Rohit Shetty about Akshay Kumar: సినీ పరిశ్రమలో దాదాపు దర్శకులంతా తాము పనిచేసిన హీరోల గురించి గొప్పగానే మాట్లాడతారు. వారితో కలిసి పనిచేసిన అనుభవం గురించి గొప్పగా చెప్పుకుంటారు. ఇక హీరోల గురించి చాలామంది ప్రేక్షకులకు తెలియని ఆసక్తికర విషయాలను కూడా బయటపెడతారు. అదే విధంగా బాలీవుడ్ సీనియర్ హీరో అక్షయ్ కుమార్ గురించి బయటపెట్టాడు రోహిత్ శెట్టి. అక్షయ్, రోహిత్ కాంబినేషన్‌లో ‘సూర్యవంశీ’ అనే పోలీస్ డ్రామా వచ్చింది. ఇక ఆ మూవీ షూటింగ్ సమయంలో అక్షయ్.. తన పాత్ర కోసం ఎలాంటి రిస్కులు తీసుకున్నాడనే విషయాన్ని చెప్తూ.. హీరో డైట్ ప్లాన్ గురించి రివీల్ చేశాడు.


సేఫ్టీ జాకెట్‌ లేకుండా..
‘‘అక్షయ్ కుమార్ చాలా సాధారణమైన ఫుడ్ తింటూ.. చాలా సాధారణమైన వ్యాయామం చేస్తాడు. తను ఎక్కువగా బరువులను కూడా ఎత్తడు. 80 ఫ్లోర్స్‌తో ఉన్న బిల్డింగ్ ఉంటే.. దానిని వెంటనే ఎక్కేస్తాడు. 50 పుల్ అప్స్ చేస్తాడు. త్వరగా తింటాడు. క్రమశిక్షణతో ఉంటాడు’’ అని అక్షయ్ కుమార్ ఫిట్‌నెస్ సీక్రెట్‌ను బయటపెట్టాడు రోహిత్ శెట్టి. అంతే కాకుండా 2021లో ‘సూర్యవంశీ’ షూటింగ్ జరుగుతుండగా.. ఒక సీన్ కోసం అక్షయ్ కుమార్ తీసుకున్న రిస్క్ గురించి కూడా గుర్తుచేసుకున్నాడు. ‘‘సేఫ్టీ జాకెట్‌తో అక్షయ్ కుమార్ హెలికాప్టర్‌కు వేలాడుతూ ఉండాలి. అందుకే పైలెట్‌ను ఎక్కువగా తిప్పకుండా ముందుకు వెళ్లి వచ్చేయన్నాను. కానీ అక్షయ్ ఆ సీన్ మొత్తం మార్చేశాడు’’ అని అన్నాడు రోహిత్.


చేతితో పట్టుకొని వేలాడాడు..
‘‘ఆ సీన్‌ను బ్యాంకాక్‌లో షూట్ చేశాం. అక్షయ్ హెలికాప్టర్‌కు వేలాడుతూ ఉన్నాడు. ఇది ఒక సేఫ్టీ షాట్. సేఫ్టీ జాకెట్ వేసేవరకు ముందుకు వెళ్లలేము. జస్ట్ అలా పైకి వెళ్లి, కిందకి వచ్చేయి, చుట్టూ తిరగకు అని నేను పైలెట్‌తో చెప్పాను. అక్షయ్ కూడా దీని గురించి పైలెట్‌తో మాట్లాడాడు. ఆ తర్వాత పైలెట్ హెలికాప్టర్‌ను చుట్టూ తిప్పాడు. అక్షయ్ కేవలం హెలికాప్టర్‌ను చేతితో పట్టుకొని వేలాడుతున్నాడు. తన శరీరం బరువు మొత్తం ఆ చేతిపైనే ఉంది. నాకు పైలెట్ మీద చాలా కోపం వచ్చింది. అది చూసి ఆయనే చేయమన్నాడు అంటూ అక్షయ్ వైపు చూపించాడు పైలెట్’’ అని అక్షయ్ చేసిన సాహసం గురించి చెప్పుకొచ్చాడు రోహిత్ శెట్టి. ఆ తర్వాత తనకు ఆ సీన్ చాలా నచ్చిందని, అక్షయ్ చాలా మంచి వ్యక్తి అని ప్రశంసించాడు.


వారు పట్టించుకోరు..
‘‘అక్షయ్‌కు భయం అనేది లేదు. తన ఆరోగ్యం కోసం విపరీతంగా తనేం చేయడు. గతంలో సొంతంగా స్టంట్లు చేయాలనే ఉద్దేశ్యంతో దెబ్బలు తగిలించుకున్నారు. కొంతమందికి కుట్లు కూడా పడ్డాయి. అయినా అక్షయ్ మాత్రం స్టంట్లు చేయడానికి వెనకాడడు. ఈతరంలో అందరూ నేచురల్ ఫుడ్ వల్ల వచ్చే లాభాలను పట్టించుకోరు. కానీ అక్షయ్ అలా కాదు. కేవలం సింపుల్, నేచురల్ ఫుడ్ తింటూనే తన శరీరాన్ని, ఆరోగ్యాన్ని మెయింటేయిన్ చేస్తాడు’’ అంటూ అక్షయ్ కుమార్ గురించి చాలా గొప్పగా చెప్పుకొచ్చాడు రోహిత్ శెట్టి. ఇక అక్షయ్ హీరోగా నటించిన ‘సూర్యవంశీ’తో తను కూడా రోహిత్ కాప్ యూనివర్స్‌లో భాగమయ్యాడు. ఈ మూవీలో రణవీర్ సింగ్, అజయ్ దేవగన్ గెస్ట్ రోల్స్‌లో కనిపించారు. ‘సూర్యవంశీ’ బాక్సాఫీస్ వద్ద మంచి విజయాన్ని సాధించింది.


Also Read: ‘అర్జున్ రెడ్డి’ హిట్ కాకపోతే సందీప్ ఆ పని చేేసేవాడు - ‘యానిమల్’ నిర్మాత ప్రణయ్ వంగ