టాలీవుడ్ లో 'కలర్ ఫోటో', 'రైటర్ పద్మభూషణ్' వంటి సినిమాలతో టాలెంటెడ్ యాక్టర్ గా తనకంటూ ప్రత్యేక గుర్తింపు తెచ్చుకున్న సుహాస్ ప్రస్తుతం బ్యాక్ టు బ్యాక్ సినిమాలతో దూసుకుపోతున్నాడు. షార్ట్ ఫిలిమ్స్, యూట్యూబ్ వీడియోలతో కెరీర్ ప్రారంభించిన సుహాస్ 'కలర్ ఫొటో' సినిమాతో హీరోగా మారాడు. మొదటి సినిమాతోనే తన నటనతో ప్రతి ఒక్కరి చేత కంటతడి పెట్టించాడు. ఆ తర్వాత 'ఫ్యామిలీ డ్రామా' అనే మూవీలో నెగిటివ్ షేడ్స్ ఉన్న పాత్రలో కనిపించి ఆకట్టుకున్నాడు. ఇక అడవి శేష్ నటించిన 'హిట్ 2' సినిమాలో ఏకంగా విలన్ గా తన నటనతో ఆకట్టుకొని యూత్ లో మంచి క్రేజ్ సంపాదించుకున్నాడు.
రీసెంట్ గా 'రైటర్ పద్మభూషణ్' తో మంచి సక్సెస్ అందుకున్న సుహాస్ తాజాగా 'అంబాజీపేట మ్యారేజ్ బ్యాండ్' అనే సినిమాతో ప్రేక్షకుల ముందుకు రాబోతున్నాడు. కంప్లీట్ విలేజ్ బ్యాక్ డ్రాప్ లో తెరకెక్కిన ఈ చిత్రానికి దుష్యంత్ కటికనేని దర్శకత్వం వహించారు. రీసెంట్ గా విడుదలైన ఫస్ట్ లుక్ పోస్టర్ సినిమాపై క్యూరియాసిటీ పెంచగా తాజాగా చిత్ర బృందం టీజర్ ను విడుదల చేసింది. ఈ టీజర్ ఆద్యంతం ఆకట్టుకునేలా ఉంది. ఫన్ మూమెంట్స్ తో స్టార్ట్ అయిన టీజర్ చాలా ఎమోషనల్ గా ఎండ్ అయింది. టీజర్ ని గమనిస్తే..' చెప్పవే చిరునామా అంటూ బ్యాండ్ మ్యూజిక్ తో మొదలైన ఈ టీజర్ ఆద్యంతం లవ్ కంఫర్ట్ యాక్షన్ తో సాగింది. మ్యారేజ్ బ్యాండ్ లీడర్ మల్లి క్యారెక్టర్ లో సుహాస్ నటించారు.
టీజర్ లో హీరో, హీరోయిన్ మధ్య కెమిస్ట్రీ బాగుంది. సుహాస్ ఫన్ తో పాటు సీరియస్ యాక్టింగ్, ఫైట్స్ కూడా చేశాడు. చివర్లో ఏదో కోల్పోయి గుండు కూడా గీయించుకున్నట్టు కనిపించాడు. శేఖర్ చంద్ర అందించిన బీజీయం కూడా ఆకట్టుకుంది'. ఊర్లో సెలూన్ నడుపుతూనే అంబాజీపేట మ్యారేజ్ బ్యాండ్ లో డప్పు కొడుతూ ఉండే మల్లిని కాలేజ్ లో ఒక అమ్మాయి ఇష్టపడుతుంది. వీరిద్దరి లవ్ స్టోరీ ఎక్కడివరకు వెళ్ళింది.. ? అసలు మల్లి కథలోకి వచ్చిన మరో ఇద్దరు ఎవరు? అనేది సినిమా చేసే తెలుసుకోవాలి. మొత్తం గా అంబాజీపేట మ్యారేజ్ బ్యాండ్ మూవీ తో మరోసారి సుహాస్ ఫన్ తో పాటు ఆడియన్స్ ని ఎమోషనల్ చేసేందుకు సిద్ధమయ్యాడని తెలుస్తోంది. టీజర్ చివరిలో సుహాస్ కు గుండు కొట్టిస్తూ ఉన్న షాట్ చూస్తుంటే సినిమా కోసం సుహాస్ ఎంత రిస్క్ చేశాడనేది అర్ధం అవుతుంది.
ప్రస్తుతం సోషల్ మీడియాలో ఈ టీజర్ వైరల్ గా మారింది. ఇందులో సీనియర్ నటుడు గోపరాజు రమణ, పుష్ప ఫ్రేమ్ జగదీష్ బండారి ఇతర కీలక పాత్రలు పోషించారు. గీతా ఆర్ట్స్ 2, మహాయణ మోషన్ పిక్చర్స్, ధీరజ్ మొగిలినేని ఎటాచ్మెంట్ సంయుక్తంగా ఈ చిత్రాన్ని నిర్మించాయి. శేఖర్ చంద్ర సంగీతం అందించిన ఈ చిత్రానికి వాజిద్ బేగ్ సినిమాటోగ్రాఫర్ గా వ్యవహరించారు. నవంబర్లో ఈ చిత్రాన్ని విడుదల చేసేందుకు మేకర్స్ సన్నాహాలు చేస్తున్నారు. ఈ సినిమాతో పాటు రామ్ పసుపులేటి దర్శకత్వంలో 'ఆనందరావు అడ్వెంచర్స్' అనే చిత్రంలోనూ నటిస్తున్నాడు సుహాస్. రీసెంట్ గా విడుదలైన టైటిల్ పోస్టర్ కి మంచి రెస్పాన్స్ వచ్చింది.
Also Read : లియో'లో కమల్ హాసన్ సర్ప్రైజ్ ఎంట్రీ? దాచిపెట్టాం, ఇంకా చాలా ఉన్నాయంటున్న లోకేష్