ఈరోజు బిగ్ బాస్ ఎపిసోడ్ కి సంబంధించిన ప్రోమో బయటకొచ్చింది. నామినేషన్స్ కావడంతో కంటెస్టెంట్స్ మధ్య హీట్ డిస్కషన్స్ జరిగాయి. 'ఇక నుంచి నువ్ మారితే బెటర్ పెర్సన్ అవుతావు' అని సన్నీకి రవి చెప్పగా.. 'నువ్ మారమంటే నేను మారితే అది నేను కాదు మామ' అంటూ రిప్లై ఇచ్చాడు. 'నేను కెప్టెన్ గా చేసినప్పుడు సంచాలక్ గా బెటర్ చేశాననిపించింది' అని రవికి రీజన్ చెప్పాడు షణ్ముఖ్. దానికి రవి 'కంపారిజన్స్ అంటే.. గేమ్ నీకంటే అందరూ బాగా ఆడుతున్నారు' అంటూ కౌంటర్ వేశాడు.
Also Read: బాలకృష్ణ సినిమాలో హీరోయిన్ రోల్ అదే... ప్రిపేర్ అయ్యే టైమ్ కూడా లేదట!
శ్రీరామ్.. కాజల్ ని నామినేట్ చేస్తూ.. 'ఒకర్ని సేవ్ చేసే ఆప్షన్ ఉన్నప్పుడు నువ్ ఇద్దరినీ డిస్ట్రాయ్ చేయడం నాకు నచ్చలేదు' అని రీజన్ చెప్పగా.. 'నేను డిసైడింగ్ ఫ్యాక్టర్ అయినప్పుడు నాకు నచ్చినట్లు నేను గేమ్ ఆడతాను' అని బదులిచ్చింది కాజల్. 'నువ్ డిసైడింగ్ ఫ్యాక్టర్ అయినప్పుడు వాల్యూస్ కూడా మర్చిపోతావ్' అని డైలాగ్ వేశాడు శ్రీరామ్. దానికి కాజల్ సీరియస్ అయింది. 'నువ్ సర్వం అగ్ని' అంటూ కౌంటర్ వేశాడు శ్రీరామ్.
'ఏదో ఒక పర్సన్ ని బ్లేమ్ చేయడానికి ముందుంటావ్ కానీ మంచి చెప్పడానికి వెనక ఉంటావ్' అంటూ రవిని ఉద్దేశిస్తూ కామెంట్ చేశాడు సన్నీ. 'తప్పు చేస్తే మొహం మీదే చెప్తా' అంటూ రవి వేలు చూపించి మాట్లాడాడు. వెంటనే సన్నీ 'వేలు దింపు' అని అడగ్గా.. 'నువ్ చూపీరా' అంటూ రెచ్చగొట్టాడు రవి. 'మోస్ట్ ఫేక్ పర్సన్ అంటే నువ్వే మచ్చా' అంటూ రవికి డైలాగ్ వేశాడు సన్నీ.
ఆ తరువాత సన్నీ-శ్రీరామ్ లకు కూడా గొడవ జరిగింది. 'మొహం చూసి మాట్లాడు.. అటు ఇటు చూసి కాదు' అని శ్రీరామ్ అనగా.. 'మజాక్ లు ఆడుకుంటూ.. మొహం మీద మాస్క్ లు వేసుకొని' అని సన్నీ డైలాగ్ వేయగా.. 'ఛల్ ఛల్.. గ్రూప్ లాడుకుంటూ.. నువ్వేం మాట్లాడతావ్' అంటూ సన్నీని రెచ్చగొట్టేలా శ్రీరామ్ మాట్లాడగా.. 'నేనిలానే ఉన్నా.. ఒరిజినల్' అంటూ సినిమాటిక్ గా చెప్పాడు సన్నీ. ఇద్దరి మధ్య వాగ్వాదం జరుగుతూనే ఉంది. మధ్యలో మానస్ కంట్రోల్ చేయడానికి ప్రయత్నించాడు.