ఖుషికి వేద అన్నం తినిపిస్తూ ఉంటుంది. రోజు స్కూల్ కి వెళ్ళి బోర్ కొడుతుంది ఎక్కడికైనా పిక్నిక్ కి వెళ్దామా అని ఖుషి అడుగుతుంది. వేద సరే అంటుంది. మీ దాడి వచ్చాక నేను మాట్లాడతాను ఖుషి పిక్నిక్ అంటే డాడీ వద్దని అంటారా అని చెప్తుంది. ఈ పిక్నిక్ ఐడియా ఏదో బాగుందే, ఈ మధ్య బాగా టెన్షన్ గా కనిపిస్తున్నారు. కాసేపు ఆయన మాజీ భార్యకి సెలవు ఇవ్వండి శ్రీవారు ఇక్కడ ఇంట్లో తమరి ముద్దుల కూతురు, ఖుషికి అమ్మ కూడా ఉంది. మమ్మల్ని పూర్తిగా పక్కన పెట్టేస్తారా, మీరు కుదరదు అన్నాసరే ముక్కుపిండి అయినా తీసుకుని వెళ్తాం. అయినా ఈ పిక్నిక్ మా కంటే మీకే ఎక్కువ అవసరం అని అనుకుంటుంది.


యష్ మల్లెపూలు తీసుకుని ఇంటికి వస్తాడు. ఖుషి నవ్వుతూ పలకరిస్తుంది. వేద కూడా ముసిముసిగా నవ్వుతూ ఉంటుంది. అది చూసి ఇదేంటి రుసరుసలాడుతుంది అనుకుంటే ముసి ముసి నవ్వులు నవ్వుతుంది ఏంటి అని బిత్తరపోతాడు. మాళవిక గురించి ఆలోచిస్తూ భయపడతాడు ఆదిత్య. మనం ఎక్కడికైనా వెళ్దామా అని ఆదిత్య అడుగుతాడు. నేను నీ దగ్గరే ఉన్నా కావాలంటే ఫ్రెష్ అవడానికి పిక్నిక్ కి వెళ్దాం నువ్వు, ఖుషి, నాన్న, నేను అని చెప్తుంది. మీ అందరితో సంతోషంగా ఉండాలని ఉంది కానీ అది జరగదేమో అని అంటుంటే ఎందుకు జరగదు నాన్నతో నేను మాట్లాడతాను అని ఆదిత్య చెప్తాడు.


Also read: దేవి ప్లాన్ అదుర్స్, అడ్డంగా బుక్కైన రుక్మిణి- ఆదిత్యే తన తండ్రి అని తెలిసిపోతుందా?


అటు ఖుషి యష్ ని పిక్నిక్ కి వెళ్దామని అడుగుతుంది. సరే వెళ్దాం అని ఒప్పుకుంటాడు. అప్పుడే ఆదిత్య యష్ కి ఫోన్ చేస్తాడు. నాకు మీతో ఎక్కడికైనా ఔటింగ్ కి వెళ్లాలని ఉంది తీసుకుని వెళ్తారా అని అడుగుతాడు. ఆ మాటకి యష్ చాలా సంతోషిస్తాడు. మనతో పాటు ఖుషిని కూడా తీసుకుని వస్తారా అని అంటే తీసుకుని వస్తాను అని చెప్తాడు. మీరు నేను ఖుషి మన ముగ్గురితో పాటు మాళవిక అమ్మ కూడా వస్తుందని ఆదిత్య బతిమలాడతాడు. సరే అని ఒప్పుకుంటాడు. మనం మాత్రమే వెళ్దాం మీ వైఫ్ వద్దు అని చెప్పి ఫోన్ పెట్టేస్తాడు. అటు పిక్నిక్ కి వెళ్తున్నాంఅని ఖుషి చాలా సంతోషంగా ఉంటుంది. తను అనుకున్నది జరుగుతున్నందుకు మాళవిక హ్యపీగా ఉంటుంది. నేను కొట్టే ఈ దెబ్బకి ఆ వేద గింగిరాలు తిరుగుతుందని అనుకుంటుంది.


మల్లెపూలు తీసుకొచ్చి నా అలక తీరుద్దామని అనుకుంటున్నారా? నా అలక తీరిపోయింది. మీరు మల్లెపూలు తెచ్చినందుకు కాదు మాతో పిక్నిక్ కి తీసుకెళ్తున్నారుగా అందుకు అని వేద వాటిని చూసి మురిసిపోతుంది. అటు యష్ బాధపడుతూ ఉంటాడు. ఇప్పుడిప్పుడే ఆదిత్య నాకు దగ్గర అవుతున్నాడు. పిక్నిక్ ఐడియా బాగుంది కానీ వేద లేకుండా వెళ్ళడం ఎలా? వేద రావొద్దు అంటే నేను ఒప్పుకునే వాడిని కాదు కానీ అడిగింది నా ఆది అయిపోయాడు ఏం చెయ్యాలి ఆలోచిస్తూ ఉంటాడు.


Also Read: చిచ్చు పెట్టేందుకు వేదని కలిసిన అభిమన్యు- మాళవిక వాళ్ళకి షాకింగ్ విషయం చెప్పిన లాయర్