Varun Tej's Matka ott platform and rights price: మెగా ఫ్యామిలీ హీరో వరుణ్ తేజ్ యాక్ట్ చేసిన లేటెస్ట్ సినిమా 'మట్కా'. మొదటి రోజు మొదటి ఆట నుంచి థియేటర్లలో ప్రేక్షకుల సందడి లేదు. ఐకాన్ స్టార్ అల్లు అర్జున్ భాగస్వామిగా ఉన్న ఏఏఏ సినిమాస్ (మల్టీప్లెక్స్)తో పాటు పలు థియేటర్లలో షోలు క్యాన్సిల్ చేశారు. ఈ మూవీ డిజాస్టర్ అని అందరూ తేల్చేశారు. అయితే నిర్మాతలను కొంతలో కొంత ఓటీటీ రైట్ సేవ్ చేశాయట.
'మట్కా' డిజిటల్ స్ట్రీమింగ్ రైట్స్ అన్ని కోట్లా?
థియేటర్లలో మొదటి రోజు 'మట్కా' సినిమాకు కనీసం కోటి రూపాయల ఓపెనింగ్ కూడా రాలేదు. టోటల్ కలెక్షన్స్ 80 లక్షల లోపే అని ట్రేడ్ వర్గాలు తెలిపాయి. రెండో రోజు నుంచి పలు థియేటర్లలో ఈ సినిమా వాష్ అవుట్ అయ్యింది. ఆల్మోస్ట్ 40 కోట్ల రూపాయల ఖర్చుతో తీసిన సినిమాకు కనీసం మొదటి రోజు థియేటర్ల నుంచి కోటి రూపాయల కూడా రాకపోవడం చాలా మందిని ఆశ్చర్యపరిచింది. నిర్మాతలకు కలెక్షన్లు కన్నీళ్లు మిగిల్చాయని చెప్పడంలో ఎటువంటి సందేహం అవసరం లేదు. ఈ తరుణంలో గుడ్డిలో మెల్ల అన్నట్లు ఓటిటి రైట్స్ ద్వారా వచ్చిన అమౌంట్ వాళ్లకు కొంత ఊరట ఇచ్చిందని చెప్పవచ్చు.
'మట్కా' సినిమా డిజిటల్ స్ట్రీమింగ్ హక్కులను అమెజాన్ ప్రైమ్ వీడియో తీసుకుంది. అందుకు 15 కోట్ల రూపాయలను నిర్మాతలకు ఇచ్చినట్లు తెలిసింది. డిజాస్టర్ సినిమాకు ఆ అమౌంట్ రావడం అంటే గొప్ప కదా!
త్వరలోనే డిజిటల్ స్క్రీన్ మీదకు 'మట్కా'?
డిజిటల్ స్ట్రీమింగ్ రైట్స్ అమ్మే ముందు థియేటర్లలో విడుదల చేసిన ఎన్ని రోజులకు ఓటీటీలో విడుదల చేయాలి అనేది అగ్రిమెంట్ చేసుకుంటారు. బ్లాక్ బస్టర్ సక్సెస్ వస్తే ముందుగా అనుకున్న తేదీ కంటే కొంత వెనక్కి జరుగుతారు. డిజాస్టర్ టాక్ వస్తే వీలైనంత త్వరగా ఓటీటీలో విడుదల చేసి క్యాష్ చేసుకోవడానికి చూస్తారు. ఇప్పుడు 'మట్'కా విషయంలో అదే జరుగుతోందని ఇండస్ట్రీ గుసగుస. రెండు వారాలలో ఈ సినిమా డిజిటల్ స్క్రీన్ మీదకు వచ్చే అవకాశాలు పుష్కలంగా కనబడుతున్నాయట.
Also Read: బాయ్‌ఫ్రెండ్‌తో కీర్తి సురేష్ పెళ్లి... ముహూర్తం ఖరారు, గోవాలో ఏడు అడుగులు వేసేది ఎప్పుడంటే?
'లక్కీ భాస్కర్' తర్వాత మీనాక్షి ఖాతాలో ఫ్లాప్!
హీరోయిన్ మీనాక్షి చౌదరి కెరీర్ ప్రారంభంలో కొన్ని ఫ్లాప్స్ చవి చూశారు. అయితే... దీపావళికి విడుదలైన 'లక్కీ భాస్కర్' ఆమెకు భారీ విజయం అందించింది. ఆ వెంటనే వచ్చిన 'మట్కా' డిజాస్టర్ రిజల్ట్ ఇచ్చింది. ఒక హిట్టు మరొక ఫ్లాప్ అన్నట్టు ఉంది ఆవిడ పరిస్థితి. ఈ శుక్రవారం 'మెకానిక్ రాకీ' సినిమాతో మరొకసారి థియేటర్లలో సందడి చేయడానికి మీనాక్షి రెడీ అవుతుంది. మరి ఆ సినిమా ఎటువంటి రిజల్ట్ అందిస్తుందో చూడాలి. బాలీవుడ్ భామ నోరా ఫతేహికి సైతం ఈ సినిమా ఫ్లాప్ అందించింది. ఈ మూవీలో కిశోర్, జాన్ విజయ్, అజయ్ ఘోష్, సత్యం రాజేష్ తదితరులు నటించారు.
Also Read: నాగ చైతన్య ఒకలా, శోభిత మరోలా... శుభ లేఖలు పంచుతున్న అక్కినేని, ధూళిపాళ ఫ్యామిలీలు, ఆ రెండూ చూశారా?