Dulquer Salmaan: 'కల్కి 2898 AD'లో దుల్కర్‌ సల్మాన్‌ది కామియో కాదా? - డైలామాలో పడేసిన ఆ పోస్ట్..

Dulquer Salmaan Shared Post on Kalki 2898 AD: కల్కిలో దుల్కర్‌ సల్మాన్‌ పాత్ర ఇప్పుడు సోషల్‌ మీడియాలో చర్చ మొదలైంది. తాజాగా అతడు కల్కిపై పోస్ట్‌ షేర్‌ చేసి అందరిని డైలామాలో పడేశాడు.

Dulquer Salmaan Shocking Post on Kalki కల్కి AD 2898 AD: టైం మొదలైంది. రిలీజ్‌ డేట్‌ దగ్గరపడుతుండటంతో మూవీ టీం వరుస అప్‌డేట్స్‌ ఫ్యాన్స్‌కి సర్‌ప్రైజ్‌ ఇస్తుంది. చెప్పినట్టుగానే జూన్‌ 10న కల్కి ట్రైలర్‌ విడుదల చేసింది మూవీ టీం. అప్పటి నుంచి కల్కిపై మరింత బజ్‌ పెరిగింది. అంచనాలను మించి ఉన్న ట్రైలర్‌కు ఆడియన్స్‌ నుంచి మంచి రెస్పాన్స్‌ వచ్చింది. ట్రైలర్‌ చూసిన వారంత కల్కితో నాగ్‌ అశ్విన్‌ ఓ కొత్త ప్రపంచాన్ని సృష్టించారంటున్నారు.

మొత్తానికి విజువల్‌ వండర్‌ సాగిన ఈ ట్రైలర్‌‌ మూవీపై అంచనాలు పెంచేస్తోంది. ఇదిలా ఉంటే ముందు నుంచి కల్కిపై ఓ రేంజ్‌లో ఎక్స్‌పెక్టేషన్స్‌ నెలకొన్నాయి. ముఖ్యంగా ఈ మూవీలో నటిస్తున్న నటీనటుల జాబితానే మూవీపై హైప్‌ క్రియేట్‌ చేసింది. విశ్వనటుడు కమల్‌ హాసన్‌, అమితాబ్‌ బచ్చన్, దీపికా పదుకొనె, దిశా పటాని వంటి భారీ తారగణం ఈ సినిమాలో నటిస్తుంది. అలాగే ఇందులో పలువురు సీనియర్‌ నటీనటులు కూడా గెస్ట్‌ అప్పియరెన్స్‌ ఇస్తున్నారని గుసగుస. ఇక మలయాళ స్టార్‌ హీరో దుల్కర్‌ సల్మాన్‌ కల్కిలో నటిస్తున్నారంటూ ముందు నుంచి ఓ వార్త ప్రచారంలో ఉంది.

అయితే దీనిపై క్లారిటీ కానీ, మూవీ టీం నుంచి అధికారిక సమాచారం కానీ లేదు. దీంతో దుల్కర్‌ రోల్‌పై ఫ్యాన్స్‌ అంతా ఆసక్తిగా చూస్తున్న క్రమంలో స్వయంగా అతడే కల్కిపై ఓ ఆసక్తికర పోస్ట్‌ షేర్‌ చేశాడు. ఈ పోస్ట్‌తో ఫ్యాన్స్‌లో మరిన్ని సందేహాలు మొదలయ్యాయి. కాగా జూన్‌ 10న కల్కి ట్రైలర్‌ రిలీజైన సంగతి తెలిసందే. అయితే తాజాగా కల్కి మలయాళ ట్రైలర్‌ ఇదేనంటూ దుల్కర్‌ సల్మాన్‌ ప్రొడక్షన్‌ హౌజ్‌ అధికారిక ఇన్‌స్టాగ్రామ్‌ ప్లాట్ ఫాం వేదికగా పోస్ట్‌ షేర్‌ చేశాడు. అయితే తాజాగా దుల్కర్‌ సల్మాన్‌ షేర్‌ చేసిన పోస్ట్‌ ఇప్పుడు ఫ్యాన్స్‌ని మరింత డైలామాలో పడేసింది.

 మొన్నటి వరకు అంతా దుల్కర్‌ సల్మాన్‌ గెస్ట్‌ రోల్‌ అని అంతా కన్‌ఫాం అయ్యారు. కానీ, ఈ తాజా పోస్ట్‌తో ఆయన ఈ సినిమాకు నిర్మాత వ్యవహరిస్తున్నారా? అనే సందేహాలు మొదలయ్యాయి. ఈ పోస్ట్‌ అర్థమేంటని అంతా ఆరా తీస్తున్నారు. కల్కిలో కామియో కన్‌ఫామా? అని ప్రశ్నిస్తున్నారు. ప్రస్తుతం దుల్కర్‌ చేసిన పోస్ట్‌ "#Kalki2898ADతో భవిష్యత్తులోకి ప్రయాణం ప్రారంభించండి!. త్వరలోనే ఎదురుచూపులకు ఎండ్‌ కార్డు పడనుంది. కేరళ థియేటర్లోకి కల్కి రానుందని ప్రకటించేందుకు చాలా ఆనందంగా ఉంది" అంటూ తమిళ ట్రైలర్‌ పంచుకున్నాడు. దీంతో దుల్కర్‌ పోస్ట్‌ వెనుక ఉన్న అసలు విషయం ఏంటా? ఫ్యాన్స్‌ అంతా ఎగ్జయిట్‌ అవుతున్నారు. కల్కిలో కామియో చేస్తున్నారా? లేక సినిమాను ఇక్కడ డిస్ట్రిబ్యూట్‌ చేస్తున్నారా? అని ఆరా తీస్తున్నారు. మరి దీనిపై క్లారిటీ రావాలంటే మరికొద్ది రోజులు వెయిట్‌ చేయాల్సిందే.