Sarkaru Vaari Paata | సూపర్ స్టార్ మహేష్ బాబు, దర్శకుడు పరశురామ్ కాంబినేషన్‌లో 'సర్కారు వారి పాట' సినిమా తెరకెక్కుతోన్న సంగతి తెలిసిందే. ముందుగా ఈ సినిమాను సంక్రాంతి కానుకగా విడుదల చేయాలనుకున్నారు. కానీ 'ఆర్ఆర్ఆర్' కోసం ఈ సినిమాను వాయిదా వేయాల్సి వచ్చింది. ఫైనల్ గా సమ్మర్ కనుకగా మే 12న విడుదల చేయబోతున్నట్లు ప్రకటించారు.
ప్రస్తుతం ఈ సినిమా షూటింగ్ దశలో ఉంది. హైదరాబాద్ లో కొత్త షెడ్యూల్ ను మొదలుపెట్టారు. ఇదిలా ఉండగా ఈ నెల 14న ప్రేమికుల దినోత్సవం సందర్భంగా సినిమాలో తొలి పాట 'కళావతి...' విడుదల చేయనున్న సంగతి తెలిసిందే. ఇప్పటికే దీనికి సంబంధించిన ఓ పోస్టర్ ను వదిలారు. తాజాగా సాంగ్ ప్రోమో బయటకొచ్చింది. 36 సెకన్ల ఈ ప్రోమో ప్రేక్షకులను ఆకట్టుకుంటుంది. సిద్ శ్రీరామ్ పాడిన ఈ పాటకు అనంత్ శ్రీరామ్ లిరిక్స్ అందించారు.
మహేష్ బాబు కెరీర్‌లో 27వ సినిమాగా రాబోతున్న ఈ సినిమాను భారీ బడ్జెట్ తో మైత్రి మూవీ మేకర్స్, 14 రీల్స్ ప్లస్, జి.మహేష్ బాబు ఎంటర్‌టైన్‌మెంట్ బ్యానర్స్ సంయుక్తంగా నిర్మిస్తున్నాయి. ఈ సినిమా మహేష్ సరసన కీర్తి సురేష్ హీరోయిన్‌గా నటిస్తోంది. సుబ్బరాజు, వెన్నెల కిషోర్ కీలక పాత్రలు పోషిస్తున్నారు. తమన్ ఈ సినిమాకి సంగీతం అందిస్తున్నారు. ఈ సినిమా తర్వాత త్రివిక్రమ్ దర్శకత్వంలో మహేష్ బాబు చేయనున్న సినిమా సెట్స్ మీదకు వెళ్లనుంది. అందులో పూజా హెగ్డే కథానాయిక.