Naga Chaitanya: ఎంతమందికి ముద్దు పెట్టానో తెలీదు, ఆమే నా సీక్రెట్ క్రష్ - నాగ చైతన్య!

నాగ చైతన్య నటించిన ‘కస్టడీ’ సినిమా మే 12న విడుదలకు రెడీ అవుతోంది. ఈ నేపథ్యంలో యూట్యూబర్ ఇర్ఫాన్ తో కాసేపు ముచ్చటించారు. ఈ సందర్భంగా పలు ఆసక్తికర విషయాలు చెప్పారు.

నాగ చైతన్య హీరోగా తెరకెక్కుతున్న తొలి బైలింగ్వల్ మూవీ ‘కస్టడీ’. దర్శకుడు వెంకట్ ప్రభు ఈ సినిమాను తెరకెక్కిస్తున్నారు. కృతి శెట్టి హీరోయిన్ గా నటిస్తున్న ఈ సినిమా మే 12న విడుదలకు రెడీ అవుతోంది. ఇప్పటికే ఈ సినిమాకు సంబంధించిన ప్రమోషన్ కార్యక్రమాలు కొనసాగుతున్నాయి. తాజాగా తమిళ యూట్యూబర్ ఇర్ఫాన్ తో కలిసి ట్రూత్ ఆర్ డేర్ ఆడారు. ఈ గేమ్ లో నాగ చైతన్య పలు ఆసక్తికర విషయాలు చెప్పారు. ఇంతకీ ఆయన చెప్పిన ముచ్చట్లేంటో ఇప్పుడు తెలుసుకుందాం..

యూట్యూబర్ ఇర్ఫాన్ తో చై గేమ్!   

ఇర్ఫాన్: మీ లైఫ్ లోబిగ్గెస్ట్ సీక్రెట్?

నాగ చైతన్య: నా జీవితంలో ఎలాంటి నిరాశ, విచారం లేదు. కానీ, కొన్ని సినిమాల విషయంలో కాస్త బాధపడిన సందర్భాలున్నాయి. సినిమాలు చేసేటప్పుడు కాస్త జాగ్రత్త తీసుకుంటే బాగుండేది అనిపించింది.

ఇర్ఫాన్: క్రష్ లేదా ఫార్ట్ నర్ దృష్టిని మీ మీదికి మళ్లించుకునేందుకు చేసిన పనికి మీరు ఎప్పుడైనా పశ్చాత్తాపపడ్డారా?

నాగ చైతన్య: అమ్మాయిల దృష్టిని మళ్లించుకునేందుకు చాలా ప్రయత్నాలు చేశాను. స్కూల్ డేస్ లో ఇలాంటి సిల్లీ పనులు చాలా చేశాను. 

ఇర్ఫాన్: నీ సీక్రెట్ క్రష్ ఎవరు?

నాగ చైతన్య: ఈ మధ్య ఓ ఇంగ్లీష్ సినిమా చూశాను. దాని పేరు ‘బాబిలోన్’. ఇందులో మార్గోట్ రాబీ బాగా నచ్చింది. ఆమె ఫర్ఫార్మెన్స్ చాలా బాగుంది. ఆమె మీద క్రష్ ఏర్పడింది.

ఇర్ఫాన్: ఇప్పటి వరకు నువ్ ఎంత మందిని కిస్ చేశావ్?

నాగ చైతన్య: నేను ఎంత మందిని కిస్ చేశానో నాకే తెలియదు. నా సినిమాల్లో చాలా కిస్సింగ్ సీన్స్ ఉన్నాయి. ఇప్పటి వరకు లెక్క పెట్టలేదు.

ఇర్ఫాన్: డ్రైవింగ్ చేస్తున్నప్పుడు మీరు చేసే విచిత్రమైన పని ఏమిటి

నాగ చైతన్య: నేను డ్రైవింగ్ చేసేటప్పుడు ఎలాంటి విచిత్రమైన పని చేయను. కేవలం డ్రైవింగ్ మాత్రమే చేస్తాను. నాకు డ్రైవింగ్ అంటే ఇష్టం. ఎంజాయ్ చేస్తాను. కానీ, విచిత్రమైన పనులు చేయను. ఎందుకంటే సేఫ్టీ అనేది చాలా ముఖ్యం.

ఇర్ఫాన్: ‘కస్టడీ’ మూవీ గురించి చెప్పండి?

నాగ చైతన్య: ఇది నా తొలి బహుభాషా చిత్రం. ఈ చిత్రంలో పూర్తి స్థాయిలో యాక్షన్ రోల్ పోషించాను. అరవింద్ స్వామి, శరత్ కుమార్ లాంటి స్టార్స్ తో కలిసి పని చేయడం సంతోషంగా ఉంది. సినిమా చాలా బాగా వచ్చింది. ప్రేక్షకులకు ఈ సినిమా బాగా నచ్చుతుందని ఆశిస్తున్నాను.

 

మే 12న ‘కస్టడీ’ రిలీజ్

నాగ చైతన్య ప్రధాన పాత్రలో నటించిన ‘కస్టడీ’ సినిమా తెలుగుతో పాటు తమిళంలోనూ రిలీజ్ కానుంది. మే 12న రిలీజ్ కాబోతున్న ఈ మూవీ నుంచి ఇప్పటికే విడుదలైన ఫస్ట్ లుక్ పోస్టర్లు, ఫస్ట్ సింగిల్, గ్లింప్స్, టీజర్ సినిమాపై అంచనాలను పెంచాయి.  కస్టడీ మూవీలో నాగ చైతన్య పోలీస్ కానిస్టేబుల్ గా కనిపిస్తున్నారు. ఈ మూవీలో చైతూ సరసన కృతి శెట్టి నటిస్తోంది. ఈ సినిమాతోనే వెంకట్ ప్రభు టాలీవుడ్ కు డైరెక్టర్ గా పరిచయం అవుతున్నారు. ఈ మూవీలో సీనియర్ నటులు అరవింద్ స్వామి, శరత్ కుమార్, ప్రియమణి  కీలక పాత్రలు పోషించారు.