ఓటీటీలోకి సల్మాన్ 'కిసీ కా భాయ్ కిసీ కీ జాన్'

బాలీవుడ్ స్టార్ హీరో సల్మాన్ ఖాన్ నటించిన 'కిసీ కా భాయ్ కిసీ కి జాన్' ఓటీటీ రిలీజ్ డేట్ పై క్లారిటీ వచ్చింది. ఈ మూవీ జూన్ 23, 2023న ప్రీమియర్‌గా ప్రదర్శించబడుతుందని జీ5(ZEE5) అధికారికంగా ప్రకటించింది.

Kisi Ka Bhai Kisi Ki Jaan OTT Release : బాలీవుడ్ మెగాస్టార్ సల్మాన్ ఖాన్ సినిమాలకు సంబంధించిన అప్ డేట్ కోసం అభిమానులు ఎంతగానో ఎదురుచూస్తున్న తరుణంలో ఓ క్రేజీ న్యూస్ వచ్చింది. 'కిసీ కా భాయ్ కిసీ కి జాన్'... తమిళ సూపర్ హిట్ చిత్రం 'వీరమ్' అధికారిక రీమేక్ అన్న విషయం అందరికీ తెలిసిందే. ఏప్రిల్ 21, 2023న థియేటర్లలో విడుదలైన ఈ సినిమా.. ఇప్పుడు వరల్డ్ డిజిటల్ ప్రీమియర్‌ను లాక్ చేసింది. జూన్ 23, 2023న ఈ చిత్రం ప్రీమియర్‌గా ప్రదర్శించబడుతుందని జీ5(ZEE5) అధికారికంగా ప్రకటించింది. ప్రస్తుతానికి, ఈ చిత్రం డబ్బింగ్ వెర్షన్‌ల గురించి మాత్రం ఎటువంటి సమాచారం లేదు.

ఈ సినిమాలో బాలీవుడ్ కండల వీరుడు సల్మాన్ ఖాన్ తో పాటు విక్టరీ వెంకటేష్, జగపతి బాబు, భూమిక చావ్లా, రామ్ చరణ్ (అతిధి పాత్ర)లు కీలక పాత్రలు పోషించారు. సల్మాన్ ఖాన్ ఫిల్మ్స్ ఈ ప్రాజెక్ట్‌ని నిర్మించింది. ఈ సినిమాకు హిమేష్ రేష్మియా, రవి బస్రూర్, సుఖ్‌బీర్ సింగ్, దేవి శ్రీ ప్రసాద్, సాజిద్ ఖాన్, పాయల్ దేవ్ సౌండ్‌ట్రాక్‌లను అందించగా.. రవి బస్రూర్ బ్యాక్‌గ్రౌండ్ స్కోర్‌ను అందించారు.

'కిసీ కా భాయ్ కిసీ కి జాన్'.. ఈ ఏడాది సల్మాన్ అభిమానులు అత్యంత ఆసక్తిగా ఎదురుచూసిన్న చిత్రం. సల్మాన్ ఖాన్ చాలా కాలం తర్వాత వెండితెరపైకి వచ్చిన నేపథ్యంలో ఈ సినిమా టీజర్ అభిమానులను బాగా ప్రభావితం చేసింది. దీంతో అందరూ ఈ సినిమా చూసేందుకు చాలా ఎగ్జైట్‌మెంట్ ను ప్రదర్శించారు. ఈ నేపథ్యంలోనే ఈ చిత్రం OTT ప్లాట్‌ఫారమ్‌లో జూన్ 23, 2023న విడుదల కానుందని మేకర్స్ తెలిపారు. సల్మాన్ ఖాన్ గతంలో నటించిన చిత్రాలైన రాధే, యాంటిమ్ కూడా OTT ప్లాట్‌ఫారమ్‌లో డిజిటల్ ప్రీమియర్‌లుగా విడుదలయ్యాయి. ట్రైలర్‌లో సూచించినట్లు ఈ సినిమాలో జీ స్టూడియోస్ డిస్ట్రిబ్యూషన్‌లో పాల్గొంటున్నంటుందన్న హింట్ రాగా.. ఇప్పుడు అధికారిక ప్రకటన కూడా వెలువడింది. 

కథేంటంటే..

'కిసీ కా భాయ్ కిసీ కి జాన్' అనే చిత్రం కథ విషయానికొస్తే.. పెద్ద సోదరుడు సల్మాన్.. వివాహం గురించి భయపడతూ ఉంటాడు. ఇది అతని కుటుంబంలో అనేక విభేదాలకు దారితీస్తుంది. అతని తమ్ముళ్లు సంతోషంగా ప్రేమలో ఉండగా, అతనికి తగిన భాగస్వామిని కనుగొనడంలో సహాయం చేయడానికి వారు కలిసి వస్తారు. కథకు ఒక ప్రత్యేకమైన ట్విస్ట్ జోడిస్తూ, పూజా హెగ్డే నటించింది. సల్మాన్, పూజా కలిసి స్ర్కీన్ షేర్ చేసుకోవడం ఇదే మొదటిసారి. వారిద్దరి మధ్య కెమిస్ట్రీ సినిమాకి మరో కొత్త కోణాన్ని జోడిస్తుంది. ఇది ప్రేక్షకులకు మరింత ఆకర్షణీయంగా, ఆనందించేలా చేస్తుంది.

బిగ్ బాస్ లోకి..

ప్రముఖ రియాలిటీ షో బిగ్ బాస్ ఓటీటీ సీజన్ 2కు సల్మాన్ ఖాన్ మొదటిసారిగా వ్యవహరించనున్నారు. జూన 17నుంచి ఈ షో జియో సినిమాలో ఉచితంగా ప్రసారం కానుంది. ఈ సారి బిగ్ బాస్ హౌస్ లోకి 13మంది కంటెస్టంట్లు ఎంట్రీ ఇవ్వనున్నారు. ఇక ఈ హౌస్ లోని గదుల ఫొటోలను కూడా జియా సినిమా రీసెంట్ గా విడుదల చేసింది.