Sasimadhanam Teaser: తండ్రి గుణ‌పం అయితే కూతురు బ‌ల‌పం అవుతుందా? - రొమాంటిక్, కామెడీతో ఆకట్టుకుంటున్న 'శ‌శిమ‌థ‌నం' టీజ‌ర్..

Sasimadhanam Teaser: ఈ మ‌ధ్య‌కాలంలో వెబ్ సీరీస్ కి ఆద‌ర‌ణ బాగా పెరిగిపోతుంది. వ‌రుసపెట్టి ఆయా ఓటీటీలు వెబ్ సీర‌స్ ల‌ని రిలీజ్ చేస్తున్నాయి. ఇక ఇప్పుడు ఈటీవీ విన్ లో కొత్త వెబ్ సీరిస్ రాబోతుంది.

Sasimadhanam Teaser Out Now Win Original Series: ఈటీవీ విన్.. వ‌రుస వెబ్ సిరీస్ ల‌తో దూసుకుపోతుంది. ఈ మ‌ధ్యే రిలీజైన 90స్ వెబ్ సిరీస్ సూప‌ర్ హిట్ అయ్యింది. ఇక ఇప్పుడు 'శ‌శిమ‌థ‌నం' వెబ్ సీరిస్ తో ప్రేక్ష‌కుల‌ను అల‌రించ‌నున్నారు. సింధూ ప‌వ‌న్, సోనియా సింగ్ న‌టించిన ఈ వెబ్ సిరీస్ టీజ‌ర్ ని శ‌నివారం రిలీజ్ చేశారు మేక‌ర్స్. ఈ టీజ‌ర్ యూత్ ని ఆక‌ట్టుకునేలా ఉంది. చదువు రాణి సరస్వతి, శశి, లక్ష్మి కటాక్షం లేని మదన్ ల  దాగుడుమూతలు చూద్దాము రారండి అంటూ ఈ టీజ‌ర్ ని రిలీజ్ చేశారు. 

క్యారెక్ట‌ర్స్ ని ప‌రిచ‌యం చేస్తూ.. 

టీజ‌ర్ ని భ‌లే కొత్త‌గా ప్లాన్ చేశారు. హీరో హీరోయిన్ ఇద్ద‌రు మాట్లాడుకుంటుంటే వాళ్ల క‌ళ్లు మాత్ర‌మే చూపించారు. "మా ఇంట్లో అంద‌రం 10 రోజులు ఫంక్ష‌న్ కి వెళ్తున్నాం" అని చెప్తూ.. సిరీస్ లోని మెయిన్ క్యారెక్ట‌ర్ల‌ను ప‌రిచ‌యం చేసేశారు. అలా ప‌రిచ‌యం చేస్తూ వాళ్లు పెట్టిన కొన్ని డైలాగులు అంద‌రినీ ఆక‌ట్టుకుంటున్నాయి. ఇక ఆ డైలాగులు, క్యారెక్ట‌ర్లు చూస్తే ఇది కామెడీ, రొమాంటిక్ ల‌వ్ స్టోరీ అని అర్థం అవుతుంది. హీరోయిన్ త‌ల్లి, తండ్రి, త‌మ్ముడు, తాత అంద‌రూ కామెడీగానే అనిపించారు. ఇక హీరోయిన్ అత్త మాత్రం ప‌వ‌ర్ ఫుల్ పోలీస్ ఆఫీస‌ర్. "మీ ఇంట్లో అంద‌రినీ పంపించి నువ్వు వెళ్లొచ్చు" గా అని హీరోయిన్ ని ముద్దుగా హీరో అడుగుతాడు. ప్రాబ్ల‌మ్ ఏం అవ్వ‌దా?  మీ ఇంట్లో ఎలా మేనేజ్ చేస్తావు?" అని అడుగుతుంది. 

హీరో డైలాగులు సూప‌ర్.. 

క‌ట్ చేస్తే "మా ఇంట్లో వాళ్ల‌ను ఎలా మేనేజ్ చేయాలో నాకు తెలుసు" అంటూ హీరో ఎంట్రీ ఇస్తాడు. హీరో కూడా కుటుంబాన్ని ప‌రిచ‌యం చేశారు. ఈ సంద‌ర్బంగా హీరో చెప్పే డైలాగులు ఆక‌ట్టుకున్నాయి. "తండ్రి కోడి కూర అడిగితే.. కూతురు ఆకుకూర అడుతుందా?", "బాబు ఓడ ఎక్కితే కూతురు దూడ ఎక్కుతుందా?", "తండ్రి గుణ‌పం అయితే కూతురు బ‌ల‌పం అవుతుందా?" అంటూ చెప్పిన ఫ‌న్నీ డైలాగ్స్ ని అంద‌రూ ఎంజాయ్ చేస్తారు. క‌ట్ చేస్తే హీరో హీరోయిన్ కోసం చాలా దూరం ప్ర‌యాణం చేసిన‌ట్లు తెలుస్తుంది. ఇక ఆ త‌ర్వాత వాళ్లిద్ద‌రి మ‌ధ్య కొన్ని రొమాంటిక్ సీన్లు చూపించే ప్ర‌య‌త్నం చేశారు టీజ‌ర్ లో. 

జులై4న స్ట్రీమింగ్.. 

సింధూ ప‌వ‌న్, సోనియా సింగ్ కాంబినేష‌న్ లో గ‌తంలో కూడా చాలానే మంచి షార్ట్ ఫిలిమ్స్, సిరీస్ లు వ‌చ్చాయి. దీంతో వీళ్ల‌ద్ద‌రి కాంబినేష‌న్ అంటే క‌చ్చితంగా హిట్ అనే అంచ‌నాలో ఉన్నారు ప్రేక్ష‌కులు. ఇక ఈ సిరీస్ జులై 4వ తేదీ నుంచి స్ట్రీమింగ్ కానుంది. మొద‌టి ఎపిసోడ్ ఫ్రీ గా ల‌భించ‌నుంది. ఇక ఈ సిరీస్ కి వినోద్ గాలి ద‌ర్శ‌క‌త్వం వ‌హిస్తుండ‌గా.. హ‌రీశ్ కోహిర్క‌ర్ ప్రొడ్యూస‌ర్ గా వ్య‌వ‌హ‌రిస్తున్నారు. సింజిత్ ఎర్ర‌మిల్లి మ్యూజిక్, రెహాన్ షేక్ డీవోపీ. ఇక ఈ సిరీస్ లో అంద‌రూ వెబ్ సీరిస్ లో న‌టించే వారే ఉన్నారు.