Chor Bazaar | ఆకాశ్ పూరి మరో మాస్ చిత్రంతో వచ్చేస్తున్నాడు. ఇటీవల ‘రొమాంటిక్’ చిత్రంతో ఆకట్టుకున్న రామ్ ఇప్పుడు ‘చోర్ బజార్’ సినిమాతో ప్రేక్షకుల ముందుకు రాబోతున్నాడు. ఈ సందర్భంగా శుక్రవారం ఆ చిత్రం టైటిల్ సాంగ్‌ను సోషల్ మీడియాలో వదిలాడు. హీరో రామ్ పోతినేని ‘చోర్ బజార్’ టైటిల్ సాంగ్‌ను యూట్యూబ్‌లో రిలీజ్ చేశాడు.
ఇక సాంగ్ విషయానికి వస్తే.. ఈ చిత్రంలో ఆకాశ్ పూరి దొంగగా కనిపించనున్నట్లు తెలుస్తోంది. కార్ల టైర్ల నుంచి బైక్ పార్టుల వరకు ప్రతిదీ ఎత్తేస్తూ చోర్ బజార్‌లో అమ్మేయడం ఈ గ్యాంగ్ పని. పాతబస్తీ నేపథ్యంలో ఈ చిత్రాన్ని తెరకెక్కించినట్లు తెలుస్తోంది. ‘జార్జ్ రెడ్డి’ చిత్ర దర్శకుడు జీవన్ రెడ్డి దర్శకత్వంలో తెరకెక్కుతున్న ఈ చిత్రంలో ఆకాశ్ పూరి సరసన గెహ్నా సిప్పీ నటిస్తోంది. ఐవీ ప్రొడక్షన్స్ బ్యానర్‌పై వి.ఎస్.రాజు ఈ చిత్రాన్ని నిర్మిస్తున్నారు.
Also Read: 'సన్ ఆఫ్ ఇండియా' రివ్యూ: వికటించిన ప్రయోగం!
సురేష్ బొబ్బిలి ఈ సినిమాకు సంగీతాన్ని అందిస్తున్నారు. శృతి రంజని ఆలపించిన ఈ పాటకు అసురా, సెల్విన్ లిరిక్స్, ర్యాప్ సమకూర్చారు. ప్రస్తుతం నిర్మాణ దశలో ఉన్న ఈ చిత్రం త్వరలోనే థియేటర్లో విడుదల కానుంది. లింగుస్వామి దర్శకత్వంలో తెరకెక్తుతున్న ‘వారియర్’ సినిమా షూటింగ్‌లో ఉన్న రామ్.. ఈ టైటిల్ సాంగ్‌ను విడుదల చేశాడు. ‘చోర్ బజార్’ మంచి హిట్ కొట్టాలంటూ ఆకాశ్ పురి, చిత్రయూనిట్‌‌ను విష్ చేస్తూ.. సాంగ్ రిలీజ్ చేశాడు.
Also Read: ఆ పాటకు రూ.1.80 కోట్లు, రోమాలు నిక్కబొడిచే అద్భుతమైన సాంగ్ అది: మోహన్ బాబు