గ్లోబల్ బ్యూటీ ప్రియాంక చోప్రా.. హాలీవుడ్ సింగర్ నిక్ జోనస్ ను 2018 డిసెంబర్ లో పెళ్లి చేసుకుంది. తనకంటే వయసులో చిన్నవాడిని పెళ్లి చేసుకుందని ప్రియాంకపై విమర్శలు వచ్చాయి. కానీ అవేవీ పట్టించుకోకుండా.. తన మ్యారీడ్ లైఫ్ ని ఎంజాయ్ చేస్తోంది ఈ బ్యూటీ. అయితే మధ్యలో ఈ జంట విడిపోతుందంటూ సోషల్ మీడియాలో వార్తలు వచ్చాయి. అందులో నిజం లేదని.. ఎప్పటికప్పుడు నిక్ తో కలిసి తీసుకున్న ఫొటోలను షేర్ చేసేది ప్రియాంక.
అయితే ఈసారి నిక్-ప్రియాంకల డివోర్స్ రూమర్స్ చాలా బలంగా వినిపిస్తున్నాయి. దానికి ప్రూఫ్ కూడా చూపిస్తున్నారు నెటిజన్లు. ప్రియాంక తన సోషల్ మీడియా హ్యాండిల్స్ నుంచి జోనస్ అనే పేరుని తొలగించింది. అలా అని చోప్రా అనే పేరుని కూడా యాడ్ చేయలేదు. కేవలం ప్రియాంక అని పెట్టి ఊరుకుంది. ఇది చూసిన నెటిజన్లు ఉన్నట్టుండి జోనస్ పేరుని తొలగించడానికి కారణం ఏంటంటూ ప్రియాంకను ప్రశ్నిస్తున్నారు.
జోనస్ పేరుని తీసేసినప్పటికీ అతడితో కలిసి తీసుకున్న ఫొటోలను మాత్రం డిలీట్ చేయలేదు ప్రియాంక. దీంతో వారిద్దరూ కలిసే ఉన్నారని మరికొందరు వాదిస్తున్నారు. మొత్తానికి మరోసారి ప్రియాంక డివోర్స్ రూమర్స్ హాట్ టాపిక్ గా మారాయి. మరి దీనిపై ఈ జంట స్పందిస్తుందేమో చూడాలి.
రీసెంట్ గానే ప్రియాంక తన భర్తతో కలిసి అమెరికాలోని కొత్తింట్లో దీపావళి వేడుకలు జరుపుకుంది. దీనికి సంబంధించిన ఫొటోలను సైతం సోషల్ మీడియాలో షేర్ చేస్తూ.. నిక్ గురించి రాసుకొచ్చింది. ఇప్పుడు విడాకుల రూమర్స్ వస్తుండడంతో ప్రియాంకకు సంబంధించిన పోస్ట్ లు వైరల్ అవుతున్నాయి.
ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి