‘Satyabhama’ Makers Give Free Tickets To Womens: అందాల చందమామ కాజల్ అగర్వాల్ వరుస సినిమాలతో ఫుల్ బిజీ అయ్యింది. పెళ్లి తర్వాత కొంత కాలం పాటు సినిమాలకు దూరంగా ఉన్న ఆమె, సెకెండ్ ఇన్నింగ్స్ లో సత్తా చాటుతోంది. ప్రస్తుతం ఈ ముద్దుగుమ్మ ‘సత్యభామ’ అనే సినిమాలో నటిస్తోంది. త్వరలో ఈ మూవీ విడుదలకు రెడీ అవుతున్న నేపథ్యంలో చిత్రబృందం జోరుగా ప్రమోషన్ కార్యక్రమాలను ముమ్మరం చేసింది. ఇప్పటికే ఈ సినిమాకు సంబంధించిన పోస్టర్లు, టీజర్, ట్రైలర్ భారీగా అంచనాలు పెంచాయి. ఈ చిత్రానికి మరింత హైప్ క్రియేట్ చేసేందుకు చిత్రబృందం ప్రయత్నిస్తోంది. అందులో భాగంగానే కీలక నిర్ణయం తీసుకుంది.
మహిళలకు ఉచితంగా ‘సత్యభామ’ మూవీ టిక్కెట్లు
జూన్ 5న ‘సత్యభామ’ సినిమాకు సంబంధించి హైదరాబాద్ మల్టీఫ్లెక్స్ లో స్పెషల్ ప్రీమియర్ షో ఏర్పాటు చేశారు. ఈ కార్యక్రమంలో హీరోయిన్ కాజల్ అగర్వాల్ కూడా ఈ కార్యక్రమంలో పాల్గొన్నది. ఈ సందర్భంగా మేకర్స్ మహిళా ప్రేక్షకులకు బంపర్ ఆఫర్ ఇచ్చారు. సినిమా చూడ్డానికి వచ్చిన వారికి ఉచితంగా టిక్కెట్లు అందించారు. ఆ రోజు సాయంత్రం 5 గంటల వరకే ఉచితంగా టిక్కెట్లు అందించారు.
SHESafe యాప్ డౌన్ లోడ్ చేసుకుంటేనే ఫ్రీ టిక్కెట్
‘సత్యభామ’ సినిమా టిక్కెట్లు ఫ్రీగా పొందేందుకు మేకర్స్ ఓ చిన్ని కండీషన్ పెట్టారు. SHESafe అనే యాప్‌ను డౌన్‌లోడ్ చేసుకోవాలి చెప్పారు. ఈ యాప్ డౌన్ లోడ్ చేసుకున్న వారికే ఉచిత టిక్కెట్లు ఇచ్చారు. సొసైటీ ఆఫ్ సైబరాబాద్ సెక్యూరిటీ కౌన్సిల్ (SCSC) ప్రారంభించిన డిజిటల్ ప్లాట్‌ఫారమ్ SHESafe యాప్ అనేది మహిళలకు భద్రత కల్పించే యాప్. ఆపదలో ఉన్న సమయంలో ఈ యాప్ బటన్ నొక్కితే వెంటనే పోలీసులకు సమాచారం అందుతుంది. సమస్య నుంచి కాపాడే అవకాశం ఉంటుంది.
జూన్ 7న ‘సత్యభామ’ సినిమా విడుదల
సుమన్ చిక్కాల ‘సత్యభామ’ సినిమాతో దర్శకుడిగా ఇండస్ట్రీకి పరిచయం అవుతున్నారు. కాజల్ అగర్వాల్ కథానాయికగా రూపొందిన ఈ చిత్రంలో నవీన్ చంద్ర, ప్రకాష్ రాజ్, నాగినీడు, హర్ష వర్ధన్ సహా పలువురు కీలక పాత్రలు పోషించారు. ఈ సినిమా జూన్ 7న థియేటర్లలోకి రానుంది. శశి కిరణ్ తిక్కా ఈ మూవీకి స్క్రీన్‌ ప్లే అందిస్తున్నారు. ‘గూఢచారి’, ‘మేజర్’ చిత్రాలతో ఫేమస్ అయిన శశి కిరణ్ తిక్క ‘సత్యభామ’ ఈ సినిమాను సమర్పిస్తున్నారు. కాజల్ అగర్వాల్ తొలిసారి యాక్షన్‌తో కూడిన పాత్రలో నటిస్తుంది. ఆమె ఈ సినిమాలో సరికొత్తగా కనిపించనున్నట్లు చెప్పారు శశి కిరణ్. ఈ చిత్రంలో ఆమె యాక్షన్ సన్నివేశాలు ఆకట్టుకుంటాయన్నారు. పోలీసు అధికారి పాత్రలో కాజల్ అలరిస్తుందన్నారు. ‘సత్యభామ’ సినిమాను అవురమ్ ఆర్ట్స్ బ్యానర్ నిర్మించింది. ఈ సినిమా కోసం కాజల్ అభిమానులు ఎంతగానో ఎదురుచూస్తున్నారు.
Read Also : కంగనా రనౌత్‌ కు చెంప దెబ్బ - CISF జవాన్ చేసిన పనికి అంతా షాక్, జరిగింది ఇదేనంటూ నటి వివరణ