బాలీవుడ్ స్టార్ హీరో షారుఖ్ ఖాన్ ప్రధాన పాత్రలో కోలీవుడ్ దర్శకుడు అట్లీ ఓ సినిమాను రూపొందిస్తున్నారు. ప్రస్తుతం షూటింగ్ దశలో ఉన్న సినిమాపై ప్రేక్షకుల్లో భారీ అంచనాలు నెలకొన్నాయి. కొన్ని రోజులుగా ఈ సినిమాకి 'జవాన్' అనే టైటిల్ పెడుతున్నట్లు వార్తలు వస్తున్నాయి. ఇప్పుడు అదే టైటిల్ ను కన్ఫర్మ్ చేస్తూ ఓ వీడియోను రిలీజ్ చేసింది చిత్రబృందం.
ఇందులో షారుఖ్ ఖాన్ ఏదో మిషన్ కోసం రెడీ అవుతున్నట్లు కనిపించారు. మొహం మొత్తం దెబ్బలతో, రక్తంతో కనిపించారు. అయినప్పటికీ తను అనుకున్న పనిని పూర్తి చేయడానికి బయలుదేరినట్లుగా ఈ వీడియోలో చూపించారు. బ్యాక్ గ్రౌండ్ స్కోర్, షారుఖ్ గెటప్ మొత్తం అన్నీ కలిపి ఈ వీడియోను చాలా టెరిఫిక్ గా ఉంది. ఈ వీడియో సినిమాపై అంచనాలు మరింత పెంచేసింది. జూన్ 2, 2023లో ఈ సినిమాను రిలీజ్ చేయబోతున్నట్లు అనౌన్స్ చేశారు. హిందీతో పాటు తెలుగు, తమిళ, మలయాళ, కన్నడ భాషల్లో ఈ సినిమా రిలీజ్ కానుంది.
ఈ సినిమాలో నయనతార, ప్రియమణి హీరోయిన్లుగా నటిస్తున్నట్లు గతంలోనే వార్తలు వచ్చాయి. షారుక్ ఖాన్ సూపర్ హిట్ సినిమా చెన్నై ఎక్స్‌ప్రెస్‌లో ప్రత్యేక గీతంలో కూడా ప్రియమణి కనిపించింది. 'జవాన్'లో షారుక్ డబుల్ రోల్ చేస్తున్నట్లు గతంలోనే లీకైంది. ఈ సినిమాతో పాటు సిద్ధార్థ్ ఆనంద్ దర్శకత్వంలో 'పఠాన్', రాజ్‌కుమార్ హిరాణీ దర్శకత్వంలో 'డుంకీ' సినిమాలు చేస్తున్నారు షారుఖ్ ఖాన్. ఇవి కూడా వచ్చే ఏడాదిలోనే విడుదల కానున్నాయి.
Also Read: 'మేజర్' రివ్యూ: బరువెక్కిన గుండెతో బయటకు వస్తారు