Mouni Roy: బాలీవుడ్ బ్యూటీ మౌనీ రాయ్ గురించి దాదాపు అందరికీ తెలిసే ఉంటుంది. సీరియల్స్ ద్వారా ఇండస్ట్రీలోకి ఎంట్రీ ఇచ్చిన ఈ బ్యూటీ పలు సీరియల్స్ లో నటించి నటిగా మంచి గుర్తింపు తెచ్చుకుంది. ముఖ్యంగా ‘నాగిన్’ అనే సీరియల్ లో నటించి మంచి క్రేజ్ సంపాదించుకుంది. తర్వాత సినిమా అవకాశాలు కూడా వచ్చాయి. గతేడాది వచ్చిన ‘బ్రహ్మాస్త్ర’ సినిమాలో కూడా ప్రధాన విలన్ పాత్రలో నటించి పేరు తెచ్చుకుంది. ఇటీవల ఈ బ్యూటీ గురించి ఓ వార్త సోషల్ మీడియాలో వైరల్ అవుతోంది. ఆమె ఆసుపత్రిలో చికిత్స పొందుతున్నట్టు ఉన్న ఫోటోలు బయటకు రావడంతో ఆమె అభిమానులు ఆందోళన వ్యక్తం చేస్తున్నారు. మౌనీకు ఏమైంది అంటూ ఆరా తీస్తున్నారు.
ఆసుపత్రిలో మౌనీ రాయ్..
సినిమా తారల వ్యక్తిగత విషయాలు వారి అభిమానులకు ఎప్పుడూ ఆసక్తికరంగానే ఉంటాయి. వారికి సంబంధించిన విషయాలు బయటకు వస్తే ఎక్కువగానే రియాక్ట్ అవుతారు ఫ్యాన్స్. తాజాగా మౌనీ రాయ్ కు సంబంధించిన ఓ వార్త ఒకటి బయటకు రావడంతో ఆమె అభిమానులు ఆందోళన వ్యక్తం చేస్తున్నారు. ఇటీవల బాలీవుడ్ బ్యూటీ మౌనీ రాయ్ తన సోషల్ మీడియా ఖాతాలో ఓ పోస్ట్ ను షేర్ చేసింది. అందులో మౌనీ రాయ్ ఆసుపత్రిలో చికిత్స తీసుకుంటున్నట్టు ఉంది. దానితో పాటు డిస్చార్జి అయి ఇంటికి వెళ్తున్నట్టు కూడా ఓ ఫోటోను షేర్ చేసింది. అలాగే ఆసుపత్రిలో గడిపిన కొన్ని ఫోటోలను కూడా షేర్ చేసింది. దానికి తోడు ఒక స్పెషల్ నోట్ ను కూడా రాసుకొచ్చింది మౌనీ.
తొమ్మిది రోజులు బెడ్ మీదే మౌనీ..
తన ఆసుపత్రిలో ట్రీట్మెంట్ తీసుకున్నట్టు తెలిపిన మౌనీ తన నోట్ లో ఇలా రాసుకొచ్చింది. “9 రోజులు ఆసుపత్రిలో ఉన్నాను. ఎప్పుడూ ఇలా నిశ్చలంగా ఉండలేదు. అయితే ఇప్పుడు నేను కోలుకున్నాను. తిరిగి ఇంటికి వచ్చాను. నెమ్మదిగా కోలుకుంటున్నాను. ప్రస్తుతం నా ఆరోగ్యం కుదుటపడుతోంది. ఇప్పుడు నేను చాలా సంతోషంగా ఉన్నాను. నన్ను చాలా జాగ్రత్తగా చూసుకున్న వైద్యులు అక్కడి మెడికల్ స్టాఫ్ అలాగే నా సన్నిహితులకు, స్నేహితులకు కృతజ్ఞతలు తెలుపుతున్నాను. నా భర్త నంబియార్ నన్ను చాలా బాగా చూసుకున్నారు. ఆయన లాంటి వారు ఎవరూ ఉండరు. మీ రుణం ఎప్పటికీ తీర్చుకోలేను’’ అంటూ రాసుకొచ్చింది.
మౌనీ రాయ్ గత కొంత కాలంగా తీవ్రమైన అనారోగ్య సమస్యతో బాధపడుతున్నట్టు తెలుస్తోంది. అయితే ఆమెను కొన్ని రోజుల క్రితం ఆసుపత్రిలో జాయిన్ చేశారు. తొమ్మిది రోజుల ట్రీట్మెంట్ అనంతరం ఆమె తిరిగి ఇంటికి వచ్చినట్టు పేర్కొంది. దీంతో ఆమె అభిమానుల హర్షం వ్యక్తం చేస్తున్నారు. త్వరగా కోలుకోవాలని ప్రార్థిస్తూ కామెంట్లు పెడుతున్నారు. అయితే మౌనీ రాయ్ కు వచ్చిన ఆ సమస్య ఏమిటీ అనేది మాత్రం బయటకు చెప్పలేదు. దీంతో దీనిపై ఆరా తీస్తున్నారు పలువురు నెటిజన్లు. మరి దీనిపై మౌనీ రాయ్ గానీ లేదా అమె కుటుంబ సభ్యులు గానీ ఏమైనా స్పందిస్తారా లేదా అనేది చూడాలి. ప్రస్తుతానికి మౌనీ తన ఇంట్లో పూర్తి విశ్రాంతిలో ఉన్నట్టు సమాచారం.
Also Read: మగాడివైతే 'మణిపూర్ ఫైల్స్' సినిమా తీయాలన్న నెటిజన్ - కౌంటర్ ఎటాక్ చేసిన 'కశ్మీర్ ఫైల్స్’ డైరెక్టర్!
Join Us on Telegram: https://t.me/abpdesamofficial