టాలీవుడ్ టాలెంటెడ్ హీరో నితిన్ - యంగ్ డైరెక్టర్ వెంకీ కుడుముల కాంబినేషన్లో వస్తున్న అడ్వెంచర్ యాక్షన్ ఎంటర్టైనర్ 'రాబిన్ హుడ్'. ఈ సినిమాలో నితిన్ సరసన డ్యాన్సింగ్ క్వీన్ శ్రీలీల హీరోయిన్ గా నటిస్తోంది. మైత్రి మూవీ మేకర్స్ భారీ బడ్జెట్ తో నిర్మిస్తున్న ఈ మూవీ టీజర్ ను తాజాగా రిలీజ్ చేశారు. మరి టీజర్ ఎలా ఉంది? అందులోని విశేషాలు ఏంటి? అనే విషయాలను తెలుసుకుందాం పదండి.
నితిన్ - వెంకీ కుడుముల కాంబినేషన్లో వస్తున్న రెండవ మూవీ 'రాబిన్ హుడ్'. ఈ హీస్ట్ కామెడీ ఎంటర్టైనర్ కంటే ముందే వీరిద్దరి కాంబినేషన్లో 'భీష్మ' అనే మూవీ వచ్చింది. 2010లో రిలీజ్ అయిన ఈ మూవీతో నితిన్ స్ట్రాంగ్ కం బ్యాక్ ఇచ్చాడు. ఇక ఇప్పుడు వరస డిజాస్టర్లు అందుకుంటున్న ఈ హీరో మరోసారి వెంకీ కుడుముల దర్శకత్వంలో మూవీని చేస్తుండడంతో 'రాబిన్ హుడ్'పై అంచనాలు పెరిగాయి. ఇప్పటికే ఇన్నోవేటివ్ ప్రోమోలతో ఈ సినిమాపై మేకర్స్ మంచి హైప్ క్రియేట్ చేయగా, సినిమా నుంచి రిలీజ్ చేసిన పోస్టర్లు, క్యారెక్టర్ ఇంట్రడక్షన్ గ్లిమ్స్ కు మంచి రెస్పాన్స్ దక్కింది. ఈ మూవీని డిసెంబర్ 25న రిలీజ్ చేయబోతున్నాం అని ఇప్పటికే మేకర్స్ అనౌన్స్ చేశారు. ఈ నేపథ్యంలోనే తాజాగా క్రేజీ అడ్వెంచర్ అండ్ ఎంటర్టైనింగ్ మూవీ 'రాబిన్ హుడ్' టీజర్ ను రిలీజ్ చేసి ప్రమోషన్స్ లో వేగం పెంచారు మేకర్స్.
ఇక టీజర్ విషయానికి వస్తే ఇది పవర్ ఫుల్ వాయిస్ ఓవర్ తో మొదలవ్వడం ఆసక్తికరంగా అన్పిస్తోంది. టీజర్ లో నితిన్ హై-ఫై ఇళ్ళను లక్ష్యంగా చేసుకొని అడ్వెంచరస్ దోపిడీలను చేయడం ఉత్కంఠభరితంగా కనిపించింది. అంతే కాకుండా 'ఈ మోడరన్ రాబిన్ హుడ్ కు జెండా, అజెండా ఏమీ ఉండదు.. అతని ఏకైక మోటివేషన్ డబ్బు' అంటూ వచ్చిన డైలాగ్ ఆకట్టుకుంటుంది. ఇలాంటి ఒక దొంగ పవర్ ఫుల్ కుటుంబ నేపథ్యం ఉన్న హీరోయిన్ ని ఇష్టపడి, అప్పటికే డేంజర్ లో ఉన్న తన లైఫ్ ను మరింత డేంజర్ లో పడేసుకోవడం వంటి సీన్స్ మూవీపై క్యూరియాసిటీని పెంచుతున్నాయి. అలాగే చివర్లో 'ఆల్ ఇండియన్స్ ఆర్ మై బ్రదర్స్ అండ్ సిస్టర్స్... నా కంట్రీకి వచ్చి నా ఫ్యామిలీ మెంబర్స్ నే ఇబ్బంది పెడతర్రా' అంటూ విలన్లను చితగ్గొట్టే సీన్లు బాగున్నాయి. మొత్తానికి టీజర్ ద్వారా సినిమాలో నితిన్ పాత్ర ఎలా ఉండబోతోంది అనే విషయాన్ని వెల్లడించారు.
టీజర్ లో యాక్షన్, బ్రెత్ టేకింగ్ మూమెంట్స్ తో పాటు బ్యాక్గ్రౌండ్ మ్యూజిక్ బాగుంది. డిఫరెంట్ లుక్ లో తన పర్ఫామెన్స్ తో నితిన్ అదరగొట్టాడు. ఇక శ్రీలీల రిచ్ అండ్ యారోగెంట్ అమ్మాయిగా టీజర్ లో మెరిసింది. అలాగే రాజేంద్ర ప్రసాద్, వెన్నెల కిషోర్, షైన్ టామ్ చాకో పాత్రలను కూడా టీజర్ లో చూపించారు మేకర్స్. మొత్తానికి టీజర్ ఇంట్రెస్టింగ్ గా ఉంది. మరి ఈ మూవీతో అయినా నితిన్ మళ్ళీ ట్రాక్ లోకి వస్తాడా అనేది చూడాలి.
Read Also: మట్కా రివ్యూ: వరుణ్ తేజ్ బాగా చేశారు - మరి సినిమా? గ్యాంగ్‌స్టర్ డ్రామా బావుందా? లేదా?