ప్రముఖ మలయాళ నటుడు నెడుమూడి వేణు(73) కన్నుమూశారు. అనారోగ్యంతో బాధపడుతున్న వేణుని కేరళలోని ఓ ప్రైవేట్ హాస్పిటల్ లో జాయిన్ చేసి ట్రీట్మెంట్ అందిస్తున్నారు. ఇటీవలే ఆయన కోవిడ్ బారిన పడి కోలుకున్నారు. కానీ ఇంతలోనే ఆయన మరణవార్త విని అభిమానులు షాకవుతున్నారు. ట్విట్టర్ వేదికగా దిగ్బ్రాంతి వ్యక్తం చేస్తున్నారు. నెడుమూడి వేణు కొన్ని నెలలుగా కడుపు సంబంధిత వ్యాధులతో పోరాడుతున్నారు.


Also Read: మా ఇద్దరి బంధమేంటో చైతుకి తెలుసు.. సమంత స్టయిలిస్ట్ కామెంట్స్..


అతడి ఆరోగ్య పరిస్థితి విషమించడంతో అతడిని హాస్పిటల్ లో చేర్చారు. చికిత్స పొందుతూ ఈరోజు(అక్టోబర్ 11)న ఆయన తుదిశ్వాస విడిచారు. నెడుమూడి వేణు మరణవార్త తెలుసుకున్న సినీ ప్రముఖులు పృథ్వీరాజ్ సుకుమారన్, దర్శకుడు సంగీత్ శివన్, నటుడు టోవినో థామస్ ఇలా చాలా ముందరి తారలు సోషల్ మీడియా వేదికగా నివాళులు అర్పిస్తున్నారు. 


మలయాళంతో పాటు తమిళ, తెలుగు చిత్రాల్లో నటించారాయన. డబ్బింగ్ సినిమాలతో తెలుగు ప్రేక్షకులకు మరింతదగ్గరయ్యారు . ఎన్నో దశాబ్దాలుగా ఇండస్ట్రీలో రాణిస్తున్న ఆయన 500కి పైగా చిత్రాలలో నటించారు. నటించడంతో పాటు కొన్ని సినిమాలకు స్క్రీన్ ప్లే కూడా అందించారు. ఓ సినిమా డైరెక్ట్ కూడా చేశారు. నటుడిగా మూడు జాతీయ చలనచిత్ర అవార్డులను సొంతం చేసుకున్నారు నెడుమూడి వేణు.