‘సీతారామం’ సినిమాతో దేశ వ్యాప్తంగా అద్భుత గుర్తింపు తెచ్చుకుంది అందాల తార మృణాల్ ఠాకూర్. దుల్కర్ సల్మాన్ హీరోగా నటించిన ఈ చిత్రం గత ఏడాది(2022) ఆగస్టు 5న విడుదలై మంచి విజయాన్ని అందుకుంది. వరుస సినిమాలతో ఫుల్ బిజీ అయ్యింది. తాజాగా కేన్స్ ఫిల్మ్ ఫెస్టివల్‌లో రెడ్ కార్పెట్ మీద హొయలుపోయింది. సినీ అభిమానులతో పాటు ఫ్యాషన్ విమర్శకుల హృదయాలను గెలుచుకుంది. ఆమె కేన్స్ ఫెస్టివల్ ఫోటోలు నెట్టింట్లో వైరల్ అయ్యాయి.
మార్కెల్ సినిమాలో భాగం కావాలి!
తాజాగా ఈ ముద్దుగుమ్మ నానితో కలిసి ఓ సినిమా చేస్తోంది. ఈ సినిమా డిసెంబర్ 21న గ్రాండ్‌గా విడుదలకానుంది. ఇప్పటికే ఈ సినిమా షూటింగ్ కొనసాగుతోంది. ఈ నేపథ్యంలో మృణాల్ రీసెంట్ గా ఓ ఇంటర్వ్యూ ఇచ్చింది. ఇందులో తన డ్రీమ్ రోల్ తో పాటు నాని గురించి పలు ఆసక్తికర విషయాలు వెల్లడించింది. ఏదో ఒక రోజు మార్కెల్ సినిమాలో భాగం కావాలని భావిస్తున్నట్లు తెలిపింది. “నేను మార్కెల్ సినిమాలకు పెద్ద అభిమానిని. ఆ సినిమాను ఎంతో ఇష్టంగా చూస్తాను. నేను ఏదో ఒక రోజు మార్వెల్ మూవీలో భాగం కావాలని భావిస్తున్నారు. భాగం అయ్యేలా చూడాలని దేవుడిని ప్రార్థిస్తున్నాను” అని చెప్పుకొచ్చింది.
నాని కళ్లతో మాట్లాడే గొప్ప నటుడు!
ఇక నానితో కలిసి చేస్తున్న సినిమా గురించి పలు విషయాలు వెల్లడించింది. “నాని చాలా గొప్ప నటుడు. అతడి నటన చాలా నేచురల్ గా ఉంటుంది. తను కళ్లతో మట్లాడగలిగే శక్తి ఉంది. ప్రస్తుతం నాని సినిమాకు సంబంధించి తొలి షెడ్యూల్ కంప్లీట్ అయ్యింది. ప్రస్తుతం షూటింగ్ కొనసాగుతోంది. నేను ఇప్పటి వరకు చదివిన స్ర్కిప్ట్ లలో ఈ సినిమా స్ర్కిప్ట్ బెస్ట్ గా ఉంది. ఈ సినిమా చక్కటి కథతో తెరకెక్కుతున్నది. నేను చేయాలని కోరుకుంటున్న సినిమా కూడా ఇదే. ఇదో అద్భుతమైన చిత్రం కాబోతోంది” అని తెలిపింది. ఈ సినిమాలో నటనకు గాను మృణాల్ రూ. 5 కోట్లు రెమ్యునరేషన్ తీసుకుంటున్నట్లు తెలుస్తోంది. ‘సీతారామం’ సినిమా వరకు రూ. 2 కోట్లు తీసుకున్న ఈమె, ఆ సినిమా బ్లాక్ బస్టర్ సాధించడంతో పారితోషికం పెంచిందట.
ఓ వైపు నాని సినిమాలో చేస్తుండగానే తెలుగులో మరో ఆఫర్ దక్కించుకున్నట్లు తెలుస్తోంది. మెగా హీరో రామ్ చరణ్ తో నటించే అవకాశం వచ్చినట్లు టాక్ నడుస్తోంది. ప్రస్తుతం రామ్ చరణ్, శంకర్ దర్శకత్వంలో ‘గేమ్ ఛేంజర్’ అనే సినిమా చేస్తున్నారు. దాదాపు ఈ సినిమా షూటింగ్ కంప్లీట్ కావొచ్చినట్లు తెలుస్తోంది. ఈ సినిమా తర్వాత రామ్ చరణ్ ‘ఉప్పెన’ మూవీతో సూపర్ హిట్ అందుకున్న బుచ్చిబాబు సానాతో ఓ సినిమా చేయనున్నారు. ఈ సినిమా నవంబర్‌లో సెట్స్ పైకి వెళ్లనుంది. ఇందులో హీరోయిన్‌గా మృణాల్ ఫైనల్ అయినట్లు తెలుస్తోంది.
Read Also: విజయ్, వెంకట్ ప్రభు కాంబోలో ప్రతిష్టాత్మక చిత్రం, ఇంట్రెస్టింగ్ వీడియోతో మూవీ రివీల్!