యంగ్ రెబల్ స్టార్ ప్రభాస్ హీరోగా.. రాధాకృష్ణ కుమార్ దర్శకత్వంలో రూపొందిన 'రాధే శ్యామ్' ప్రీ రిలీజ్ ఫంక్షన్ రామోజీ ఫిల్మ్ సిటీలో ప్రారంభం అయింది. సాధారణంగా హైదరాబాద్‌లో జరిగే పెద్ద సినిమాల ప్రీ-రిలీజ్ ఈవెంట్లకు సుమ యాంకరింగ్ చేయడం కామన్. కానీ ఈసారి యువ సంచలనం నవీన్ పోలిశెట్టి, హాట్ బ్యూటీ రష్మి యాంకరింగ్ చేస్తున్నారు.
జాతిరత్నాలు సినిమాకు ప్రభాస్ ప్రమోషన్ చేశారు. ట్రైలర్ రిలీజ్‌తో పాటు ప్రమోషనల్ వీడియోలో కూడా కనిపించారు. దీంతో నవీన్ కూడా ఈ ఈవెంట్‌ను హోస్ట్ చేయడానికి అంగీకరించారు. నవీన్ పోలిశెట్టి కామెడీ టైమింగ్ గురించి కొత్తగా చెప్పాల్సింది లేదు కాబట్టి రాధేశ్యామ్ ప్రీ-రిలీజ్ ఈవెంట్‌లో ఫుల్ ఫన్ ఉండనుంది.
నవీన్ పోలిశెట్టి తెలుగుకు మాత్రమే కాదు, హిందీ ప్రేక్షకులకూ తెలిసిన ముఖమే. సుశాంత్ సింగ్ రాజ్ పుత్ నటించిన 'చిచ్చోరే'లో ఫుల్ లెంత్ పాత్రలో నటించాడు. దీంతోపాటు యూట్యూబ్ వీడియోలతో కూడా బాగా ఫేమస్ అయ్యాడు. అవార్డు ఫంక్షన్లకు హీరోలు యాంకరింగ్ చేస్తుంటారు.
ఈ సినిమాను సంక్రాంతి కానుకగా జనవరి 14న విడుదల చేస్తున్న సంగతి తెలిసిందే. కృష్ణంరాజు, భాగ్యశ్రీ, సచిన్ ఖేడ్‌కర్, ప్రియదర్శి, మురళీ శర్మ తదితరులు నటించారు. డియర్ కామ్రేడ్ ఫేం జస్టిన్ ప్రభాకరన్ ఈ సినిమాకు సంగీతం అందించారు. ఈ సంవత్సరం సంక్రాంతికి ఆర్ఆర్ఆర్‌కు పోటీగా ఈ సినిమా విడుదల కానుంది. నాగార్జున, నాగచైతన్యల బంగార్రాజు కూడా సంక్రాంతికే వస్తుందని టాక్.