దేశంలోని టాప్ సినీ విశ్లేషకులలో ఒకరు ఉమైర్ సంధు. ఆయన మూవీ రివ్యూలు ఇవ్వమే కాకుండా, పలుమార్లు వివాదాస్పద వ్యాఖ్యలు కూడా చేస్తుంటాడు. తాజాగా మెగాస్టార్ చిరంజీవిని టార్గెట్ చేశాడు. చిరంజీవి అంకుల్ అంటూ ట్రోల్ చేశారు. “చిరంజీవి అంకుల్, ఇంకా యంగ్ గా కనిపించలానే ప్రయత్నాన్ని మానుకోండి. ఇప్పుడు మీ వయసు 70 ఏళ్లు అని గుర్తుంచుకోండి” అంటూ ట్వీట్ చేశాడు. ప్రస్తుతం ఈ ట్వీట్ నెట్టింట్లో వైరల్ గా మారింది.
గతంలోనూ చిరంజీవిపై కామెంట్స్
ఉమర్ సంధు చిరంజీవిని టార్గెట్ చేయడం ఇదే తొలిసారి కాదు. గతంలో ఆయన దారుణంగా కామెంట్ చేశాడు. ‘గాడ్ ఫాదర్’ సినిమా విడుదల సందర్భంగా ఆయన ఇచ్చిన రివ్యూ చూసి అందరూ షాక్ అయ్యారు. “చిరంజీవి నంటిచిన ‘గాడ్ ఫాదర్’ సినిమా ఓ యావరేజ్ మూవీ. కొత్త సీసాలో పాత సారా అనేలా ఉంది. చిరంజీవి గారూ దయచేసి మీరు రెస్ట్ తీసుకోండి. ఇకనైనా మంచి కంటెంట్ ఉన్న స్క్రిప్ట్స్ సెలక్ట్ చేసుకోండి. ప్రజల మనిషి అని చెప్పుకుంటూ, మాస్ హీరో క్యారెక్టర్స్ నుంచి వీలైనంత త్వరగా బయటపడండి. మీ టాలెంట్ ను వేస్ట్ చేసుకోకండి. మీరు మెగాస్టార్ అనే విషయం ఈ సినిమాలో అస్సలు కనిపించడం లేదు” అంటూ ట్వీట్ చేశారు.
ఉమర్ సంధుపై నెటిజన్ల ట్రోలింగ్
చిరంజీవిపై వివాదాస్పద వ్యాఖ్యలు చేసిన ఉమైర్ సంధుపై నెటిజన్లు విరుచుకుపడుతున్నారు. గొప్పవారిపై చీప్ కామెంట్స్ చేసి గుర్తింపు పొందాలని ప్రయత్నిస్తున్నారంటూ మండిపడుతున్నారు. చిల్లర కామెంట్స్ చేస్తే చిప్పకూడు తప్పదంటూ హెచ్చరిస్తున్నారు. ఊరికే తిట్టించుకోవడానికే ఇలాంటి కామెంట్స్ చేస్తున్నారంటూ విమర్శిస్తున్నారు. పద్దతి మార్చుకోవాలని ఉమైర్ కు హితవు పలుకుతున్నారు.
Read Also: మంచు మనోజ్, వెన్నెల కిషోర్ వాట్సాప్ చాటింగ్ లీక్ - బాబోయ్, ఆ భాషేంటి?