ప్రముఖ కొరియోగ్రాఫర్ బృందా గోపాల్ 'హే సినామిక' అనే సినిమాతో దర్శకురాలిగా ఎంట్రీ ఇవ్వబోతుంది. ఇందులో దుల్కర్ సల్మాన్ హీరోగా నటించగా.. అదితి రావు హైదరి, కాజల్ అగర్వాల్ హీరోయిన్లుగా నటించారు. మార్చి 4న ఈ సినిమాను విడుదల చేయడానికి ప్లాన్ చేస్తున్నారు. దీంతో ప్రమోషన్స్ షురూ చేశారు. ఈ క్రమంలో సినిమా ట్రైలర్ ను విడుదల చేశారు. మలయాళంలో మమ్ముట్టి ఈ ట్రైలర్ ను విడుదల చేయగా.. తెలుగులో సూపర్ స్టార్ మహేష్ బాబు రిలీజ్ చేశారు.
రొమాంటిక్, కామెడీ ఎంటర్టైనర్ గా సినిమాను రూపొందించారు. మౌన(అదితి రావు హైదరి) అనే అమ్మాయిని చూసి ఇష్టపడతాడు ఆర్యన్(దుల్కర్ సల్మాన్). ఇద్దరూ ఒకరినొకరు ప్రేమించుకొని పెళ్లి చేసుకుంటారు. కానీ అతడి బిహేవియర్ తో విసిగిపోయిన మౌన విడాకులు తీసుకోవాలనుకుంటుంది. దీనికోసం తనతో కలిసి పని చేసే సాయం కోరుతుంది. ఫ్రెండ్స్ తో కూర్చొని భర్తపై జోకులేస్తుంటుంది మౌన.
అదే సమయంలో ఆర్యన్ మరో అమ్మయితో స్నేహం చేస్తాడు. భర్త మరొకరితో సన్నిహితంగా ఉండడం చూసి తట్టుకోలేని మౌన తిరిగి అతడికి పొందాలనుకుంటుంది. కానీ ఫైనల్ గా హీరోకి లవ్, ఫ్రెండ్షిప్ రెండింటి మీద నమ్మకం పోతుంది. ఆ తరువాత ఏం జరిగిందనేదే సినిమా. ట్రైలర్ తోనే సినిమా ఎలా ఉండబోతుందో చెప్పే ప్రయత్నం చేశారు డైరెక్టర్. బ్యాక్ గ్రౌండ్ స్కోర్ ఆకట్టుకుంది. చాలా క్లాసీగా సినిమాను రూపొందించారనిపిస్తుంది.
జియో స్టూడియోస్, గ్లోబల్ వన్ స్టూడియోస్ బ్యానర్లపై సంయుక్తంగా ఈ సినిమాను నిర్మించారు. ఈ సినిమాకి '96' ఫేమ్ గోవింద్ వసంత సంగీతం అందించారు. రీసెంట్ గానే ఈ సినిమా సెన్సార్ కార్యక్రమాలు కూడా పూర్తయ్యాయి. క్లీన్ 'యు' సర్టిఫికెట్ దక్కించుకుంది.