Sudheer Babu: టాలీవుడ్ స్టార్ హీరో సుధీర్ బాబు వరుస సినిమాలతో దూసుకుపోతున్నారు. గతేడాది ‘ఆ అమ్మాయి గురించి మీకు చెప్పాలి’ సినిమాతో ప్రేక్షకుల ముందుకు వచ్చిన సుధీర్ బాబు ఈ ఏడాది వరుస ప్రాజెక్టులు చేస్తున్నారు. ఆయన రీసెంట్ గా నటించిన సినిమా నుంచి లేటెస్ట్ అప్డేట్ ఒకటి వచ్చింది. తెలుగులో ఎమోషనల్ హిట్ అయిన ‘లూసర్’ సిరీస్ దర్శకుడు అభిలాష్ రెడ్డి కంకర ఈ సినిమాకు దర్శకత్వం వహిస్తున్నారు. ఈ మూవీకు సంబంధించిన ఫస్ట్ లుక్ టైటిల్ పోస్టర్ ను విడుదల చేశారు. మూవీ టైటిల్ ను ‘మా నాన్న సూపర్ హీరో’ అని ఖరారు చేశారు. ఫాదర్స్ డే సందర్భంగా ఈ పోస్టర్ ను రిలీజ్ చేశారు మేకర్స్. ప్రస్తుతం ఈ పోస్టర్ లుక్ సోషల్ మీడియాలో వైరల్ అవుతోంది. 


ఫాదర్ సెంటిమెంట్ కథతో సుధీర్ బాబు..


టాలీవుడ్ లో సినిమా సినిమాకు వేరియేషన్ చూపిస్తూ విభన్నమైన కథలను ఎంచుకొనే హీరోల్లో సుధీర్ బాబు ఒకరు. ఆయన ఎంచుకొనే కథలు చాలా కొత్తగా  ఉంటాయి. తాజాగా రిలీజ్ చేసిన ‘మా నాన్న సూపర్ హీరో’ అనే మూవీ కూడా అలాంటి కథలానే అనిపిస్తుంది. అయితే ఈ మూవీ పోస్టర్ లో సినిమాకు సంబంధించిన నటీనటులను ఎవర్నీ చూపించలేదు. కానీ పోస్టర్ లో ఒక తండ్రి కొడుకు చేతిలో బ్యాగ్ ఒకటి పట్టుకొని బండి మీద వెళ్తున్న దృశ్యం ఒకటి కనిపిస్తోంది. పక్కనే కేరళ రాష్ట్రానికి సంబంధించిన లాటరి హోర్డింగ్ ఒకటి కనిపిస్తోంది. అందులో కోటి రూపాయలు లాటరీ అలాగే ఆ విజేత నెంబర్ కూడా ఉంది. టైటిల్ తో పాటు పోస్టర్ కూడా ఇంట్రస్టింగ్ గానే ఉంది. అయితే ఈ మూవీలో సుధీర్ బాబు తండ్రి పాత్రలో కనిపిస్తాడా లేదా కొడుకు పాత్రలో కనిపిస్తాడా అనేది చూడాలి. ఈ మూవీను ఈ వర్షాకాంలో ప్రేక్షకుల ముందుకు తీసుకురానున్నట్లు పోస్టర్ లో రాసుకొచ్చారు. అలాగే సినిమాకు సంబంధించిన నటీనటులు, ఇతర వివరాలను త్వరలోనే తెలియజేయనున్నారు మేకర్స్. 


విభిన్నమైన కథలతో..


సుధీర్ బాబు ‘ఎస్ఎమ్ఎస్’ సినిమాతో హీరోగా వెండితెరకు పరిచయం అయ్యారు. అంతకముందు నాగ చైతన్య, సమంత నటించిన ‘ఏ మాయ చేశావే’ సినిమాలో ఓ పాత్రలో కనిపించారు. ‘ఎస్ఎమ్ఎస్’ సినిమా తర్వాత వరుసగా సినిమాలు చేస్తూ వచ్చారు సుధీర్. ‘ప్రేమ కథా చిత్రం’, ‘భలే మంచి రోజు’, ‘శమంతకమణి’, ‘సమ్మోహనం’, ‘వీర భోగ వసంతరాయులు’ వంటి సినిమాలు సుధీర్ బాబు కు మంచి గుర్తింపు తెచ్చాయి. అలాగే నాని హీరోగా వచ్చిన ‘వి’ వంటి సినిమాల్లో విలన్ గానూ చేసి మెప్పించారు. గతేడాది ఒక సినిమాతో సరిపెట్టిన సుధీర్ బాబు ఈ ఏడాది వరుసగా సినిమాలు చేస్తున్నారు. ఇప్పటికే పలు సినిమాలు ప్రకటించారు కూడా. తాజాగా ఇప్పుడు ‘మా నాన్న సూపర్ హీరో’ సినిమాను అనౌన్స్ చేశారు సుధీర్ బాబు. ఈ మూవీను వి సెల్యులాయిడ్స్, కామ్ ఎంటర్‌టైన్మెంట్ సంయుక్తంగా నిర్మించారు. ఈ మూవీకు  జై క్రిష్ సంగీతం అందించారు. ఈ వర్షాకాంలో మూవీ ప్రేక్షకుల ముందుకు రానుంది.