థియేటర్లలో బ్లాక్‌బస్టర్ అయిన ‘పుష్ప: ది రైజ్’ అమెజాన్ ప్రైమ్ వీడియో యాప్‌లో స్ట్రీమ్ అవుతున్న సంగతి తెలిసిందే. అయితే ట్విట్టర్‌లో అమెజాన్ ప్రైమ్, నెట్‌ఫ్లిక్స్‌ల మధ్య పుష్ప గురించి సరదా సంభాషణ నడించింది. ఈ ట్వీట్లు ఇప్పుడు నెట్టింట వైరల్ అవుతున్నాయి.
మొదట నెట్‌ఫ్లిక్స్ ‘ఈ వారాంతంలో చూడటానికి మీ వాచ్‌లిస్ట్‌లో ఏం ఉన్నాయి’ అని ట్వీట్ చేయగా.. దాన్ని కోట్ చేస్తూ ‘అందరూ పుష్ప: ది రైజ్ చూస్తున్నారు’ అని అమెజాన్ ప్రైమ్ ట్వీట్ చేసింది. అయితే దానికి ‘అందరం మేమేనా? ఊ అనం.. కానీ ఊ ఊ కూడా అనం..’ అని నెట్‌ఫ్లిక్స్ రిప్లై ఇచ్చింది.
అల్లు అర్జున్ గురించి డిస్కషన్ కావడంతో ఈ మూడు ట్వీట్ల కింద బన్నీ ఫ్యాన్స్ రిప్లైలతో ఆనందం తెలిపారు. కొంతమంది అయితే ‘మీరు మీరు కొట్టుకోండి.. మమ్మల్ని ఎంటర్‌టైన్ చేయండి.’ అంటూ ఫన్నీ రిప్లై కూడా ఇచ్చారు.