Prudhvi Raj Sukumaran Health Update : ఇటీవల మలయాళం ఫిల్మ్ విలయత్ బుద్ధ మూవీ షూటింగ్ లో గాయపడ్డ ప్రముఖ నటుడు పృథ్వీ రాజ్ సుకుమారన్.. తాజాగా తన హెల్త్ అప్డేట్ ను సోషల్ మీడియా వేదికగా రిలీజ్ చేశారు. ఈ సందర్భంగా తనకు యాక్సిడెంట్ అయిన మాట వాస్తవమేనని ధృవీకరించారు. తానిప్పుడు బాగానే ఉన్నానని, కొన్ని నెలలు విశ్రాంతి తీసుకుంటే సరిపోతుందని ఆయన వెల్లడించారు.
‘‘నేను విలయత్ బుద్ధ సినిమా యాక్షన్ సీక్వెన్స్ షూట్ చేస్తుండగా ప్రమాదానికి గురయ్యాను. అదృష్ణవశాత్తూ నిపుణుల సమక్షంలో నాకు కీలకమైన శస్త్రచికిత్స జరిగింది. ప్రస్తుతం నేను రెండు నెలల పాటు విశ్రాంతి తీసుకుంటాను. అలాగే ఫిజియోథెరపీ కూడా జరుగుతోంది. నేను నొప్పితో పోరాడుతున్నా. సాధ్యమైనంత త్వరగా తిరిగి వస్తాను. నా ఆరోగ్యం పట్ల ఆందోళన చెందడమే కాకుండా.. నాపై ప్రేమను వ్యక్తం చేసిన ప్రతి ఒక్కరికి ధన్యవాదాలు” అంటూ తన పృథ్వీ రాజ్ సోషల్ మీడియాలో నోట్ రిలీజ్ చేశారు.
దీన్ని బట్టి చూస్తే పృథ్వీ రాజ్ మరో రెండు, మూడు నెలలు ఎలాంటి షూటింగ్స్ లోనూ పాల్గొనరని స్పష్టంగా తెలుస్తోంది. ప్రస్తుతం ఆయన చేతిలో పలు ప్రాజెక్ట్స్ ఉండగా.. అందులో ప్రభాస్ రాబోయే చిత్రం ‘సలార్’ కూడా కావడం గమనార్హం. దీంతో పాటు ఆడుజీవితం, బడే మియాన్ చోటే మీయాన్, ప్రాజెక్ట్ L2 సినిమాలు కూడా లైనప్ లో ఉన్నాయి.
అందరి కళ్లూ ‘సలార్’ పైనే ...
సెన్సేషన్ డైరెక్టర్, కేజీఎఫ్ 1&2 చిత్రాల సృష్టికర్త ప్రశాంత్ నీల్ దర్శకత్వంలో రూపొందుతున్న ‘సలార్’ సినిమాలో రెబల్ స్టార్ ప్రభాస్, హీరోయిన్ శ్రుతి హాసన్ నటిస్తున్నారు. శరవేగంగా షూటింగ్ జరుపుకుంటున్న ఈ సినిమా పాన్ ఇండియా రేంజ్ లో రాబోతుంది. ప్రశాంత్ నీల్ ఈ చిత్రాన్ని భారీ బడ్జెట్ తో నిర్మిస్తున్నారు. దీంతో మూవీపై ఇప్పుడే భారీ అంచనాలు నెలకొన్నాయి. ఈ క్రమంలో సినిమాపై భారీ హైప్ ఏర్పడింది. ఇక ‘సలార్’ సినిమాలో పృథ్వీ రాజ్ సుకుమారన్ ఓ కీలక పాత్రలో నటిస్తునారు. ఈ సమయంలో ఆయనకు గాయాలు కావడంతో ప్రభాస్ ఫ్యాన్స్ తీవ్ర ఆందోళనకు గురయ్యారు. ప్రస్తుతమున్న సందర్భంలో పృథ్వీ షూటింగ్ లో పాల్గొనే అవకాశం లేదు కాబట్టి ఇది ఈ సినిమా విడుదలపై ప్రభావం చూపుతాయని సినీ అభిమానులు పలు అనుమానాలు వ్యక్తం చేస్తున్నారు. కాగా ఈ మూవీ సెప్టెంబర్ 28, 2023 న థియేటర్లలో విడుదల చేయనున్నామని మేకర్స్ ఇప్పటికే ప్రకటించారు.
Read Also : Vyooham Movie: ‘వ్యూహం’ నుంచి చిరంజీవి, పవన్ కళ్యాణ్ పాత్రల లుక్స్ రివీల్ చేసిన రామ్ గోపాల్ వర్మ!
Join Us on Telegram: https://t.me/abpdesamofficial