విశ్వక్ సేన్ ను కాదని అడవి శేషును తీసుకున్న శైలేష్
మాస్ హీరో విశ్వక్ సేన్ నటించిన మూవీ ‘హిట్’. ఈ సినిమాను శైలేష్ కొలను తెరకెక్కించాడు. ఇందులో విశ్వక్ సేన్ పోలీసులు అధికారి పాత్రలో కనిపించాడు. క్రైమ్ ఇన్వెస్టిగేషన్ థ్రిల్లర్ గా తెరకెక్కిన ఈ సినిమాకు నేచురల్ స్టార్ నాని నిర్మాతగా వ్యవహరించాడు. ‘హిట్ సినిమాతో మంచి హిట్ కొట్టాడు శైలేష్. ఈ సినిమా చక్కటి విజయాన్ని అందుకోవడంతో సీక్వెల్ తీయనున్నట్లు అప్పట్లోనే దర్శకుడు వెల్లడించాడు. ‘హిట్: ది ఫస్ట్ కేస్’ తర్వాత ప్రస్తుతం ‘హిట్: ది సెకెండ్ కేస్’ సినిమాను తెరకెక్కిస్తున్నాడు. ఈ సినిమాలో హీరోగా విశ్వక్ సేన్ కు బదులుగా అడవి శేషును తీసుకున్నాడు. దర్శకుడి నిర్ణయానికి అంతా షాకయ్యారు.
హిట్-2లో విశ్వక్ సేన్ లేడు, కానీ ఉంటాడన్న దర్శకుడు
‘హిట్’ మూవీలో నటించిన విశ్వక్ సేన్ ను కాదని సీక్వెల్ లో అడవి శేషును తీసుకోవడంపై శైలేష్ స్పందించాడు. ’హిట్: ది సెకెండ్ కేస్’ ప్రకటించిన సందర్భంలో చాలా మంచి ఆశ్చర్యపోయారు. ఫస్ట్ పార్ట్ లో విశ్వక్ నటిస్తే, సెకెండ్ పార్ట్ లో అడవి శేషును తీసుకోవడం ఏంటని చాలా మంది తిట్టుకున్నారు. అయితే, ఈ సినిమాలో విక్రమ్ రుద్రరాజు ( హిట్ మూవీలో విశ్వక్ సేన్ క్యారెక్టర్) ఎక్కడికీ వెళ్లడు. ఈ యూనివర్స్ లోనే ఉంటాడు. మళ్లీ వస్తాడు. అందరూ పోలీస్ ఆఫీసర్ లు కలిసి ఒక పెద్ద కేస్ సాల్వ్ చేసినప్పుడు విక్రమ్ రుద్రరాజు స్టోరీ కూడా కంప్లీట్ అవుతుంది” అని చెప్పాడు.
హిట్-3 ఉంటుందని హింట్ ఇచ్చిన శైలేష్
‘హిట్: ది సెకెండ్ కేస్’ లో అడవి శేషు కృష్ణ దేవ్ అనే పోలీస్ అధికారి పాత్రలో కనిపిస్తాడని దర్శకుడు శైలేష్ తెలిపారు. అంతేకాదు, హిట్-2 తర్వాత, హిట్-3 కూడా ఉంటుందని చెప్పకనే చెప్పాడు. అటు తాజాగా విడుదలైన ‘హిట్-2’ సినిమా టీజర్ సస్పెన్స్ థ్రిల్లర్ గా కనిపిస్తోంది. ముక్కలు ముక్కలుగా నరికిన యువతి డెడ్ బాడీతో భయంకరంగా ఉంది. ఈ కేసును అడవి శేషు పరిష్కరించబోతున్నాడు. ‘హిట్-2’ సినిమా డిసెంబర్ 2న ప్రేక్షకులు ముందుకు రానుంది.
హిట్-2 నిర్మాతగా నాని
‘హిట్‘ సినిమాకు నిర్మాతగా వ్యవహరించిన నాని, ఈ సినిమా బాధ్యతలు కూడా తీసుకున్నాడు. క్రైమ్ థ్రిల్లర్ గా రూపొందిన ‘హిట్‘ మూవీలో విశ్వక్ సేన్ ప్రేక్షకులను బాగా ఆకట్టుకున్నాడు. వసూళ్ల పరంగానూ ఈ సినిమా దుమ్మురేపింది. ‘హిట్-2‘లో అడవి శేషు ఎలా ఆకట్టుకుంటాడో చూడాలి.
Read Also: యాక్షన్‌తో దుమ్మురేపిన సుధీర్, ఆకట్టుకుంటున్న ‘గాలోడు’ టీజర్