Rj Shekar Basha: టాలీవుడ్‌లోని మంచి గుర్తింపు సాధించిన యంగ్ హీరోల్లో రాజ్ తరుణ్ కూడా ఒకడు. కానీ గత కొన్నిరోజులుగా రాజ్ తరుణ్ పర్సనల్ లైఫ్ సోషల్ మీడియాలో హాట్ టాపిక్‌గా మారింది. లావణ్య అనే అమ్మాయి.. రాజ్ తరుణ్‌ను ప్రేమించి మోసపోయానంటూ పోలీసులను ఆశ్రయించింది. దీంతో పోలీసులు రాజ్ తరుణ్‌పై కేసు నమోదు చేశారు. అప్పటి నుంచి ఈ కేసు రోజుకొక మలుపు తిరుగుతోంది. మధ్యలో ఆర్జే శేఖర్ భాషా రావడంతో ఈ కేసు.. రాజ్ తరుణ్‌కు ఫేవర్‌గా తిరిగింది. తాజాగా ఒక ఇంటర్వ్యూలో పాల్గొన్న శేఖర్ భాషా.. లావణ్య గురించి, రాజ్ తరుణ్ - అరియానా రిలేషన్ గురించి మాట్లాడాడు.
బాధగా అనిపించింది..
రాజ్ తరుణ్ తనను మోసం చేశాడంటూ లావణ్య ఆరోపించినప్పుడే పలువురు నటీమణులతో రాజ్ తరుణ్‌కు అఫైర్ ఉందని కూడా ఆరోపణలు చేసింది. మాల్వీ మల్హోత్రా అనే హీరోయిన్‌తో పాటు బిగ్ బాస్ ఫేమ్ అరియానాతో రాజ్ తరుణ్ సన్నిహితంగా ఉండేవాడని తెలిపింది. దీంతో ఆర్జే శేఖర్ భాషా రంగంలోకి దిగాడు. లావణ్య ఎలాంటి అమ్మాయి అని ఆధారాలతో సహా బయటపెట్టాడు. దీంతో లావణ్య చేసినవన్నీ తప్పుడు ఆరోపణలు అని కోర్టు తేల్చేసింది. ఇక రాజ్ తరుణ్, అరియానా ఫ్రెండ్‌షిప్‌పై ఆర్జే శేఖర్ భాషా తాజాగా ఒక ఇంటర్వ్యూలో స్పందించాడు. అరియానా గురించి లావణ్య తప్పుగా మాట్లాడడం చాలా బాధ కలిగించిందని తెలిపాడు.
అలాంటి అమ్మాయి కాదు..
‘‘రాజ్ తరుణ్ కేసులో నేను జోక్యం చేసుకున్నందుకు నన్ను తిట్టినా పర్వాలేదు. ఈ క్రమంలో వీళ్లు చాలామంది అమ్మాయిల గురించి తప్పుగా మాట్లాడారు. అయినా ఇంకా అరియానా ఎందుకు స్పందించలేదంటే.. అందరూ రోడ్డున పడి అయ్యో అనుకోరు. కానీ కచ్చితంగా ఏదో ఒకరోజు తను కూడా బయటికి వస్తుంది. పరువునష్టం దావా వేస్తారు. డిపార్ట్‌మెంట్‌లో ఒక సపోర్ట్ ఉంటే ఎలా ఉంటుంది, సెక్షన్లు ఎలా వాడుకోవాలి అని లావణ్యకు బాగా తెలుసు. కానీ అరియానాకు ఇదంతా అలవాటు లేదు. కేసులు పెట్టడం, సెటిల్‌మెంట్ చేసుకోవడం ఆ అమ్మాయికి ఇంకా తెలియదు. అరియానా ముందుకు వచ్చి కేసుపెడితే అంతా దద్దరిల్లిపోతుంది’’ అని అభిప్రాయం వ్యక్తం చేశాడు శేఖర్ భాషా.
అలా పరిచయం..
శ్రీదేవి డ్రామా కంపెనీ ప్రోగ్రామ్‌లో ఒకసారి అరియానాను కలిశాను అని తనతో పరిచయం గురించి గుర్తుచేసుకున్నాడు శేఖర్ భాషా. ‘‘అరియానా చాలా మంచి అమ్మాయి. బూతులు మాట్లాడి రోడ్డున పడే అమ్మాయి కాదు. మన ఇళ్లల్లో అమ్మయిలు ఎంత డీసెంట్‌గా ఉంటారో అలాగే ఉంటుంది. ఇదంతా జరిగిన తర్వాత ఒకసారి ఫోన్ చేసి లావు అయితే ప్రెగ్నెన్సీ అంటున్నారు అని బాధపడింది.లావణ్య దగ్గర ఏ ఆధారం లేకుండా నోటికి వచ్చినట్టు మాట్లాడుతుంది. మాట్లాడడం కూడా పెద్ద విషయం కాదు.. కానీ ఇది ప్రసారం చేస్తే ఒక అమ్మాయికి భారీగా నష్టం జరుగుతుందని తెలిసి కూడా మీడియా ఎలా వేస్తారు’’ అని మీడియాపై అసహనం వ్యక్తం చేశాడు శేఖర్ భాషా.
Also Read: వేణు స్వామికి అండగా ఆయన భార్య వీణశ్రీవాణి - మీడియా, జర్నలిస్ట్‌లపై ఫైర్‌.. వీడియో వైరల్‌