ప్రతి శనివారం బుల్లితెర అభిమానలకు ఫుల్ ఎంటర్‌టైన్మెంట్ పంచుతున్న షో ‘సుమ అడ్డా’. ఈ వారం ఎపిసోడ్ లో అభి, సుజాత, విద్యుల్లేఖ, సుదర్శన్ పాల్గొని సందడి చేశారు. ఈ ఎపిసోడ్‌కు సంబంధించి తాజాగా ప్రోమో విడుదల అయ్యింది. సుమకు అభి ఐస్ వేయడం, విద్యుల్లేఖ కలల గురించి చెప్పడం, సుదర్శన్ పెళ్లి చూపుల ముచ్చట్లు అందరినీ ఆకట్టుకున్నాయి.
సుమకు ఐస్ వేసిన అభి
ప్రోమో ప్రారంభం కాగానే “మీరు గత కొద్ది కాలంగా హీరోయిన్ త్రిషలా కనిపిస్తున్నారు” అని చెప్తారు. అభి మాటలకు సుమ తెగ సిగ్గు పడుతుంది. “నువ్ ఎంత ఐస్ వేసినా పాయింట్ పాయింటే!” అంటూ విద్యుల్లేఖ అభికి కౌంటర్ ఇస్తుంది. సుమ స్పందిస్తూ, “ఆయన ఐస్ వేశాడు కాబట్టే నేను త్రిషలా కనిపిస్తున్నా” అంటుంది. “అనవసరంగా వేశానండీ” అని అభి అనడంతో అందరూ నవ్వుతారు. ఇక రాకేష్ పెళ్లికి ముందు సుజాతను చేసుకుంటున్నావా? అని అడిగితే అలాంటిదేమీ లేదు అని చెప్పాడన్నది. ఎప్పుడు అడిగినా ఇంట్రెస్ట్ లేదు, ఆ ఉద్దేశం లేదు అని చాలా సార్లు తనతో గట్టిగా చెప్పాడన్నది. అన్నిసార్లు చెప్పాడు కాబట్టే రాకేష్ మీద తనకు డౌట్ వచ్చిందటాడు సుదర్శన్.
సుదర్శన్ ఫన్నీ పెళ్లి చూపులు
ఇక సుదర్శన్ తన పెళ్లి చూపుల గురించి చెప్పిన కథ అందరినీ నవ్వుల్లో మునిగిపోయేలా చేసింది. “పెళ్లి చూపులు చూసి వచ్చాం. ఇప్పుడే కెరీర్ మొదలైంది, పెళ్లి ఇప్పుడే వద్దని నాన్నకు చెప్పాను. పెద్ద అందంగా ఉండవు. పెద్ద చదువు లేదు. సినిమా ఇండస్ట్రీకి వెళ్లిపోయావు. నీకున్న ఒకే ఒక్క ప్లస్ పాయింట్ ఏదైనా ఉందంటే అది నా కొడుకుగా పుట్టడమే అని చెప్పాడు” అంటూ గుర్తు చేసుకున్నాడు. ఇక విద్యుల్లేఖ తన కలల గురించి చెప్పి అందరినీ నవ్వించింది. నీకు ఎలాంటి కలలు వస్తాయో చెప్పాలని సుమ అడగడంతో “నాకు ఆస్కార్ అవార్డు గెలిచినట్లు, హాలీవుడ్ కు వెళ్లినట్లు” కలలు వస్తాయని చెప్పింది. అయితే, నువ్వు నిద్రపోవద్దు అంటూ సుదర్శన్ ఆమెకు చెప్పడంతో షో అంతా నవ్వులతో నిండిపోయింది. ఇక ‘బావలు సయ్యా’ అనే పాటకు అభి, విద్యుల్లేఖ ఫన్నీగా డ్యాన్స్ చేస్తూ అలరించారు.
‘సుమ అడ్డా’లో షర్మిళపై పంచ్ లు
ఇక స్టూడెంట్స్ గురించి సుమ మాట్లాడుతున్న సమయంలో “స్టూడెంట్స్ ను స్టూడెంట్స్ అని ఎందుకు అంటారో తెలుసా?” అని అభి అడుగుతాడు. వెంటనే సుజాత “వాళ్లు స్టూడెంట్స్ కాబట్టి” అంటూ షర్మిళ మాదిరి పంచ్ వేయడంతో అందరూ నవ్వుతారు. ఇక సుమ, సుజాత, విద్యుల్లేఖ ఫన్నీ కామెంట్స్ అందరినీ ఆకట్టుకున్నాయి. సుమ ప్రశ్నలకు సుదర్శను చెప్పిన సమాధానాలు నవ్వుల పువ్వులు పూయించాయి. ‘సుమ అడ్డా’ పూర్తి ఎపిసోడ్ ఆగస్టు 12న ప్రసారం కానుంది.
ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial