దర్శక ధీరుడు రాజమౌళి దర్శకత్వంలో తెరకెక్కిన RRR Trailer గురువారం యూట్యూబ్‌లో విడుదలైన సంగతి తెలిసిందే. అయితే, ఇంతకంటే ముందే.. తెలుగు రాష్ట్రాల్లోని థియేటర్లలో కూడా ట్రైలర్‌ను విడుదల చేసి అభిమానులకు పని చెప్పారు. దీంతో ఫ్యాన్స్ రచ్చ మామూలుగా లేదు. భారీ సంఖ్యలో థియేటర్లకు తరలివెళ్లి.. ట్రైలర్ చూశారు. అరుపులు.. కేకలతో హోరెత్తించారు. సినిమా విడుదల తర్వాత తమ రచ్చ ఎలా ఉండబోతుందో చూడండి అన్నట్లుగా.. అభిమానులు కూడా తమ సందడితో ‘ట్రైలర్’ చూపించారు. కొన్ని చోట్ల పాలాభిషేకాలు కూడా చేశారు.
RRRలో రామ్ చరణ్, ఎన్టీఆర్‌లపై తీసిన సన్నివేశాలు చూస్తుంటే రోమాలు నిక్కబొడుచుకుంటున్నాయి. సాధారణ ప్రేక్షకులే విజిల్స్ వేసేలా ఉన్న ఆ సన్నివేశాలు చూస్తే.. అభిమానులు ఊరుకుంటారా? ఇదిగో ఇలా పునకాలు వచ్చినట్లు ఊగిపోయారు. విజిల్స్‌తో వీర లెవెల్‌లో హంగామా చేశారు. ‘బాహుబలి’ సినిమా తర్వాత మళ్లీ అంత క్రేజ్ ఈ సినిమాకే వచ్చింది. ఇప్పుడు ఈ చిత్రం గురించి కేవలం తెలుగు రాష్ట్రాలే కాదు. యావత్తు దేశం ఎదురుచూస్తోంది. ముఖ్యంగా రాజమౌళి ఈ సారి ఏ మ్యాజిక్ చేశాడో చూడాలనే ఆసక్తి ప్రతి ఒక్కరిలో నెలకొంది. RRR సినిమా ట్రైలర్ రిలీజ్ నేపథ్యంలో థియేటర్లో అభిమానులు చేసిన సందడిని ఇక్కడ చూడండి.
Also Read: RRR ట్రైలర్.. కుంభస్థలాన్ని బద్దలకొడదాం పదా.. థియేటర్లు దద్దరిల్లాల్సిందే!