Sini Shetty Out From Miss Worls 2024: ఈ ఏడాది 71వ ప్రపంచసుందరి గ్రాండ్ ఫినాలే పోటీకి భారత్‌ వేదికైంది. నేడు ముంబైలో మిస్ వరల్డ్ గ్రాండ్ ఫినాలె ఈవెంట్‌ గ్రాండ్ మొదలయ్యాయి. 28 ఏళ్ల సుదీర్ఘ విరామం తర్వాత మిస్ వరల్డ్ పోటీలు భారత్‌లో జరుగుతుండటం విశేషం. ఇక ఈసారి మిస్ వరల్డ్ 2024 టైటిల్ కోసం భారత తరఫున కన్నడకు చెందిన సినీ శెట్టి (22) పోటీలో దిగింది. అయితే గ్రాండ్ ఫినాలే వరకు వచ్చిన ఆమె కీరిటం కోసం ఇంకా ఒక్క అడుగు దూరంలో ఉండగా పోటీ నుంచి వెనుదిరిగింది. ఇక ఈ సారి మిస్ వరల్డ్ టైటిల్ మనదే అని భారతీయులంతా ఆశపడ్డారు.
కానీ గ్రాండ్ ఫినాలేలో టాప్‌ 8లో నిలిచినప్పటికీ.. ఆ తర్వాత టాప్‌ 4 స్టేజ్‌కు ఆమె క్వాలిఫై కాలేకపోయింది. ఫలితంగా ఒక్క అడుగు దూరంలో సినీ శెట్టి కీరిటాన్ని చేజార్చుకుంది. ఇక చెక్‌ రిపబ్లిక్‌కు చెందిన క్రిస్టినా సిస్జ్కోవా, బోట్స్‌వానాకు చెందిన లెసెగో చోంబో, లెబనాన్‌కు చెందిన యాస్మిన్‌ జయటౌన్‌ ఈ పోటీల్లో టాప్‌ 4లో నిలిచారు. కాగా ఈసారివిశ్వ సుందరి కీరిటం కోసం 130కి పైగా దేశాల అందాల భామలు పోటీ పడ్డారు. భారత్‌ నుంచి కీరిటం కోసం పోటీ దిగిన ఈ కన్నడ బ్యూటీ ఒక్క అడుగు దూరంలో కీరిటాన్ని చేజార్చుకుంది.
112 దేశాల ప్రతినిధులు..
ముంబైలోని జియో వరల్డ్ కన్వెన్షన్ సెంటర్‌లో జరిగిన 71వ మిస్ వరల్డ్ ఫైనల్స్ నేడు శనివారం సాయంత్రం 7:30 గంటలకు ప్రారంభయం అయ్యాయి. అత్యంత ప్రతిష్టాత్మకంగా మొదలైన ఈ ఈవెంట్‌లో 112 దేశాల ప్రతినిధులు పాల్గొన్నారు. దీనిని కరణ్ జోహార్, మిస్ వరల్డ్ 2013 పోటీ విజేత మేగాన్ యంగ్ హోస్ట్ చేయగా.. 12 మంది జ్యూరి సభ్యులుగా వ్యవహరించారు. వారు మిస్ వరల్డ్ 2017 విజేత మానుషీ చిల్లర్, నటీనటులు కృతి సనన్, పూజా హెగ్డే; జూలియా మోర్లీ, మిస్ వరల్డ్ ఆర్గనైజేషన్ చైర్‌పర్సన్; సినీ నిర్మాత సాజిద్ నడియాడ్‌వాలా, మాజీ క్రికెటర్ హర్భజన్ సింగ్, వార్తా వ్యక్తి రజత్ శర్మ అధ్యక్షత వహించారు.
2022లో మిస్ ఇండియా అందాల పోటీల్లో
కర్ణాటక రాష్ట్రం మంగళూరుకు చెందిన సినీ శెట్టి పుట్టి పెరగిందంట ముంబైలోనే. సినీ శెట్టి మంచి డ్యాన్సర్. 14 ఏండ్ల వయసులోనే భరత నాట్యం నేర్చుకుంది. ఆమె ప్రముఖ శాస్త్రీయ నృత్యకారుడు రాధాకృష్ణన్ పద్మిని దగ్గర భరతనాట్యంలో శిక్షణ తీసుకుంది. ఆ తర్వాత పదుల సంఖ్యలో నృత్య ప్రదర్శనలు ఇచ్చింది.సిని శెట్టి విద్యాభ్యాసం పూర్తిగా ముంబైలోనే కొనసాగింది. సెయింట్ డొమినిక్ సావియో యూనివర్సిటీ నుంచి అకౌంటింగ్, ఫైనాన్స్‌ గ్రూపులో బ్యాచిలర్ డిగ్రీని అందుకుంది. ప్రస్తుతం, ఆమె చార్టర్డ్ ఫైనాన్షియల్ అనలిస్ట్స్(CFA) కోర్సు చదువుతోంది. సినీ శెట్టి 2022లో మిస్ ఇండియా అందాల పోటీల్లో పాల్గొన్నది. కర్నాటక నుంచి ప్రాతినిధ్యం వహించి మిస్ ఇండియా కర్ణాటక టైటిల్ ను గెలుచుకున్న ఆమె అదే జోష్ లో ఇప్పుడు మిస్ వరల్డ్ 2023 పోటీల్లో పాల్గొంది.