అఖిల్ ఇంటికి ఆలస్యంగా రావడంతో జెస్సీ కంగారుపడుతుంది. ఎన్ని సమస్యలు వచ్చినా ఉమ్మడి కుటుంబాన్ని ఒకటిగా ఉంచుతామని జానకి, రామ అంటారు. మీరు మాటిచ్చినంత తేలిక కాదని గోవిందరాజులు చెప్తాడు. ఆఫీసు నుంచి ఇంటికి రావడం లేట్ అయితే ఇంత సీన్ క్రియేట్ చేయాలా అని అఖిల్ చిరాకుపడతాడు.


జెస్సి: మావయ్యతో అలా మాట్లాడి ఉండాల్సింది కాదు


అఖిల్: ఆడుకోవడానికి మనవడిని ఇచ్చాను ఖర్చుల కోసం రెండు వేలు తగ్గించాను ఆ మాత్రం ఓర్చుకోలేరా


Also Read: కావ్యకి సారీ చెప్పిన రాజ్- బయటపడిన అపర్ణ దాష్టీకం, కన్ఫ్యూజన్ లో రుద్రాణి


తండ్రితో మాట్లాడే పద్ధతి అది కాదని జానకి సీరియస్ అవుతుంది. అది చూసి విష్ణు, మల్లిక రెచ్చిపోయి తిరగబడితే మావయ్య పరిస్థితి ఏంటి? అఖిల్ కి సంపాదన లేకపోతే మనమే సపోర్ట్ గా నిలబడదాం నెలకి ముప్పై వేలు సంపాదిస్తూ పదిహేను వేలు అని చెప్పాడు ఏమి అనలేదు కదా రెండు వేలు ఇవ్వడానికి అంత కక్కుర్తి ఏంటని జానకి కోప్పడుతుంది. గోవిందరాజులు బాధగా కూర్చుని ఉంటే జ్ఞానంబ వచ్చి పలకరిస్తుంది. తెల్లారి జ్ఞానంబ ఇంట్లో ఉగాది వేడుకలు మొదలవుతాయి. విష్ణు పని చేస్తుంటే మల్లిక పర్మిషన్ ఇచ్చిందా లేదా అని వెటకారంగా అడుగుతాడు.


వేప పువ్వు కోయడానికి మలయాళంని మల్లిక వేప చెట్టెక్కిస్తుంది. వేప పువ్వు కొయ్యడం చేతకాక చెట్టు మీద నుంచి కిందపడిపోతాడు. కాసేపు గోవిందరాజులు ఆట పట్టిస్తాడు. జానకి ముక్కెర పెట్టుకుంటుంటే రామ అలాగే చూస్తూ ఉండిపోతాడు. భార్య అందంగా ఉందని ముద్దు కావాలని మురిపెంగా అడుగుతాడు. కాసేపు రామ, జానకి సరసాలు మొదలుపెట్టేస్తారు. మీ మొహంలోనే షడ్రుచులు ఉన్నాయని రామ పెళ్ళాని ఎత్తేస్తాడు. అయితే అవేంటో చెప్పమని అంటుంది. చేదు భార్య కన్నీళ్ళు, పులుపు బిడ్డ రూపంలో ఇవ్వాలనుకున్నట్టు చెప్తాడు.  అన్నింటికీ అన్ని మాటలు చెప్తాడు. తర్వాత భర్తతో పూలు పెట్టించుకుంటుంది. వాళ్ళు సంతోషంగా మాట్లాడుకోవడం చూసి వీళ్ళ తొందర చూస్తుంటే మళ్ళీ ఉగాదికి ముగ్గురు అయ్యేలా ఉన్నారని మల్లిక కుళ్ళుకుంటుంది. జెస్సి రెడీ అవుతుంటే బాబు ఏడుస్తాడు. డైపర్ మార్చాలేమో చూడమని చెప్తుంది. ఈరోజు చెయ్యను ఉగాది రోజు ఏ పనులు చేస్తే సంవత్సరమంతా అదే చేయాల్సి వస్తుందని అంటాడు. అలా అయితే ఎప్పుడు రెడీ అవాలని అనేసరికి చేసేదేమి లేక అఖిల్ డైపర్ మారుస్తాడు. విష్ణు రెడీ అవుతుంటే మల్లిక తిట్టుకుంటుంది. జానకి వాళ్ళ లాగా నేను కూడా సంతోషంగా ఉండాలని అనుకుని తన జడలో పూలు పెట్టమని అడుగుతుంది.


Also Read: ఈ జర్నీ ఇంతటితో ఆపేద్దామన్న యష్- విన్నీ కుట్రతో మళ్ళీ మొదటికొచ్చిన వేద జీవితం