Indian 2 Movie: ‘భారతీయుడు 2’ నుంచి అదిరిపోయే అప్ డేట్, గ్లింప్స్‌ రిలీజ్ డేట్ ఫిక్స్

‘భారతీయుడు 2‘ సినిమా కోసం దేశ వ్యాప్తంగా అభిమానులు ఆసక్తిగా ఎదురు చూస్తున్నారు. తాజాగా ఈ మూవీకి సంబంధించి మేకర్స్ సాలిడ్ అప్డేట్ ఇచ్చారు. గ్లింప్స్ రిలీజ్ డేట్ అనౌన్స్ చేశారు.

తమిళ సినిమా పరిశ్రమలో తెరకెక్కుతున్న భారీ బడ్జెట్ మూవీ ‘ఇండియన్ 2‘. దిగ్గజ దర్శకుడు శంకర్ ఈ సినిమాను తెరకెక్కిస్తున్నారు. లోకనాయకుడు కమల్ హాసన్ ఈ చిత్రంలో హీరోగా నటిస్తున్నారు. ఇప్పటికే ఈ సినిమాపై దేశ వ్యాప్తంగా భారీ అంచనాలు నెలకొన్నాయి. తాజాగా ఈ సినిమాకు సంబంధించి మేకర్స్ అదిరిపోయే అప్ డేట్ ఇచ్చారు. ‘ఇండియన్ 2‘ గ్లింప్స్ రిలీజ్ డేట్ ను ప్రకటించారు.

‘ఇండియన్ 2’ గ్లింప్స్ రిలీజ్ డేట్ ప్రకటించిన మేకర్స్

సుమారు రెండు దశాబ్దాల క్రితం శంకర్, కమల్ హాసన్ కాంబోలో వచ్చిన ‘భారతీయుడు‘ సినిమా అప్పట్లో సంచలన విజయాన్ని సాధించింది. బాక్సాఫీస్ దగ్గర వసూళ్ల వర్షం కురిపించింది.  రోజుల్లోనే ఏకంగా రూ. 50 కోట్ల గ్రాస్ సాధించి కొత్త రికార్డులు నెలకొల్పింది. మళ్లీ ఇప్పుడు ఆ సినిమాకు సీక్వెల్ గా ‘ఇండియన్ 2‘ సినిమా తెరకెక్కుతోంది. ఈ సినిమా షూటింగ్ పలు మార్లు వాయిదా పడింది. ఇక సినిమా విడుదల విషయంలోనూ వాయిదాల పర్వం కొనసాగుతోంది. ఓవైపు కమల్ హాసన్ తో ఈ సినిమా తెరకెక్కిస్తూనే, మరోవైపు రామ్ చరణ్ ‘గేమ్‌ ఛేంజర్‌’ సినిమా షూటింగ్ లోనూ పాల్గొన్నారు. ఈ రెండు సినిమాలకు సమానంగా డేట్స్ కేటాయించారు. గత కొద్ది రోజులుగా ‘ఇండియన్ 2‘ సినిమా నుంచి లాంటి అప్ డేట్స్ రాలేదు. తాజాగా ఈ సినిమా నుంచి మేకర్స్ కీలక ప్రకటన చేశారు. ‘ఇండియన్ 2‘ సినిమాకు సంబంధించిన గ్లింప్స్ డేట్ ను మేకర్స్ అనౌన్స్ చేశారు.  న‌వంబ‌ర్ 3న ఈ మూవీ గ్లింప్స్ విడుదల చేయనున్నట్లు ప్రకటించారు. ఈ మేరకు చిత్రబృందం ఓ పోస్టర్ ను విడుదల చేసింది. ఈ పోస్టర్ కమల్ హాసన్ ప్రధానంగా కనిపిస్తుండగా, బ్యాగ్రౌండ్ లో జనాలు కనిపిస్తున్నారు. 

తెలుగు, తమిళంతో పాటు 5 భాషల్లో ‘ఇండియన్ 2’ విడుదల

కాజల్‌ హీరోయిన్‌గా నటిస్తున్న ఈ సినిమాలో తమిళ హీరో సిద్ధార్థ్‌ కీలకపాత్రలో నటిస్తున్నాడు. మ్యూజిక్ సెన్సేషన్  అనిరుధ్ సంగీతం అందిస్తున్నారు. ఇక ఈ ప్రతిష్టాత్మక చిత్రాన్ని రెడ్ జెయింట్‌, లైకా ప్రొడక్షన్ సంస్థలు సంయుక్తంగా నిర్మిస్తున్నాయి. ఇప్పటికే విడుదలైన  కమల్‌ లుక్‌ కు ప్రేక్షకుల నుంచి మంచి రెస్పాన్స్ వచ్చింది. అటు ‘విక్రమ్’ మూవీతో అదిరిపోయే హిట్ అందుకుని మంచి జోష్ లో ఉన్న కమల్ హాసన్, అదే ఊపులో ‘ఇండియన్ 2’తోనూ సత్తా చాటాలి అనుకుంటున్నారు.  ఈ సినిమాను తెలుగు, తమిళంతో పాటు 5 భాషల్లో విడుదల చేయనున్నారు.

ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial