Vijay Devarakonda Comments on Marriage: 'రౌడీ' హీరో విజయ్ దేవరకొండ క్రేజ్‌ గురించి ప్రత్యేకంగా చెప్పనవసరం లేదు. విజయ్ మ్యానరిజం, టాకింగ్‌ స్టైల్‌కి మంచి ఫ్యాన్‌ పాలోయింగ్‌ ఉంది. ముఖ్యంగా విజయ్‌కి అమ్మాయిల ఫాలోయింగ్ ఎక్కువ. గీతా గోవిందం సినిమాలో హెస్బెండ్‌ మెటిరియల్‌ అంటే విజయ్‌లా ఉండాలని అనేట్టుగా తన నటనతో ఆకట్టుకున్నాడు. ఈ సినిమా నుంచి విజయ్ లేడీ ఫ్యాన్‌ ఫాలోయింగ్ బాగా పెరిగిపోయింది. ఇక టాలీవుడ్‌ మోస్ట్‌ బ్యాచిలర్‌ అయినా విజయ్ పెళ్లి ఎప్పుడు చేసుకుంటాడా? అని అంతా ఆసక్తిగా ఎదురుచూస్తున్నారు. ఇండస్ట్రీలో తరచూ విజయ్ పెళ్లి మ్యాటర్‌ హాట్‌టాపిక్‌ అవుతుంది. ఈ క్రమంలో కొన్నిసార్లు విజయ్ తన మ్యారేజ్‌, కాబోయే భార్య గురించి ప్రస్తావిస్తూ అమ్మాయిల హర్ట్‌ బ్రేక్‌ చేస్తుంటాడు. ఈ క్రమంలో తాజాగా మారోసారి ఈ రౌడీ హీరో తన పెళ్లిపై స్పందించాడు.
పెళ్లిపై విజయ్ ఊహించని కామెంట్స్‌
ఇండియన్‌ ఐడల్‌ సీజన్‌ 3 షోకు గెస్ట్‌గా వచ్చిన విజయ్ తన పెళ్లిపై హింట్ ఇచ్చాడు. ప్రముఖ తెలుగు ఓటీటీ ప్లాట్‌ఫాం ఆహా వేదికగా ఇండియన్‌ ఐడల్‌ సింగింగ్‌ షో టెలికాస్ట్‌ అవుతున్న సంగతి తెలిసిందే. ప్రస్తుతం ఈ షో మూడో సీజన్‌ని జరుపుకుంటుంది. తాజాగా ఈ షో లేటెస్ట్‌ ప్రోమోను ఆహా విడుదల చేసింది. ఈ ఏపిసోడ్‌కి హీరో విజయ్ దేవరకొండ ముఖ్యఅతిథిగా హాజరై కంటెస్టెంట్స్‌కి సపోర్టు ఇచ్చాడు. ఈ సందర్భంగా కంటెస్టెంట్స్‌ టాలెంట్‌ని మెచ్చకుంటూ, జడ్జస్‌కి పంచ్‌లు వేస్తూ షోలో సందడి చేశాడు. ఈ క్రమంలో ఈ షో ఫీమేల్‌ జడ్జ్‌, సింగర్‌ గీతా మాధురి విజయ్‌ని ఉద్దేశిస్తూ ఆసక్తికర కామెంట్స్‌ చేశారు. "ఎంతమంది ఫిమేల్‌ సింగర్స్‌కి మీరు క్రషో తెలుసా?" అని గీతా మాధురి అనగానే విజయ్ నుంచి ఊహించని సమాధానం వచ్చింది.
"ఈ ఫాలోయింగ్ అంత పెళ్లయ్యేంత వరకే అనుకుంటా" అంటూ గీతా కామెంట్స్‌పై స్పందించారు. దీంతో గీతా మాధురి ఎవరిది.. మీదా.. వాళ్లదా అని అడగడంతో విజయ్ సిగ్గుపడుతూ నవ్వుతుంటాడు. దీంతో విజయ్ కామెంట్స్‌ ఇప్పుడు టాక్‌ ఆఫ్‌ ది టౌన్‌గా మారాయి. ఎప్పుడు కూడా పెళ్లి ప్రశ్నలను దాటేసే విజయ్ స్వయంగా ఇలా పెళ్లంటూ రియాక్ట్‌ అవ్వడం అందరిని సర్‌ప్రైజ్‌ చేస్తుంది. ఇక త్వరలోనే విజయ్ ఓ ఇంటి కాబోతున్నాడా? ఏంటీ అని అందరిలో సందేహలు మొదలయ్యాయి. ఇలా విజయ్ తన పెళ్లిపై హింట్ ఇచ్చాడా? నెటిజన్లు, ఫ్యాన్స్‌ అభిప్రాయ పడుతున్నారు. మరి విజయ్ నుంచి నేరుగా పెళ్లి కబురు ఎప్పుడు వస్తుందో చూడాలి.
రష్మికతో సీక్రెట్‌ డేటింగ్‌?
కాగా విజయ్ వ్యక్తిగత విషయానికి వస్తే.. అతడు హీరోయిన్‌ రష్మిక మందన్నాతో రిలేషన్‌లో ఉన్నట్టు తరచూ వార్తలు వినిపిస్తున్నాయి. అంతేకాదు వీరిద్దరు ఎంతోకాలంగా డేటింగ్‌ ఉన్నట్టు ఇండస్ట్రీలో గుసగుసల వినిపిస్తున్నాయి. ఈ రూమర్స్‌కి మరింత బలం చేకూరుస్తూ వీరిద్దరు జంటగా వెకేషన్‌కి వెళ్లి దొరికిపోతున్నారు. సీక్రెట్‌గా వెకేషన్‌కి వెళ్లిన ఫోటోలు సోషల్‌ మీడియాలో పంచుకుంటుంటారు. ఈ క్రమంలో నెటిజన్లు వారి బ్యాగ్రౌండ్‌ లోకేషన్‌ పట్టేసి ఇద్దరు ఒకేచోట ఉన్నారని కనిపెట్టేస్తుంటారు. ఇలా చాలాసార్లు విజయ్-రష్మికలు నెటిజన్లకు దొరికేశారు. అయితే, ఇలా విజయ్-రష్మిక దొరికినప్పుడల్లా వారిద్దరు కావాలనే చేస్తున్నారని, పరోక్షంగా తమ రిలేషన్‌పై హింట్ ఇస్తున్నారంటూ కొందరి నుంచి అభిప్రాయాలు వినిపిస్తుంటాయి.
Also Read: ఓటీటీకి వచ్చేస్తోన్న శర్వానంద్‌ 'మనమే' మూవీ - స్ట్రీమింగ్‌ ఎప్పుడు, ఎక్కడంటే!