టాలీవుడ్ మాస్ మహారాజా రవితేజ నటించిన లేటెస్ట్ సినిమా 'ఖిలాడి' (Khiladi Movie). రమేష్ వర్మ డైరెక్ట్ చేసిన ఈ సినిమాలో మీనాక్షి చౌదరి, డింపుల్ హయతి హీరోయిన్లుగా నటించారు. జయంతిలాల్‌ గడ సమర్పణలో హ‌వీష్ ప్రొడ‌క్ష‌న్‌, పెన్ స్టూడియోస్ బ్యానర్‌పై ఈ సినిమాను నిర్మించారు. ఈ సినిమాలో అనసూయ, అర్జున్, ఉన్ని ముకుందన్ లాంటి తారలు కీలకపాత్రలు పోషించారు. శుక్రవారం నాడు ఈ సినిమా ప్రేక్షకుల ముందుకు వచ్చింది.
అయితే గత రాత్రి ఓవర్సీస్ లో సినిమా ప్రీమియర్ షోలు పడడంతో ఆడియన్స్ ట్విట్టర్ వేదికగా సినిమాపై తమ అభిప్రాయాన్ని వెల్లడించారు. సినిమా ఫస్ట్ హాఫ్ కామెడీ, కొన్ని రొమాంటిక్ సీన్స్ తో నడిచిందని.. సెకండ్ హాఫ్ మాత్రం రేసీ యాక్షన్ సీక్వెన్స్ తో అదరగొట్టారని టాక్. ఇంటర్వెల్ బ్యాంగ్ ట్విస్ట్ ఊహించినంత లేదని పెదవి విరుస్తున్నారు. కానీ ఓవరాల్ గా హిట్టు బొమ్మ అని అంటున్నారు.
రవితేజ-డింపుల్ హయతి ట్రాక్ అండ్ సాంగ్స్ ఓకే అనిపించాయని మరో నెటిజన్ రాసుకొచ్చాడు. ఫుల్ కిక్కు సాంగ్ థియేటర్ మంచి ఊపు తీసుకొచ్చిందట. 'క్రాక్' తరువాత రవితేజ (Hero Ravi Teja) మరో హిట్టు సినిమా అందుకున్నారని నెటిజన్లు చెబుతున్నారు. కాంతమంది ట్వీట్లు చూస్తుంటే మిక్స్డ్ టాక్ వచ్చిందనే అనిపిస్తోంది. పూర్తి రివ్యూ మరికాసేపట్లో..!