ప్రస్తుతం బాలీవుడ్ లో తమన్నా, విజయ్ వర్మ హాట్ టాపిక్ గా మారారు. కొంత కాలంగా వీరిద్దరి గురించి బోలెడ్ వార్తలు హల్ చల్ చేస్తున్నాయి. గోవా వేదికగా వీరిద్దరి ప్రేమ వ్యవహారం బయటకు వచ్చిన నాటి నుంచి నిత్యం వార్తల్లో నిలుస్తున్నారు. తాజాగా తమ ప్రేమ గురించి తమన్నాతో పాటు విజయ్ వర్మ కూడా కన్ఫామ్ చేశారు.
బోల్డ్ సీన్లలో రెచ్చిపోయిన తమన్నా!
ప్రస్తుతం విజయ్, తమన్నా కలిసి ‘లస్ట్ స్టోరీస్ 2’లో నటించారు. ఇందులో అడల్ట్ సీన్లు చేస్తూ అందరినీ ఆశ్చర్య పరిచారు. ఈ మూవీలో పలువురు స్టార్ హీరోయిన్లు నటించినా, తమన్నా, విజయ్ క్యారెక్టర్ల మీదే ప్రేక్షకులకు మరింత ఆసక్తిక కలిగించింది. తాజాగా ఈ సినిమాకు సంబంధించిన ట్రైలర్ విడుదలయ్యింది. ఈ సినిమాలోని డబుల్ మీనింగ్ డైలాగులు, బోల్డ్ సీన్లు అందరినీ ఆశ్చర్యపరిచాయి. జూన్ 29న ఈ సినిమా నేరుగా నెట్ ఫ్లిక్స్ లో విడుదల కాబోతోంది. ప్రస్తుతం ఈ సినిమా ప్రమోషన్ జోరుగా కొనసాగుతోంది.
ఆ విషయంలో విజయ్ తో చాలా సేఫ్ గా ఫీలయ్యాను!
రీసెంట్ గా ‘లస్ట్ స్టోరీస్ 2’ ప్రమోషన్ లో తమన్నా, విజయ్ వర్మ పాల్గొన్నారు. ఈ సందర్భంగా తమన్నా విజయ్ గురించి ఆసక్తికర వ్యాఖ్యలు చేసింది. తాను విజయ్ తో కలిసి బోల్డ్ సీన్లలో నటిస్తున్నప్పుడు చాలా సేఫ్ గా ఫీలైనట్లు చెప్పింది. గతంలో ఏ హీరోతో తాను ఇంత కంఫర్ట్ గా ఫీల్ కాలేదని వెల్లడించింది. “నేను ఇప్పటి వరకు ఏ హీరోతో కలిసి నటించినా సేఫ్ గా ఉన్నట్లు ఫీల్ కాలేదు. కానీ, విజయ్ దగ్గర చాలా సేఫ్ గా ఫీలయ్యాను. ముఖ్యంగా ఇలాంటి సినిమాల్లో అదీ, బోల్డ్ సీన్లలో నటిస్తున్నప్పుడు కంఫర్ట్ అనేది చాలా అవసరం. అలా ఉన్నప్పుడు అనుకున్న సీన్ అనుకున్నట్లుగా వస్తుంది. ఈ సినిమా విషయంలో నేను విజయ్ దగ్గర చాలా సేఫ్ గా ఉన్నట్లు అనిపించింది” అని తమన్నా వెల్లడించింది.
Read Also: బోయపాటి - రామ్ మూవీ రిలీజ్ డేట్ మారిందండోయ్ - ముందే వచ్చేస్తారట!
జూన్ 29న నెట్ ఫ్లిక్స్ లో ‘లస్ట్ స్టోరీస్ 2’ స్ట్రీమింగ్
‘లస్ట్ స్టోరీస్ సీజన్ 2’లో నాలుగు కథల్ని చూపించనున్నారు. వీటిలో ఒక్కో కథకు ఒక్కొక్కరు దర్శకత్వం వహించారు. 'లస్ట్ స్టోరీస్ 2' వెబ్ సిరీస్ ని సుజోయ్ ఘోష్, ఆర్. బల్కి, నటి కొంకణ్ సేన్ శర్మ, అమిత్రవీంద్రనాథ్ శర్మ నలుగురు దర్శకులు తెరకెక్కించారు. తమన్నా, విజయ్ వర్మ సెగ్మెంట్ కు సుజోయ్ ఘోష్ దర్శకత్వం వహించింది. తమన్నా, మృనాల్ ఠాకూర్ విజయ్ వర్మ, అమృతా సుభాష్, అంగద్ బేడీ,కాజోల్, నీనా గుప్తా, కుముద్ మిశ్రా, తిలోత్తమా షోమే నటించారు. ఇక ఇందులో తమన్నా, విజయవర్మల మధ్య వచ్చే బోల్డ్ సీన్స్ మరింత ఘాటుగా ఉండబోతున్నాయి. జూన్ 29న ఈ వెబ్ సిరీస్ ప్రముఖ ఓటిటి సంస్థ నెట్ ఫ్లిక్స్ లో స్ట్రీమింగ్ కానుంది.
Join Us on Telegram: https://t.me/abpdesamofficial