సూపర్ స్టార్ మహేష్ బాబు - నమ్రతల ముద్దుల కూతురు సితార ఘట్టమనేని గురించి ప్రత్యేకంగా పరిచయం చేయాల్సిన పనిలేదు. చిన్న వయసులోనే సితార సోషల్ మీడియాలో విపరీతమైన పాపులారిటిని సంపాదించుకుంది. ఫోటోలు, డాన్స్ వీడియోలు ఎప్పటికప్పుడు సోషల్ మీడియాలో షేర్ చేస్తూ నేటిజన్స్ ని ఆకట్టుకుంటుంది. ఇక రీసెంట్ గా సితార ఓ ప్రముఖ జ్యువెలరీ సంస్థ కి బ్రాండ్ అంబాసిడర్ గా ఎంపికైన విషయం తెలిసిందే. PMJ జ్యువెలరీస్ కోసం సితార ఓ కమర్షియల్ యాడ్ లో కూడా నటించింది. ఇక ఈ యాడ్ కి సంబంధించి ఇటీవల కొన్ని ఫోటోలను రిలీజ్ చేశారు. అంతేకాకుండా సితార ఆ ప్రముఖ జ్యువెలరీ ధరించిన ఫోటోలను ఏకంగా న్యూయార్క్ టైం స్క్వేర్స్ లో ప్రదర్శిస్తూ ప్రమోషన్ చేశారు.


సితార ఇలా ఒక జ్యువెలరీ బ్రాండ్ కి అంబాసిడర్ గా ఉంటూ కమర్షియల్ యాడ్ చేయడం అది కాస్త టైం స్క్వేర్స్ పై ప్రదర్శించడంతో సూపర్ స్టార్ ఫ్యాన్స్ ఫుల్ ఖుషి అవుతూ సితార పాప తన తండ్రిని మించిపోయిందని, ఆమె ఉన్నత శిఖరాలకు చేరుకుంటుందంటూ కామెంట్స్ చేశారు. అటు మహేష్ బాబు కూడా  దీనిపై తన స్పందనను కనబరిస్తూ.. 'తన కూతుర్ని చూస్తుంటే ఎంతో గర్వంగా ఉందని' మురిసిపోయాడు. ఇక తాజాగా PMJ జ్యువెలర్స్ కోసం సితార నటించిన కమర్షియల్ యాడ్ కి సంబంధించిన వీడియోని తాజాగా రిలీజ్ చేశారు. ఇక ఈ యాడ్లో సితార ప్రిన్సెస్ లా మెరిసిపోయింది. ఈ యాడ్ ని చాలా సరికొత్తగా డిజైన్ చేశారు. తాజాగా ఈ యాడ్ వీడియోని మహేష్ బాబు తన ఇన్స్టాగ్రామ్ లో షేర్ చేస్తూ అభిమానులతో పంచుకున్నారు.


ఇక ఈ యాడ్ ని ఒకసారి గమనిస్తే.. అమెరికా నుంచి తన ఓణీల ఫంక్షన్ కోసం సితార తన తల్లితో కలిసి అమ్మమ్మ ఇంటికి వస్తుంది. సితార మూడీగా కనిపించడంతో అమ్మమ్మ నిన్ను ఒక చోటుకు తీసుకెళ్తాను. అక్కడ వాళ్ళు నిన్ను ప్రిన్సెస్ లా చూసుకుంటారు అని చెప్తూ PMJ జ్యువెలర్స్ కి తీసుకెళ్తుంది. అక్కడ నగలను చూపిస్తుంటే.. 'అమ్మమ్మ ఇదంతా అవసరమా?' అని సితార చెబుతుంది. ఆ తర్వాత షాప్ అతను ఒకసారి అక్కడికి వెళ్లి చూడు ఏముందో అని చెప్పడంతో సితార షాప్ లోపలికి వెళ్తుంది. వెళ్లగానే తనను తాను PMJ జ్యువెలర్స్ ధరించి ఒక క్వీన్ లాగా చూపించినట్టు యాడ్ ని చాలా క్రియేటివిటిగా డిజైన్ చేశారు. ఇక సితార తనను తాను అలా చూసుకోవడంతో అది ఆమెకు ఎంతగానో నచ్చుతుంది. దాంతో PMJ జ్యువెలరీస్ తోనే తన ఓణీల ఫంక్షన్ ఎంతో హ్యాపీగా చేసుకుంటుంది.



ఇక ఈ యాడ్లో సితార తన క్యూట్ లుక్స్ తో ఆకట్టుకుంది. ముఖ్యంగా జ్యువెలరీ మొత్తం వేసుకొని కనిపించిన షాట్ లో అయితే అచ్చం ప్రిన్సెస్ లా ఉంది. దీంతో ప్రస్తుతం ఈ యాడ్ సోషల్ మీడియాలో మహేష్ ఫ్యాన్స్ తో పాటు నెటిజెన్స్ ని సైతం ఎంతగానో ఆకట్టుకుంటుంది. ఈ వీడియోని చూసిన ఫ్యాన్స్ ఈ యాడ్లో సితార స్మైల్ చాలా బాగుందని, నగలతో అచ్చం మహారాణిలా ఉందని కామెంట్స్ చేస్తున్నారు. కాగా ఈ యాడ్ కోసం సితార సుమారు 70 నుంచి కోటి రూపాయల వరకు రెమ్యునరేషన్ అందుకున్నట్లు తెలుస్తోంది.


Also Read : అలియా భట్ తో అంబానీ రూ.300 కోట్ల భారీ డీల్ - దేనికో తెలుసా?





Join Us on Telegram: https://t.me/abpdesamofficial