Naga Manikanta Wife Priya: బిగ్ బాస్ సీజన్ 8 ప్రేక్షకులకు ఓరేంజిలో వినోదాన్ని పంచుతోంది. గత షోల మాదిరిగానే, ఈసారి కూడా కంటెస్టెంట్ల అరుపులు, గొడవలు, అలకలతో ముందుకుసాగుతున్నది. ఎట్టకేలకు బిగ్ బాస్ షో తొలివారం పూర్తయ్యింది. మొత్తం 14 మంది కంటెస్టెంట్లు 7 జంటలుగా హౌస్ లోకి అడుగు పెట్టగా, తొలివారంలో బెజవాడ బేబక్క ఎలిమినేట్ అయ్యింది. షోలో ఎవరు ఎలా ఉంటున్నారనే విషయాన్ని కాసేపు పక్కనపెడితే, నాగ మణికంఠ మాత్రం కాస్త డిఫరెంట్ గా కనిపిస్తున్నాడు. మిగతా వాళ్లు అందరితో కలిసి హ్యాపీగా, జాలీగా ఉంటే, మణికంఠ అందరికీ దూరంగా ఉంటున్నాడు. చీటికి మాటికి తన బాధలను గుర్తు చేసుకుంటూ తెగ ఏడ్చేస్తున్నాడు. అంతేకాదు, తన భార్యతో పాటు కుటుంబ సభ్యులపైనా నెగెటివ్ కామెంట్స్ చేశాడు. ఈ నేపథ్యంలోనే ఆయన భార్యను నెటిజన్లు దారుణంగా ట్రోల్ చేస్తున్నారు. 


బాడీ షేమింగ్ కామెంట్స్ తప్పుబట్టిన మణికంఠ సిస్టర్..


నాగ మణికంఠ భార్య ప్రియ చూడ్డానికి కాస్త బొద్దుగా ఉన్నారు. దానికి తోడు అతడు చేసిన నెగెటివ్ కామెంట్స్ తో ఆమెపై నెటిజన్లు ద్వేషిస్తున్నారు. ‘కితకితలు’ హీరోయిన్ లా ఉందంటూ అడ్డగోలు కామెంట్స్ పెడుతున్నారు. ఈ కామెంట్స్ పై మణికంఠ చెల్లి కావ్య ఆగ్రహం వ్యక్తం చేశారు. ఆమె గురించి గురించి ఏం తెలుసని కామెంట్స్ పెడుతున్నారంటూ మండిపడింది. ఆమె చాలా మంచి మనసున్న మనిషని.. ఇప్పటికైనా బాడీ షేమింగ్ మానుకోవాలని చెప్పింది. ఈ మేరకు సోషల్ మీడియా వేదికగా సుదీర్ఘ పోస్టు పెట్టింది. 









ఎంట్రీ నుంచే మణికంఠ సింపతీ గేమ్


మణికంఠ షోలోకి ఎంట్రీ ఇవ్వక ముందు నుంచే సింపతీ పొందే ప్రయత్నం చేశాడు.  బిగ్ బాస్ హౌస్ లోకి  వచ్చే ముందు ప్లే చేసిన స్పెషల్ వీడియోలోనూ నాగ మణికంఠ తన బాధలను  చెప్పుకున్నాడు. తనకు పేరెంట్స్ లేరని, కట్టుకున్న భార్య  వెళ్లగొట్టిందని, చెప్తూ కావాల్సినంత సింపతీ పొందే ప్రయత్నం చేశాడు. హౌస్ లోని వాళ్లంతా అతడిని టార్గెట్ చేయడంతో ప్రేక్షకులు ఆయనకు సపోర్టుగా నిలిచారు. పెద్ద సంఖ్యలో ఓట్లు వేశారు. ఈ దెబ్బతో ఆయన టాప్ రేస్ లోకి చేరాడు.



అసలు నిజాలను బయటపెడుతున్న నెటిజన్లు


తాజాగా మణికంఠ సింపతీ గేమ్ గురించి, తన కుటుంబ సభ్యుల గురించి ఆయన చెప్పిన విషయాలు వాస్తవం కాదని నెటిజన్లు బయటపెడుతున్నారు. మొదట్లో తన భార్య గురించి, తల్లిదండ్రుల గురించి నెగెటివ్ కామెంట్స్ చేసిన ఆయన ఆ తర్వాత తన భార్య ప్రియ కారణంగానే ఈ హౌస్ లోకి వచ్చానని చెప్పాడు. ఆమె పంపించిన డబ్బుతోనే షాపింగ్ చేశానని చెప్పాడు. తన భార్యతో ఎలాంటి గొడవలు లేవని, ఆమె బంగారం అని చెప్పుకొచ్చాడు. చిన్న మనస్పర్థల కారణంగానే ఆమెకు తూరంగా ఉంటున్నాని చెప్పాడు. ఆమెను చాలా మిస్ అవుతున్నట్లు వెల్లడించాడు.  గతంలో ఆమె గురించి తప్పుగా ప్రచారం చేసిన మణికంఠ ఇప్పుడు ఆమె మంచిదని చెప్పడంపై నెటిజన్లు నిప్పులు చెరుగుతున్నారు. అతడివన్నీ మోసపూరిత మాటలేనని మండిపడుతున్నారు. అతడు తన తండ్రి మీద చేసిన కామెంట్స్ కూడా తప్పే అంటున్నారు. మణికంఠ పేరెంట్స్, సిస్టర్  అతడితో ఎంత ప్రేమగా ఉన్నారో చూడండి అంటూ అతడి పెళ్లి వీడియోను షేర్ చేస్తున్నారు. మణికంఠ కారణంగా అతడి ఫ్యామిలీ మెంబర్స్ మీద చెడు అభిప్రాయం ఏర్పడుతుందని నెటిజన్లు అభిప్రాయపడుతున్నారు. 



Also Read: 'దేవర' ముంగిట కార్తీ, అరవింద్ స్వామి - సేమ్ రిలీజ్ డేట్‌కు తమిళ సినిమా 'సత్యం సుందరం'