ఆమీర్ ఖాన్ హీరోగా, యువ సామ్రాట్ నాగచైతన్య ప్రధాన పాత్రలో నటిస్తున్న సినిమా 'లాల్ సింగ్ చద్దా'. నిజానికి ఈ సినిమా గతేడాదిలోనే రిలీజ్ కావాల్సింది కానీ అనివార్య కారణాల వలన ఆలస్యమవుతూ వచ్చింది. ఈ ఏప్రిల్ లో కచ్చితంగా రిలీజ్ చేస్తామని చెప్పారు కానీ అప్పుడు కూడా రాలేదు. ఫైనల్ గా ఆగస్టు 11న సినిమా ప్రేక్షకుల ముందుకు రానుంది. దీంతో ప్రమోషన్స్ షురూ చేశారు. ఈ క్రమంలో సినిమాలో నాగచైతన్య మేకోవర్ కి సంబంధించి ఓ వీడియోను షేర్ చేశారు.
ఇందులో నాగచైతన్య లుక్ అండ్ షూటింగ్ సమయంలో అతడి అనుభవాలను చూపించారు. ఈ సినిమాలో చైతు.. బోడి బాలరాజుగా కనిపించబోతున్నారు. ముందుగా బాల అనే పేరుతో క్యారెక్టర్ ను డిజైన్ చేశారట. పేరుకి ముందు వెనుక ఏదైనా యాడ్ చేయాలనుకున్నప్పుడు.. ఏపీలో బోడిపాలెం అనే ఊరులో అదే ఇంటి పేరుతో చాలా మంది ఉంటారని తెలుసుకొని దాన్నే క్యారెక్టర్ ఇనీషియల్ గా చేసినట్లు చైతు చెప్పారు. అలానే సినిమాలో తన లుక్ కి రిఫరెన్స్ తన గ్రాండ్ ఫాదర్ ఏఎన్నార్ అని చెప్పారు. ఇంకా వీడియోలో చాలా విషయాలే పంచుకున్నారు చైతు. అవేంటో కింద వీడియోలో చూసి తెలుసుకోండి!
ఇక ఈ సినిమా టామ్ హాంక్స్ నటించిన 1994 హాలీవుడ్ బ్లాక్ బస్టర్ 'ఫారెస్ట్ గంప్‌'కి రీమేక్. ఇంతకుముందు అమీర్‌తో కలిసి 'సీక్రెట్ సూపర్‌స్టార్‌' (2017) తీసిన అద్వైత్‌ చందన్‌ ఈ హిందీ వెర్షన్‌ ను డైరెక్ట్ చేస్తున్నారు. ఈ సినిమా అమీర్‌ ఖాన్ ప్రొడక్షన్స్‌లో బ్యానర్‌లో రానుంది. ఇందులో కరీనా కపూర్ హీరోయిన్ గా కనిపించనుంది. 'లాల్ సింగ్ చద్దా' సినిమాకు ఎరిక్‌ రోత్‌, రచయిత అతుల్‌ కులకర్ణి స్క్రీన్‌ప్లే అందించారు.
Also Read : రామారావు ఆన్ డ్యూటీ రివ్యూ: మాస్ మహారాజా రవితేజ సక్సెస్ అందుకున్నారా? లేదా?
Also Read : విక్రాంత్ రోణ రివ్యూ: కిచ్చా సుదీప్ సినిమా ఎలా ఉందంటే?