మెగాస్టార్ చిరంజీవి (Megastar Chiranjeevi) కథానాయకుడిగా నటించిన తాజా సినిమా 'గాడ్ ఫాదర్' (Godfather Movie). దసరా కానుకగా అక్టోబర్ 5న ప్రేక్షకుల ముందుకు వస్తోంది. ఫస్ట్ లుక్స్, టీజర్ విడుదల చేయడం మినహా ఇప్పటి వరకు పెద్దగా ప్రచార కార్యక్రమాలు ఏవీ ప్రారంభించలేదు. సాంగ్స్ రిలీజ్ వంటివి పక్కన పెడితే... ప్రీ రిలీజ్ ఫంక్షన్ కోసం మెగా అభిమానులు, ప్రేక్షకులు ఎదురు చూస్తున్నారు. అతిథిగా ఎవరు వస్తారనే చర్చ జరుగుతోంది.
 
'గాడ్ ఫాదర్' ప్రీ రిలీజ్... 
పవన్ కళ్యాణ్ వస్తున్నారా!?
'గాడ్ ఫాదర్' ప్రీ రిలీజ్ ఈవెంట్‌కు పవన్ కళ్యాణ్ ముఖ్య అతిథిగా రానున్నారని... అన్నయ్య చిరంజీవితో కలిసి వేదికపై సందడి చేయనున్నారని ప్రచారం జరుగుతోంది. అందులో నిజం లేదని సమాచారం. అన్నయ్య కోసం తమ్ముడు ఈ ఫంక్షన్‌కు వస్తారని సెప్టెంబర్ తొలి వారంలో అనుకున్నారు. అయితే, బస్ యాత్ర వల్ల రాకపోవచ్చనే మాటలు వినిపించాయి. జనసేనాని బస్ యాత్ర వాయిదా పడటంతో ఆయనను ప్రీ రిలీజ్ (Godfather Pre Release Event) కు రప్పించే ప్రయత్నాలు జరుగుతున్నాయని మళ్ళీ వార్తలు మొదలు అయ్యాయి. అయితే... పవన్ అమెరికా పర్యటన ఉందని, అందువల్ల బస్ యాత్ర వాయిదా వేశారని, ఆయన 'గాడ్ ఫాదర్' ప్రీ రిలీజ్ వేడుకకు రావడం అనుమానమేనని ఫిల్మ్ నగర్ వర్గాల సమాచారం.


అనంతపురంలో ఆ రోజే ప్రీ రిలీజ్ ఫంక్షన్!
సాధారణంగా సినిమా ఫంక్షన్లు హైదరాబాద్‌లో జరుగుతాయి. కొన్ని సంవత్సరాల నుంచి విశాఖ, రాజమండ్రిలో నిర్వహిస్తున్నారు. ఈ మధ్య రాయలసీమ వెళ్లడం స్టార్ట్ చేశారు టాలీవుడ్ ప్రముఖులు. 'గాడ్ ఫాదర్' టీమ్ సైతం రాయలసీమ వెళ్ళడానికి రెడీ అవుతోంది. అనంతపురం (Anantapur) జిల్లాలో 'గాడ్ ఫాదర్' ప్రీ రిలీజ్ ఈవెంట్ చేయడానికి ఏర్పాట్లు చకచకా జరుగుతున్నాయి. గవర్నమెంట్ జూనియర్ కాలేజ్ గ్రౌండ్స్‌ను రెడీ చేస్తున్నారు. ఈ నెల 28న మెగా అభిమానుల సమక్షంలో భారీ ఎత్తున ఈవెంట్ చేయనున్నారు. 


ఈ రోజు చిరు, సల్మాన్ సాంగ్ రిలీజ్'గాడ్ ఫాదర్' ప్రీ రిలీజ్ ఈవెంట్‌కు సల్మాన్ ఖాన్ (Salman Khan) వస్తారా? రారా? అని తెలుగు ప్రేక్షకులతో పాటు ఇండస్ట్రీ ప్రముఖులు కూడా ఎంతో ఆసక్తిగా ఎదురు చూస్తున్నారు. ఆయన కూడా వస్తే... మెగా సోదరులతో పాటు బాలీవుడ్ మెగాస్టార్‌ను ఒకే వేదికపై చూసే అవకాశం తెలుగు ప్రేక్షకులకు దక్కుతుంది. సినిమాలో చిరు, సల్మాన్ ఓ పాటలో డ్యాన్స్ చేశారు. ఇటీవల ఆ సాంగ్ విడుదల అయ్యింది. ఆ పాటకు ప్రభుదేవా కొరియోగ్రఫీ అందించారు.


Also Read : జహీరాబాద్ ఎంపీ అభ్యర్థిగా జీవితా రాజశేఖర్?


'గాడ్ ఫాదర్'కు మోహన్ రాజా (Mohan Raja) దర్శకత్వం వహించారు. కొణిదెల సురేఖ సమర్పణలో ఆర్బీ చౌదరి, ఎన్వీ ప్రసాద్ చిత్రాన్ని నిర్మిస్తున్నారు. ఇందులో చిరు సోదరిగా నయనతార (Nayanthara) కనిపించనున్నారు. ఆమెకు భర్త, ప్రతినాయకుడి పాత్రలో సత్యదేవ్, ఇతర కీలక పాత్రల్లో సునీల్, సముద్రఖని నటించారు. ఈ చిత్రానికి ఎస్.ఎస్. తమన్ (Thaman) సంగీత దర్శకుడు, నీరవ్ షా ఛాయాగ్రాహకుడు, సురేష్ సెల్వరాజన్ కళా దర్శకుడు. 


Also Read : ట్రైలర్ ఎఫెక్ట్ - నాగార్జున నిర్మాతల ప్లానింగ్‌లో భారీ మార్పులు