరార్ కోసం స్పెషల్ నోట్
నటి స్వర భాస్కర్ ఒక వీడియోను పోస్ట్ చేస్తున్నప్పుడు ఫహాద్ జిరార్ అహ్మద్ కోసం ఒక అందమైన నోట్‌ను షేర్ చేశారు, అందులో ఆమె ఇలా వ్రాసింది, 'కొన్నిసార్లు మన పక్కనే ఉన్న దాని కోసం మనం చాలా దూరం వెతుకుతాం. మేం ప్రేమ కోసం వెతికాం. కానీ మొదట స్నేహాన్ని కనుగొన్నాం. తరువాత ఒకరినొకరు కనుగొన్నాము. ఫహద్ జిరార్ అహ్మద్‌కు నా హృదయంలోకి స్వాగతం. నా హృదయం కొంచెం గందరగోళంగా ఉంటుంది. కానీ అది నీదే’ అని పోస్ట్ చేశారు.
కొత్త జంటకు అభిమానులు శుభాకాంక్షలు
ఈ వీడియోపై వ్యాఖ్యానిస్తూ స్వర భాస్కర్ అభిమానులు ఆమె వివాహానికి శుభాకాంక్షలు తెలుపుతున్నారు. ఒక యూజర్ 'మీ ఇద్దరికీ అభినందనలు' అని రాశారు. మరొకరు షాదీ ముబారక్ అని కామెంట్ చేశారు. మరో యూజర్ 'అందమైన జంటకు అభినందనలు' అని వ్యాఖ్యానించారు.
రచయిత హిమాన్షు శర్మతో స్వర భాస్కర్‌కు ఉన్న సంబంధం గురించి ఇంతకుముందు వార్తలు తెరపైకి వచ్చాయి. రాంఝనా సినిమా సెట్స్‌లో ఇద్దరూ కలుసుకున్నారు. స్వర భాస్కర్, హిమాన్షు శర్మ ఒకరితో ఒకరు 5 సంవత్సరాలు డేటింగ్ చేశారని, అయితే ఈ సంబంధం ఎక్కువ కాలం కొనసాగలేదని వార్తలు వచ్చాయి. దీని తరువాత 2019 సంవత్సరంలో స్వర, హిమాన్షు పరస్పర అంగీకారంతో విడిపోయారు.