Samantha Instagram Story: కొన్నిసార్లు సెలబ్రిటీలు తెలిసి తెలియకుండా చేసే పనులు వాళ్లను ఒక్కసారిగా ఫోకస్‌లోకి తీసుకొస్తాయి. దాని వల్ల వాళ్లకు ఎన్నో ఇబ్బందులు కూడా ఎదురవుతాయి. తాజాగా సమంత చేసిన పని వల్ల కూడా అలాంటి ఇబ్బందులే ఎదుర్కుంటోంది. సినిమాల్లో యాక్టివ్‌గా ఉన్నా లేకపోయినా సామ్.. సోషల్ మీడియాలో మాత్రం చాలా యాక్టివ్‌గా ఉంటుంది అన్నది తెలిసిన విషయమే. అలా తాజాగా తను పోస్ట్ చేసిన ఇన్‌స్టాగ్రామ్ స్టోరీ సెన్సేషన్ క్రియేట్ చేసింది. దీంతో సమంత దానిపై పరోక్షంగా స్పందిస్తూ మరో ఇన్‌స్టాగ్రామ్ స్టోరీని షేర్ చేసింది. ఇది నెటిజన్ల అనుమానాలను మరింత పెంచేస్తోంది.


న్యూడ్ ఫోటో..


సమంత.. తన రోజూవారీ జీవితంలో జరిగే చాలావరకు విషయాలను ఇన్‌స్టాగ్రామ్ ఫాలోవర్స్‌తో షేర్ చేసుకోవడానికి ఇష్టపడుతుంది. అదే విధంగా తన ట్రీట్మెంట్‌కు సంబంధించిన విషయాలను కూడా ఎప్పటికప్పుడు పోస్ట్ చేస్తుంటుంది. తాజాగా సమంత ఇన్‌ఫ్రారెడ్ ట్రీట్మెంట్ తీసుకుంటూ దాని వల్ల కలిగే లాభాల గురించి చెప్పుకొచ్చింది. దీనిని తన ఇన్‌స్టాగ్రామ్ స్టోరీలో షేర్ చేసింది. దాంతో పాటు బాత్‌టబ్‌లో దుస్తులు లేకుండా కూర్చొని ఉన్న ఫోటోను కూడా సామ్ షేర్ చేయడంతో అది కాసేపట్లోనే వైరల్ అయ్యింది. కాసేపట్లోనే ఆ ఇన్‌స్టాగ్రామ్ స్టోరీని డిలీట్ చేసినా కూడా కొందరు దానిని స్క్రీన్‌షాట్ తీసి నెట్టింట వైరల్ చేశారు. దీంతో సామ్ దీనిపై స్పందించక తప్పలేదు.


సమర్ధించుకోవద్దు..


సమంత ఉన్నట్టుండి న్యూడ్ ఫోటోను షేర్ చేయడంతో సోషల్ మీడియాలో పెద్ద దుమారం రేగింది. అది ఫేక్ అని నిజం కాదని కొందరు అంటుంటే, తన అకౌంట్ హ్యాక్ అయ్యిందేమో అంటూ మరికొందరు ఫ్యాన్స్ సమంతను సపోర్ట్ చేయడానికి ముందుకొచ్చారు. సోషల్ మీడియా అంతటా ఇదే హాట్ టాపిక్ నడుస్తుండడంతో సామ్.. దీనిపై స్పందించింది. ‘మిమ్మల్ని మీరు సమర్థించుకోకుండా, నిరూపించుకోకుండా జీవించడంలోనే నిజమైన బలం దాగుంది’ అంటూ సమంత తన ఇన్‌స్టాగ్రామ్ స్టోరీలో షేర్ చేసింది. అంటే నిజంగా ఆ ఫోటో తనే తెలియక పోస్ట్ చేసిందని, అందుకే వెంటనే డిలీట్ చేసేసిందని నెటిజన్లు ఫీలవుతున్నారు.




ఒక్కటే సినిమా..


ప్రస్తుతం సమంత చేతిలో పెద్ద ప్రాజెక్ట్స్ ఏమీ లేవు. తాజాగా తన పుట్టినరోజు సందర్భంగా ‘బంగారం’ అనే లేడీ ఓరియెంటెడ్ మూవీకి సంబంధించిన పోస్టర్‌ను విడుదల చేసింది సామ్. దీంతో చాలాకాలం తర్వాత తను ఒక లేడీ ఓరియెంటెడ్ చిత్రంలో నటించడం మాత్రమే కాకుండా తన సొంత బ్యానర్‌లోనే దీనిని నిర్మించడం విశేషం. ‘బంగారం’ తప్పా సమంత చేతిలో ఇంకా ఏ ఇతర సినిమాలు లేవు. అమెజాన్ ప్రైమ్ ఒరిజినల్‌గా తెరకెక్కిన ‘సిటాడెల్ హనీ బన్నీ’ అనే వెబ్ సిరీస్ మాత్రం విడుదలకు సిద్ధమయ్యింది. ఇందులో సమంత.. వరుణ్ ధావన్‌కు జోడీగా నటించింది. ఇప్పటికీ ఈ సిరీస్ షూటింగ్ పూర్తయినా రిలీజ్ డేట్‌పై ఇంకా ఎలాంటి క్లారిటీ లేదు.



Also Read: షర్మిల కంట్రోల్ తప్పింది - తోడేలు, గుంటనక్కల కథ చెప్పిన యాంకర్ శ్యామలా.. ఆమె టార్గెట్ వారేనా?