Indian 2 OTT Release Date: ఓటీటీలోకి వచ్చేస్తున్న ‘భారతీయుడు 2’ - ఎప్పుడు, ఎక్కడంటే?

Indian 2 OTT Release: క‌మ‌ల్ హాస‌న్, శంక‌ర్ కాంబినేష‌న్ లో వ‌చ్చిన భార‌తీయుడు - 2 ఓటీటీ అప్ డేట్ వ‌చ్చేసింది. మ‌రి ఏ ఓటీటీ ఫ్లాట్ ఫామ్ లో రిలీజ్ అవుతుంది. స్ట్రీమింగ్ ఎప్పుడు?

Kamal Hassan’s Indian 2 OTT release date movie Update: ప్ర‌ముఖ న‌టుడు క‌మ‌ల్ హాస‌న్ న‌టించిన 'భార‌తీయుడు - 2'. శంక‌ర్ ద‌ర్శ‌క‌త్వం వ‌హించిన ఈ సినిమా.. జులై 12న ప్రేక్ష‌కుల ముందుక వ‌చ్చింది. ఎన్నో భారీ అంచ‌నాల మ‌ధ్య రిలీజైన ఈ సినిమాపై మిశ్ర‌మ స్పంద‌న వ‌చ్చింది. అయితే, సినిమా ఓటీటీ స్ట్రీమింగ్ కోసం మాత్రం ఎంతోమంది ఎదురుచూస్తున్నారు. దీనికి సంబంధించి ఓటీటీ అప్ డేట్ వ‌చ్చేసింది. మ‌రి స్ట్రీమింగ్ ఎప్పుడు? ఎక్క‌డ స్ట్రీమ్ అవుతుందో చూద్దాం. 

స్ట్రీమింగ్ ఎక్క‌డంటే? 

'భారతీయుడు - 2' ఓటీటీ రిలీజ్ అప్ డేట్ పై వార్త ఫిలిమ్ న‌గ‌ర్ లో తెగ చ‌క్క‌ర్లు కొడుతుంది. ఈ సినిమా ఓటీటీ రైట్స్ నెట్ ఫ్లిక్స్ ద‌క్కించుకుంది. ఇక ఈ సినిమా ఆగ‌స్టులో స్ట్రీమ్ అవుతుంద‌నే వార్త‌లు వినిపిస్తున్నాయి. ఈ సినిమా మంచి డీల్ కే అమ్ముడుపోయిన‌ట్లు కూడా తెలుస్తోంది. అయితే, డేట్ పై ఇంకా క్లారిటీ ఇవ్వ‌లేదు. దీనిపై అధికారిక ప్ర‌క‌ట‌న రావాల్సి ఉంది. 

భారీ అంచ‌నాలు.. 

'భార‌తీయుడు - 2' సినిమా 1996లో రిలీజైన 'భార‌తీయుడు'కి కొన‌సాగింపుగా వ‌చ్చింది. దాదాపు 30 ఏళ్ల త‌ర్వాత దీనికి సీక్వెల్ తీశారు. భార‌తీయుడు సూప‌ర్ హిట్ కావ‌డంతో పార్ట్ - 2 పై భారీ అంచ‌నాలు ఉన్నాయి. అయితే, సినిమా అనుకున్న‌ట్లు ఆక‌ట్టుకోలేద‌నే రివ్యూలు వ‌చ్చాయి. కానీ, సినిమాలో క‌మ‌ల్ హాస‌న్ యాక్టింగ్‌కు మాత్రం ప్ర‌శంస‌లు ద‌క్కాయి. ఆయ‌న యాక్టింగ్ అద్భుతంగా ఉంది అంటూ.. ప్ర‌శంసించారు. 

రూ.150 కోట్లు.. 

'భార‌తీయుడు - 2' సినిమా ఇప్ప‌టి వ‌ర‌కు దాదాపు రూ.150 కోట్లు వ‌సూలు చేసింది. పాన్ ఇండియా సినిమాగా రిలీజైన 'భార‌తీయుడు - 2' తెలుగు, త‌మిళ్, హిందీ భాష‌ల్లో రిలీజ్ అయ్యింది. ఇది 2డీ, ఐమాక్స్, 4డీఎక్స్ ఫార్మెట్స్ లో రిలీజ్ చేశారు. ఇక ఈ సినిమా అడ్వాన్స్ బుకింగ్స్ ద్వారా రూ.6.88 కోట్లు వ‌సూళ్లు సాధించింది. ఇక మొద‌టిరోజు 3.88 ల‌క్ష‌ల టికెట్లు అమ్ముడై పోయాయి. 

శంక‌ర్ ద‌ర్శ‌క‌త్వం వ‌హించిన ఈ సినిమాలో క‌మ‌ల్ హాస‌న్, కాజ‌ల్ అగ‌ర్వాల్, సిదార్ధ‌, ర‌కుల్ ప్రీత్ సింగ్, శివ భ‌వాని శంక‌ర్ త‌దిత‌రులు న‌టించారు. ఈ సినిమాకి అనిరుధ్ మ్యూజిక్ అందించారు. లైకా ప్రొడ‌క్ష‌న్స్ సుభ‌క‌ర‌ణ్ అల్లీరాజ్, ఉద‌య్ నిధి స్టాలిన్ కి చెందిన జియాంట్ మూవీస్ సంయుక్తంగా సినిమాని నిర్మించారు. 

'భార‌తీయుడు - 3'

ఇక ఇప్పుడు 'భార‌తీయుడు - 2' సినిమాకి కొన‌సాగింపుగా 'భార‌తీయుడు - 3' సినిమా ఉంటుంద‌ని గ‌తంలో ప్ర‌క‌టించారు. అయితే, ఇప్పుడు ఈ సినిమా అనుకున్నంత‌గా రానించ‌క‌పోవ‌డంతో 'భార‌తీయుడు - 3' ఉండ‌క‌పోవ‌చ్చు అనే వార్త‌లు వినిపిస్తున్నాయి. ‘భార‌తీయుడు’ సినిమాలో అవినీతిపై, స్వాతంత్య్రం రాక‌ముందు ఉన్న ప‌రిస్థితుల‌పై తెర‌కెక్కించారు. ఇక ‘భార‌తీయుడు - 2' లో కూడా అవీనీతిపై పోరాటం గురించే చూపించారు. ఇక ప్ర‌స్తుతం ద‌ర్శ‌కుడు శంక‌ర్ 'గేమ్ ఛేంజ‌ర్' షూట్ లో బీజీగా ఉన్నారు. అయితే, ‘భారతీయుడు 2’ ప్రభావం ఆ మూవీపై పడుతుందేమో అని చెర్రీ ఫ్యాన్స్ ఆందోళన చెందుతున్నారు.