తెలుగు సినిమా పరిశ్రమలో రాణించేందుకు ఎన్నో స్ట్రగుల్స్ ఎదుర్కొన్న నటులు మాస్ మహరాజ్ రవితేజ, నేచురల్ స్టార్ నాని. ఇండస్ట్రీలో నటించే అవకాశం కోసం ఏండ్లకు ఏండ్లుగా ఎదురు చూసి ప్రస్తుతం స్టార్ డమ్ అనుభవిస్తున్నారు. దాదాపు ఇద్దర సినీ జర్నీ ఒకేలా ఉంటుంది. వీరిద్దరు కలిసి ఏ సినిమా చేయనప్పటికీ, నాని నిర్మించిన ‘అ!’ సినిమాకు రవితేజ వాయిస్ ఓవర్ ఇచ్చారు.
ఆకట్టుకుంటున్న రవితేజ, నాని ఫన్నీ ఇంటర్వ్యూ
ప్రస్తుతం నాని హీరోగా ‘దసరా’ అనే పాన్ ఇండియన్ మూవీ తెరకెక్కింది. అటు రవితేజ హీరోగా ‘రావణాసుర’ సినిమా విడుదలకు రెడీ అయ్యింది. ‘దసరా’ మూవీ ఈ నెల 30న, ‘రావణాసుర’ సినిమా ఏప్రిల్ 7న ప్రేక్షకుల ముందుకు రాబోతోంది. ఈ నేపథ్యంలో ఇద్దరు కలిసి ఓ ఇంటర్వ్యూలో పాల్గొన్నారు. ‘ధరణి x రావణాసుర’ అంటూ ఈ ఇంటర్వ్యూను కొనసాగించారు. ‘స‌మ్‌థింగ్ ఫన్నీగా చేశాం’ అంటూ ఇప్పటికే నాని సోషల్ మీడియాలో పోస్టు చేశారు. తాజాగా ఈ ఇంటర్వ్యూకు సంబంధించిన ప్రోమో విడుదల అయ్యింది.
అభిమానులు ఫుల్ ఖుషీ
ఈ ఇంటర్వ్యూలో రవితేజ, నాని తమ సినిమాల గురించి ఆసక్తికర విషయాలను ప్రేక్షకులతో పంచుకున్నారు. ’దసరా’ సినిమాలో తాను చెప్పిన ’’మొలదారం కింద గుడాలు రాలుతాయ్’’ అనే డైలాగ్ కు తొలుత అర్థం తెలియనిద నాని చెప్పారు. ఆ తర్వాత దర్శకుడిని అడిగితే అసలు విషయం చెప్పారన్నారు. అటు తాజాగా నటించిన ‘వాల్తేరు వీరయ్య’ సినిమాల “ఏమిరా వారీ” అనే డైలాగ్ బాగా నచ్చినట్లు చెప్పారు రవితేజ. హీరో కాలేమని ఫిక్సై అసిస్టెంట్ డైరెక్టర్ అయ్యానని చెప్పిన నాని, దానికి ముందు ఓ పేజీ ఉందన్నారు. దాన్ని ఇప్పటి వరకు ఓపెన్ చేయలేదన్నారు. ఫిట్ నెస్ కోసం చాలా కష్టపడినట్లు చెప్పిన నాని, తొమ్మిది నెలల పాటు లంచ్ చేయలేదన్నారు. వీరిద్దరి ఇంటర్వ్యూ ప్రోమో చూసి రవితేజ, నాని అభిమానులు ఫుల్ ఖుషీ అవుతున్నారు.
మార్చి 30న ‘దసరా’, ఏప్రిల్ 7న ‘రావణాసుర’ విడుదల
నాని రీసెంట్ గా ‘దసరా’ సినిమాలో నటించారు. ఈ సినిమాను శ్రీకాంత్ ఓదెల తెరకెక్కించారు. కీర్తి సురేష్ హీరోయిన్ గా నటిస్తోంది. ఈ మూవీను మార్చి 30న దేశవ్యాప్తంగా విడుదల చేయనున్నారు. మరోవైపు, రవితేజ తాజాగా ‘రావణాసుర’ సినిమాలో నటించారు. ఈ సినిమాకు సుధీర్ వర్మ దర్శకత్వం వహిస్తున్నారు. ఫరియా అబ్దుల్లా, ప్రియాంకా అరుళ్‌ మోహన్ హీరో హీరోయిన్లుగా నటిస్తున్నారు. ఈ సినిమా ఏప్రిల్ 7న విడుదల కానుంది. ఇద్దరి సినిమాలు కొన్నిరోజుల వ్యవధిలోనే రిలీజ్ అవుతున్న నేపథ్యంలో ఇద్దరూ కలసి ఈ ఇంటర్వ్యూ ప్లాన్ చేశారు.
ప్రస్తుతానికి రవితేజ, నాని సినిమాలు ప్రమోషన్స్ లో ఫుల్ బిజీగా ఉంటున్నారు. సాధారణంగా ఒక హీరో సినిమాకు ఇంకో హీరో ప్రమోషన్స్ ఇవ్వరు. రవితేజ, నాని విషయంలో కొత్త ఫార్ములా ముందుకు వచ్చింది. ఇద్దరూ కలసి తమ సినిమాలకు ప్రమోషన్ చేసుకుంటున్నారు. అందులో భాగంగానే ఈ ఇంటర్వ్యూ విడుదలకు రెడీ అయ్యింది. పూర్తి ఇంటర్వ్యూ త్వరలో విడుదల కానుంది.
Read Also: నవ్వడం తప్ప ఏం చేయలేను, ప్లాస్టిక్ సర్జరీ వార్తలపై స్పందించిన బాలీవుడ్ నటుడు