Singer Suchitra Sensational Comments on Shah Rukh Khan and Karan Johar: సుచీ లీక్స్‌ వివాదం మళ్లీ మొదలైంది. కొద్ది రోజులుగా సింగర్‌ సుచీత్ర రోజుకో బాంబు పెలుస్తుంది. తమిళ స్టార్‌ ధనుష్, అతడి మాజీ భార్య ఐశ్వర్య రజనీకాంత్‌, త్రిష, కమల్‌ హాసన్‌లపై అనుచిత వ్యాఖ్యలు చేసి మళ్లీ వార్తల్లో నిలిచింది. ఏకంగా తన మాజీ భర్త కార్తీక్‌, ధనుష్ గే అంటూ సంచలన ఆరోపణలు చేసింది. ఇక ఇంతటితో ఆగని సుచీత్ర ఏకంగా బాలీవుడ్‌నే టార్గెట్‌ చేసింది. బి-టౌన్‌లోని చీకటి కోణాలు ఇవేనంటూ వరసగా స్టార్‌ హీరోలను టార్గెట్‌ చేస్తుంది. ఇప్పటికే కండల వీరుడు సల్మాన్‌ గే అని సంచలన కామెంట్స్‌ చేసింది. ఇప్పుడు ఏకంగా బాలీవుడ్‌ కింగ్‌ ఖాన్‌ షారుక్‌ ఖాన్‌పై తీవ్రమైన ఆరోపణలు చేసింది.
రీసెంట్‌గా ఓ తమిళ యూట్యూబ్‌ చానల్‌కు ఇంటర్య్వూ ఇచ్చిన సుచీత్ర మాట్లాడుతూ.. షారుఖ్‌ ఖాన్‌, నిర్మాత కరణ్‌ జోహార్లు స్వలింగ సంపర్కులంటూ సంచలన కామెంట్స్‌ చేసింది. ఈ మేరకు సుచీత్ర "ఓ రోజు నా మాజీ భర్త కార్తీక్‌ లండన్‌ వెళ్లాడు. అక్కడ కరణ్‌ జోహార్‌, షారుఖ్‌ ఖాన్‌ కలుసుకున్నాడు. అప్పుడు వారంత మందు తాగుతూ ఫుల్‌ హ్యాంగ్‌ అవుట్‌ అయ్యారు. వాళ్లముందు అన్ని మందు సీసాలు ఉన్నాయి. అలాగే షారుఖ్‌, కరణ్‌ జోహార్లు గే వేషాధారణలో ఉన్నారు. అంతేకాదు అక్కడ కార్తీక్‌, షారుఖ్‌ ఖాన్‌, కరణ్‌లు కలిసి గే పార్టీలకు కూడా వేళ్లారు. అంతేకాదు స్వలింగ సంపర్కులకు చట్టబద్ధమైన అనుమతి ఉండే దేశాలకు తరచూ ట్రిప్‌కు వెళ్లేవారు. షారుక్‌ ఖాన్‌ అలాంటి దేశాలకు వెళ్లేవారు" అంటూ వ్యాఖ్యానించింది. ఇందుకు సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది.
దీంతో సుచీత్ర కామెంట్స్‌ బాలీవుడ్‌లోనూ కలకలం రేపుతున్నాయి. అయితే ఇప్పటికే సుచీత్ర కామెంట్స్‌పై షారుఖ్‌ కానీ, కరణ్‌ కానీ స్పందించలేదు. కానీ ఆమె మాజీ భర్త కార్తీక్‌ సుచీత్ర ఆరోపణలపై స్పందించాడు. ఈ మేరకు కార్తీక్‌ తన ఇన్‌స్టాగ్రామ్‌లో ఓ వీడియో షేర్‌ చేశాడు. "ఒకవేళ నిజంగానే నేను స్వలింగ సంపర్కుడిని అయితే ఈ విషయంలో అసలు సిగ్గుపడను. ప్రపంచంలో ఎక్కడైతే స్వలింగ సంపర్కులకు ఉనికి ఉంటుందో అక్కడ నేను గేగా ఉండేందుకు కూడా సిగ్గపడను. ఈ విషయంలో నేను గర్విస్తాను" అంటూ తన పోస్ట్‌కు రాసుకోచ్చాడు. కాగా ఇటవల హీరో ధనుష్, తన మాజీ భర్త కార్తీక్‌ కుమార్‌లు ఇద్దరు కూడా స్వలింగ్‌ సంపర్కులంటూ ఆరోపించిన సంగతి తెలిసిందే.