Ranveer ,Johnny Sins Bold Care Add: సినీ తారలు ఓ వైపు సినిమాలు, మరోవైపు యాడ్స్ ద్వారా బోలెడు డబ్బులు సంపాదిస్తారు. టాలీవుడ్ లో మహేష్ బాబు, బాలీవుడ్ లో అక్షయ్ కుమార్ సినిమాల కంటే యాడ్స్ ద్వారానే ఎక్కువ డబ్బులు వెనుకేసుకుంటున్నారు. బాలీవుడ్ లో బడా స్టార్స్ కూడా పలు యాడ్స్ లో నటిస్తూ సొమ్ము చేసుకుంటున్నారు. ఇక కార్పొరేట్ సంస్థలకు బ్రాండ్ అంబాసిడర్ గా ఉంటూ రణవీర్ సింగ్ కూడా బాగానే డబ్బు పోగేసుకుంటున్నారు. ఇప్పటి వరకు చాలా యాడ్స్ లో కనిపించిన ఆయన, తాజాగా నటించిన ఓ యాడ్ సినీ అభిమానులతో పాటు నెటిజన్లను ఆశ్చర్యపరిచింది. ఇంతకీ ఆయన నటించిన యాడ్ ఏంటో తెలుసా?


పోర్న్ స్టార్ తో బోల్డ్ కేర్ యాడ్ లో రణవీర్


రణవీర్ సింగ్ ఓ సెక్సువల్ ప్రోడక్ట్ యాడ్ లో కనిపించారు. అంతేకాదు, ఈ యాడ్ కోసం ఏకంగా పోర్న్ స్టార్ తో కలిసి నటించడం విశేషం. బాలీవుడ్ లో స్టార్ హీరోగా కొనసాగుతున్న రణవీర్, ఈ యాడ్ కోసం అడల్ట్ స్టార్ జానీ సిన్స్‌ తో జోడీ కట్టారు. వీరిద్దరు కలిసి ఓ టీవీ యాడ్ లో నటించారు. రీసెంట్ గా రణవీర్ సింగ్ సెక్సువల్ ప్రోడక్ట్ కి బ్రాండ్ అంబాసిడర్ గా ఎంపిక అయ్యారు. ఈ అగ్రిమెంట్ లో అడల్ట్ స్టార్ జానీ సిన్స్ ని కూడా జాయిన్ చేసుకున్నారు. పోర్న్ ఇండస్ట్రీలో అడల్ట్ మూవీస్‌ చేసే జానీ సిన్స్‌.. ఓ ప్రొడక్ట్ ప్రమోషన్ కోసం ఇండియాకు తీసుకువచ్చారు. జానీ సిన్స్, రణవీర్‌తో కలిసి తాజాగా ఈ యాడ్ లో యాక్డ్ చేశారు. హిందీ సీరియల్ 'సాస్-బాహు'ను అనుకరిస్తూ ఈ యాడ్ ను చిత్రీకరించారు. పురుషులలో శృంగార సమస్యలని దూరం చేసే బోల్డ్ కేర్ అనే కాప్స్యూల్ కి సంబంధించిన యాడ్ ఇది. తాజాగా రణవీర్ తన సోషల్ మీడియా ద్వారా ఈ యాడ్ ను రిలీజ్ చేశారు. ప్రస్తుతం సోషల్ మీడియాలో తెగ వైరల్ అవుతోంది.  



పురుషుల్లో ఆ సమస్యలపై అవగాహన పెంచేందుకే- రణవీర్


ఇక బోల్డ్ కేర్ సహ వ్యవస్థాపకుడుగా ఉన్న రణవీర్ సింగ్ ఈ యాడ్ గురించి కీలక విషయాలు వెల్లడించారు. పురుషుల్లో ఆ ఆరోగ్యాన్ని పెంచుకునేలా అవగాహన కల్పించేందుకే ఈ యాడ్ చేసినట్లు తెలిపారు. ఈ యాడ్ ద్వారా చాలా మంది పురుషులు తమ సమస్యలను దూరం చేసుకునే అవకాశం ఉందన్నారు. మిలియన్ల మందికి బోల్డ్ కేర్ ప్రొడక్ట్ ఉపయోగకరంగా మారనుందన్నారు. ఈ ప్రకటనను తన్మయ్ భట్, దేవయ్య బోపన్న కలిసి రూపొందించారు. 


బోల్డ్ కేర్ యాడ్ పై నెటిజన్ల విమర్శలు


ఈ యాడ్‌ను చూసి రణవీర్ అభిమానులు, నెటిజన్లు షాక్ అవుతున్నారు. ఈ యాడ్ కోసం జానీ సిన్స్ ని ఇండియాకు తీసుకొచ్చారా? అంటూ ఆశ్చర్యపోతున్నారు. బాలీవుడ్ లో బడా స్టార్స్ గా ఉన్నవాళ్లకు బుర్ర చెడిపోయింది. ఎలాంటి యాడ్స్ చేయాలో అర్థం కావట్లేదంటూ నెటిజన్లు తీవ్ర విమర్శలు చేస్తున్నారు. 


Read Also: పూనమ్ పాండేపై రూ.100 కోట్ల పరువునష్టం కేసు - కోర్టు మెట్లు ఎక్కాల్సిందే!