పవర్ స్టార్ పవన్ కళ్యాణ్ నటించిన 'భీమ్లానాయక్' సినిమా విడుదలకు సిద్ధంగా ఉంది. ఫిబ్రవరి 25న ఈ సినిమా ప్రేక్షకుల ముందుకు రానుంది. సాగర్ కె చంద్ర డైరెక్ట్ చేసిన ఈ సినిమా త్రివిక్రమ్ మాటలు-స్క్రీన్ ప్లే అందించారు. ఈ సినిమాపై ప్రేక్షకుల్లో భారీ అంచనాలు నెలకొన్నాయి. నిజానికి ఈపాటికే సినిమా ప్రేక్షకుల ముందుకు రావాల్సింది కానీ కొన్ని కారణాల వలన ఆలస్యమైంది. ఫైనల్ గా ఫిబ్రవరి 25న రిలీజ్ చేస్తున్నట్లు అనౌన్స్ చేయడంతో అభిమానుల ఆనందానికి అవధుల్లేవు.
ఈ సినిమా తరువాత దర్శకుడు క్రిష్ తో కలిసి 'హరిహర వీరమల్లు' సెకండ్ షెడ్యూల్ ను మొదలుపెట్టనున్నారు పవన్. ఆ తరువాత హరీష్ శంకర్ తో కమిటైన 'భవదీయుడు భగత్ సింగ్' సినిమా పూర్తి చేయనున్నారు పవన్ కళ్యాణ్. ఇటీవల పవన్ ను కలవడానికి 'భీమ్లానాయక్' సినిమా సెట్స్ పైకి వెళ్లారు క్రిష్ అండ్ హరీష్ శంకర్. ఈ సందర్భంగా పవన్ తో కలిసి ఓ ఫొటో తీసుకున్నారు.
ఈ ఫొటోను సోషల్ మీడియాలో షేర్ చేసిన దర్శకుడు క్రిష్.. 'భవదీయుడు' 'హరి హర' భీమ్లా నాయక్' అంటూ క్యాప్షన్ ఇచ్చారు. ఇది చూసిన హరీష్ శంకర్ 'గుడ్ వన్ బ్రో.. అందుకే నీ రైటింగ్స్ అంటే నాకు అంత ఇష్టం' అంటూ రిప్లై ఇచ్చారు. ప్రస్తుతం ఈ ఫొటో సోషల్ మీడియాలో వైరల్ అవుతోంది.