మాస్ మహారాజ్ రవితేజ హీరోగా దర్శకుడు రమేష్ వర్మ తెరకెక్కిస్తోన్న చిత్రం 'ఖిలాడి'. వినాయకచవితి సందర్భంగా ఈ సినిమా నుంచి ఫస్ట్ సింగిల్ ను విడుదల చేశారు. 'చిన్నప్పుడు నాకు అమ్మ గోరుముద్ద అంటే ఇష్టం. కొంచెం ఎదిగినాక బామ్మ గోరింటాకు ఇష్టం.. కానీ ఇప్పుడు నాకు ఒకటే ఇష్టం. అది నాకోసం నువ్వు పడే కష్టం' అంటూ సాగే ఈ లిరికల్ సాంగ్ ప్రేక్షకులను ఆకట్టుకుంటుంది.
Also Read : Rajinikanth Annaatthe first look : పంచెకట్టుతో రజినీ.. లుక్ అదుర్స్ కదూ..
ఈ పాటకు సాహిత్యాన్ని శ్రీమణి అందించగా.. హరిప్రియ ఆలపించారు. రాక్ స్టార్ దేవీశ్రీప్రసాద్ సంగీతం అందించారు. సస్పెన్స్ థ్రిల్లర్ బ్యాక్‌డ్రాప్‌లో రూపొందుతున్న ఇందులో హీరోయిన్స్‌గా డింపుల్ హయాతి, మీనాక్షి చౌదరి నటిస్తున్నారు. ప్రముఖ నటుడు అర్జున్‌ ఈ చిత్రంలో విలన్ గా కనిపించబోతున్నారు. అలానే హాట్ యాంకర్ అనసూయ కీలకపాత్ర పోషిస్తుంది.'క్రాక్' సినిమా తరువాత రవితేజ నటిస్తోన్న సినిమా కావడంతో దీనిపై మంచి అంచనాలు ఏర్పడ్డాయి. ఈ సినిమాను త్వరలోనే ప్రేక్షకుల ముందుకు తీసుకురానున్నారు.
ఈ సినిమాతో పాటు 'రామారావు ఆన్ డ్యూటీ' అనే మరో సినిమాలో నటిస్తున్నాడు రవితేజ. శరత్ మండవ అనే డైరెక్టర్ రూపొందిస్తోన్న ఈ సినిమాలో దివ్యంశ కౌశిక్ హీరోయిన్ గా నటిస్తోంది.