Tiger Nageswara rao Director Marraige: మాస్‌ మహారాజ రవితేజ డైరెక్టర్‌ పెళ్లి పీటలు ఎక్కారు. రవితేజ రీసెంట్‌గా నటించిన 'టైగర్ నాగేశ్వరరావు' చిత్ర దర్శకుడు వంశీ కృష్ణ ఓ ఇంటివాడు అయ్యాడు. బుధవారం ప్రమీల అనే యువతిని ఆయన పెళ్లి చేసుకుని వైవాహిక జీవితంలోకి అడుగుపెట్టారు. ఈ పెళ్లికి ప్రముఖ నిర్మాత అభిషేక అగర్వాల్‌ హాజరై నూతన వధువరులను ఆశీర్వాదించారు. ఇందుకు సంబంధిచిన ఫోటో సోషల్‌ మీడియాలో వైరల్‌గా మారింది.
దీంతో పెళ్లి చేసుకుని కొత్త జీవితం ప్రారంభించబోతున్న దర్శకుడు వంశీ కృష్ణను సినీ ప్రముఖులు,నటీనటులు శుభాకాంక్షలు తెలుపుతున్నారు. కాగా ఈయన అడవి శేష్‌, మంచు లక్ష్మి 'దొంగాట' సినిమాతో డైరెక్టర్‌గా పరిచయం అయ్యారు. ఆ తర్వాత రవితేజ టైగర్ నాగేశ్వరరావు సినిమాతోనే రూపొందించి గుర్తింపు పొందారు. స్టువర్టుపురంలో పేరుమోసిన గజదొంగ టైగర్ నాగేశ్వరరావు జీవిత కథ ఆధారంగా ఈ సినిమాను తెరకెక్కించారు. తేజ్‌ నారాయణ్‌ అగర్వాల్‌ సమర్పణలో తెరకెక్కిన ఈ సినిమాను అభిషేక్‌ అగర్వాల్‌ నిర్మించారు. పాన్ ఇండియా సినిమాగా వచ్చిన ఈ చిత్రం బాక్సాఫీస్ వద్ద ఆశించిన స్థాయిలో ఆడియన్స్‌ని ఆకట్టుకోలేకపోయింది.
Also Read: రక్షించాల్సిన తండ్రే లైంగిక వేధింపులకు పాల్పడ్డాడు - హేమ కమిటీ రిపోర్టుపై నటి ఖుష్బూ స్పందన