Sai Pallavi: కంగనా పాటకు సాయి పల్లవి డ్యాన్స్ - తన ఆనందానికి కారణం ఇదే!

Sai Pallavi: సాయి ప‌ల్ల‌వి.. నేచుర‌ల్ బ్యూటీ ఆమె ఏం చేసినా క్యూట్ గానే ఉంటుంది. అభిమానులు ఫిదా అయిపోతారు. ఇప్పుడిక ఆమె చేసిన డ్యాన్స్ నెట్టింట్లో వైర‌ల్ అవుతోంది.

Sai Pallavi dance Video Viral : హీరోయిన్ సాయి ప‌ల్ల‌వి. నేచుర‌ల్ బ్యూటీ. త‌న అందం, అభిన‌యం, సింప్లిసిటీతో ఎంతోమంది అభిమానుల‌ను సంపాదించుకున్న న‌టి. ఇక ఆమె డ్యాన్స్ కి అయితే ప్ర‌తి ఒక్క‌రు ఫిదా అయిపోతారు. సినిమాలో అయినా, స్టేజ్ మీద అయినా, ఏదైనా ఫంక్ష‌న్ లో అయినా ఆమె కాలు క‌దిపిందంటే తెగ వైర‌ల్ అవుతుంది ఆ డ్యాన్స్. తెగ షేర్ చేస్తుంటారు అభిమానులు. అలా.. ఇప్పుడు సాయిప‌ల్ల‌వి చేసిన డ్యాన్స్ వైర‌ల్ అవుతోంది. బాలీవుడ్ లోకి ఎంట్రీ ఇస్తున్న సాయిప‌ల్ల‌వి అమీర్ ఖాన్ కొడుకు, జునాయిద్ ఖాన్ స‌ర‌స‌న న‌టిస్తున్న విష‌యం తెలిసిందే. ఈ సినిమా సెట్స్ లో ఆమె వేసిన డ్యాన్స్ ఇప్పుడు వైర‌ల్ అవుతోంది. 

బాలీవుడ్ ఎంట్రీ.. షూటింగ్ పూర్తి.. 

మ‌ళ‌యాలం, త‌మిళ్, తెలుగు త‌దిత‌ర భాష‌ల్లో ఎంతోమంది అభిమానుల‌ను సంపాదించుకున్నారు సాయి ప‌ల్ల‌వి. ఆమె ప్ర‌తి సినిమా యూనిక్ గా ఉంటుంది. అలా ఇప్పుడు బాలీవుడ్ లోకి ఎంట్రీ ఇస్తోంది సాయి ప‌ల్ల‌వి. అమీర్ ఖాన్ కొడుకు జునాయిద్ ఖాన్ తో ఆమె చేస్తున్న సినిమా దాదాపు పూర్తైపోయింద‌ట‌. దీంతో షూట్ వ్రాప్ అప్ పార్టీలో సాయిప‌ల్ల‌వి క్యూట్ క్యూట్ గా డ్యాన్స్ చేసి అభిమానుల‌ను అల‌రించారు. ఈ సినిమాకి ఇంకా పేరు ఖ‌రారు చేయ‌లేదు మేక‌ర్స్. కాగా.. సినిమా షూటింగ్ మాత్రం జ‌పాన్ లో పూర్తైనట్లు ప్ర‌క‌టించారు మేక‌ర్స్. ఈ పార్టీ జ‌పాన్ లోనే జ‌రిగిన‌ట్లు తెలుస్తోంది. ఇక ‘క్వీన్’ సినిమా పాట‌కు ఆమె డ్యాన్స్ వేస్తూ క‌నిపించారు. తన ఫస్ట్ బాలీవుడ్ మూవీ ఎలాంటి అవాంతరాలు లేకుండా పూర్తి చేసుకున్న నేపథ్యంలో సాయి పల్లవి.. ఇలా ఆనంద తాండవం చేసిందని ఆమె అభిమానులు అంటున్నారు.

అమీర్ ఖాన్ ప్రొడ‌క్ష‌న్స్ లో వ‌స్తున్న ఈ సినిమాకి ఇంకా టైటిల్ ఫిక్స్ చేయ‌లేదు మేక‌ర్స్. గతేడాది డిసెంబ‌ర్ 1న సినిమా షూటింగ్ ప్రారంభించారు మేక‌ర్స్. ఈ ఏడాది చివ‌ర్లో ఈ సినిమాని ప్రేక్ష‌కుల ముందుకు తీసుకురానున్నారు. ఈ సినిమా షూటింగ్ జ‌పాన్ లోని స‌ప్పూరా అనే ప్లేస్ లో జ‌రిగినట్లు గ‌తంలో కొన్ని పిక్స్ వైర‌ల్ అయ్యాయి. స్నోలో సాయి ప‌ల్ల‌వి, జునాయిద్ మంచుతో ఆడుకుంటున్న ఫొటోలు లీక్ అయ్యాయి.

లొకేష‌న్స్ వేట‌లో ఉన్న‌ప్పుడు స్నో ఫెస్టివ‌ల్ గురించి తెలుసుకున్న మేక‌ర్స్.. దాంట్లోనే షూట్ చేసేందుకు సిద్ధ‌మ‌య్యార‌ని బాలీవుడ్ వ‌ర్గాలు చెప్పాయి. దీంతో ఆ టైంలో అక్క‌డ ఎంత స్నో ప‌డుతున్నా.. ఇబ్బందులు త‌లెత్తినా కూడా డెడికేష‌న్ తో షూట్ చేశార‌ట‌.  అక్క‌డ ఉన్న ప్ర‌త్యేక‌మైన క‌ల్చ‌ర్, అక్క‌డ ఉన్న అందాల‌ను అంద‌రికీ చూపించాల‌నే ఉద్దేశంతో.. షూట్ చేస్తున్న‌ట్లు మేక‌ర్స్ చెప్పారు. ఈ సినిమాకి సంబంధించి ఫ‌స్ట్ షెడ్యూల్  ని ముంబైలో ముగించిన టీమ్. ఆ త‌ర్వాత‌ జపాన్ లో షూటింగ్ చేసింది. ఇక ఇప్పుడు ఆ షెడ్యూల్ పూర్తైన‌ట్లుగా తెలుస్తోంది.  

ఇక ఈ సినిమా త‌ర్వాత సాయి ప‌ల్ల‌వి త‌మిళ సినిమా 'ఎస్ కే - 21'లో శివ‌కార్తికేయ‌న్ స‌ర‌స‌న న‌టించ‌నున్నారు. రాజ్ కుమార్ పెరియ‌సామి ఈ సినిమాని డైరెక్ట్ చేయ‌నున్నారు. ఇక తెలుగులో మ‌రోసారి నాగ చైత‌న్యతో క‌లిసి న‌టించ‌నుంది సాయి ప‌ల్ల‌వి. 'తండేల్' సినిమాతో ప్రేక్ష‌కుల ముందుకు రానుంది. ఈ సినిమాని చందూ మోండేటి డైరెక్ట్ చేయ‌నున్నారు.