శ్రద్ధా కపూర్ (Shraddha Kapoor) ఈ పేరు గురించి పెద్దగా పరిచయం అవసరం లేదనకుంట! బాలీవుడ్ లో టాప్ హీరోయిన్ గా ఉన్న శ్రద్ధా తెలుగులోనూ 'సాహో' సినిమా చేసింది. దాంతో అభిమానులను సొంతం చేసుకుంది. శ్రద్దా కపూర్ ప్రస్తుతం వరుస సినిమాలతో బిజీగా ఉంది. అయితే శ్రద్దా కపూర్ బాలీవుడ్ లో 2018లో నటించిన చిత్రం 'స్త్రీ' సినిమా అక్కడ పెద్ద విజయం సాధించింది. ప్రస్తుతం ఈ సినిమా గురించి ఆసక్తికరమైన విషయాలు బయటకొచ్చాయి. 'స్త్రీ' సినిమాతో అమర్ కౌశిక్ దర్శకుడిగా పరిచయం అయ్యాడు. శ్రద్ధ కపూర్, రాజ్ కుమార్ రావ్ నటించిన ఈ సినిమాను దినేష్ విజన్ నిర్మించారు. హారర్ కామెడీ బ్యాగ్రౌండ్ లో వచ్చిన ఈ సినిమా అక్కడ భారీ విజయం సాధించింది. అయితే అప్పటి నుంచి సినిమా సీక్వెల్ కు సంబంధించి వార్తలు వస్తున్నాయి. అయితే దానిపై ఎలాంటి అఫీషియల్ అనౌన్స్మెంట్ రాలేదు. అయితే ఇప్పుడు 'స్త్రీ 2' సినిమా గురించి వార్తలు వస్తున్నాయి. ప్రస్తుతం 'బేడియా' సినిమాలో బిజీగా ఉన్నాడు దర్శకుడు అమర్ కౌశిక్. అయితే 'స్త్రీ 2' సినిమాకు సంబంధించి స్క్రిప్ట్ ను ఇప్పటికే సిద్ధం చేశారని వచ్చే ఏడాదే సినిమా పట్టాలెక్కనుందని సమాచారం.
ఇప్పటికే కౌశిక్ టీమ్ 'స్త్రీ 2' సినిమాపై వర్కౌట్ చేస్తోందట. సినిమా సీక్వెల్ పై ఒత్తిడి వచ్చినా సినిమాను అంచనాలకు తగ్గట్టు సిద్ధం చేయడానికే చూస్తున్నారట అమర్ కౌశిక్. ప్రస్తుతం సినిమా పేపర్ వర్క్ జరుగుతుండగా, 'బేడియా' సినిమా విడుదల తర్వాత స్త్రీ 2 కు సంబంధించి ప్రీ - ప్రొడక్షన్ పనులు మొదలవుతాయని తెలుస్తోంది. వచ్చే ఏడాది ప్రారంభంలోనే సినిమా సెట్స్ పైకి వెళ్లనుంది. 'బేడియా' సినిమాలో శ్రద్దా ఒక పాటలో కనిపించనుంది. అలాగే స్త్రీ 2 సినిమాలో వరుణ్ ధావన్ కూడా ఓ పాత్రలో కనిపించనున్నట్లు తెలుస్తోంది. మొత్తానికి 'బేడియా' సినిమా స్త్రీ సీక్వెల్ కు దారితీసిందని చెప్పొచ్చు. మరి 'స్త్రీ 2' సినిమా ఎప్పుడు ప్రేక్షకుల ముందుకు వస్తుందో వేచి చూడాలి.
Also Read : నరేష్‌‌ది తేడా క్యారెక్టర్, అందరితో గొడవలే - నాగబాబు కామెంట్స్, ‘జబర్దస్త్’లో రీ ఎంట్రీకి రెడీ!
ప్రస్తుతం అమర్ కౌశిక్ పలు సినిమాల్లో బిజీ బిజీ గా ఉన్నారు. ఆయన ప్రస్తుతం 'భేదియా' సినిమా విడుదలకు సిద్దంగా ఉంది. ఈ సినిమా కూడా హారర్ కామెడీ జోనర్ లోనే సాగుతుతోందని ట్రైలర్ చూస్తే తెలుస్తోంది. ఇక దినేష్ విజన్ వరుస హారర్ సినిమాలతో దూసుకెళ్తున్నాడు. ఈ సినిమా తర్వాత దినేష్ విజయన్, ఆయుష్మాన్ ఖురాన, సమంతలతో రక్త పిశాచి కథతో ఓ సినిమాను రూపొందించనున్నాడు. ఇందులో కూడా అమర్ కౌశిక్ పాత్ర ఉండబోతోందని తెలుస్తోంది. 'బేడియా' సినిమాకు దినేష్ విజన్వ్ నిర్మాతగా వ్యవహరిస్తున్నారు. దినేష్ విజన్ బ్యానర్ లో ఇప్పటికే స్త్రీ, రూహి వంటి హారర్ సినిమాలు వచ్చాయి. అవి భారీ విజయాన్ని సాధించాయి. ఇప్పుడు ఈ 'బేడియా' సినిమా ఆ ప్రొడక్షన్ హౌస్ నుంచి వస్తోన్న మూడో సినిమా అదీ కూడా హారర్ బ్యాగ్రౌండ్ లో రావడం విశేషం. స్త్రీ నుంచి వీరి ప్రయాణం కొనసాగుతోంది. ఇక హారర్ కామెడీ జోనర్ లో వస్తోన్న 'బేడియా' ప్రేక్షకులను ఎంత మేరకు ఆకట్టుకుంటుందో చూడాలి. ఈ సినిమా నవంబర్ 25 న ప్రేక్షకుల ముందుకు రానుంది.