Kottukkaali Trailer OUT: కమెడియన్ నుంచి హీరోగా మారిన సూరి, ‘కల్కి 2898 ఏడీ’ చిత్రంలో కైరాగా నటించిన సత్తా చాటి అన్నా బెన్ ప్రధాన పాత్రల్లో నటిస్తున్న చిత్రం 'కొట్టుక్కాలి'. గ్రామీణ కథాంశంతో తెరకెక్కిన ఈ చిత్రం త్వరలో ప్రేక్షకుల ముందుకు రానుంది. ఈ నేపథ్యంలో మేకర్స్ ట్రైలర్ ను విడుదల చేశారు. ఈ మూవీ కథ మొత్తం ఓ కోడిపుంజు చుట్టూ తిరుగుతున్నట్లు అర్థం అవుతోంది. ట్రైలర్ స్టార్టింగ్ నుంచి ఎండింగ్ వరకు కోడిపుంజు కూత వినిపిస్తూనే ఉంటుంది.
'కొట్టుక్కాలి' అంటే అంటే మొండిపిల్ల అని అర్థం. అంటే, ఈ చిత్రంలో అన్నా బెన్ మొండి పిల్లలా ప్రవర్తించనున్నట్లు తెలుస్తోంది. ఆమెకు ఏదో గాలిసోకి మొండిపిల్లలా తయారయ్యిందని కుటుంబ సభ్యులు భావిస్తున్నారు. ఆమెకు పట్టిన దయ్యాన్ని వదిలించేందుకు కుటుంబ సభ్యులు అంతా ఓ భూతవైద్యుడి దగ్గరికి వెళ్తుంటారు. వెళ్తున్న క్రమంలో వారి మధ్య గొడవ తలెత్తడం, ఒకరినొకరు కొట్టుకోవడం కనిపిస్తున్నది. ఇంతకీ గొడవకు కారణం ఏంటి? తర్వాత ఏం జరిగింది? అనేది సినిమాలో చూడాలి. ఈ చిత్రంలో సూరి వాయిస్ కాస్త డిఫరెంట్ గా ఉండటం విశేషం.
'కొట్టుక్కాలి'తో సూరి యాట్రిక్ హిట్ కొట్టేనా?
'కొట్టుక్కాలి' సినిమాను తమిళ హీరో శివ కార్తికేయన్ నిర్మిస్తున్నారు. పి.ఎస్ వినోద్ రాజ్ ఈ సినిమాకు దర్శకత్వం వహించారు. ఈ నెల 23న ఈ సినిమా ప్రేక్షకుల ముందుకు రానుంది. ఇప్పటికే సూరి హీరోగా నటించిన రెండు సినిమాలు విజయం సాధించాయి. 'కొట్టుక్కాలి' మూవీతో హ్యాట్రిక్ హిట్ కొట్టడం ఖాయం అని సినీ విశ్లేషకులు అభిప్రాయపడుతున్నారు. విడుదల కాబోతోన్న కొట్టుక్కాలితో సూరి హ్యాట్రిక్ కొట్టడం ఖాయం అంటున్నారు.
కమెడియన్ నుంచి హీరోగా మారిన సూరి
ఇక సూరి తొలుత కమెడియన్ మంచి గుర్తింపు తెచ్చుకున్నారు. కార్తీ, సూర్య మూవీస్ లో ఎక్కువగా నటించారు. తమిళ డబ్బింగ్ సినిమాతో తెలుగు ప్రేక్షకులకు కూడా సూరి సుపరిచితం. ఈ కమెడియన్ ను తమిళ స్టార్ డైరెక్టర్ వెట్రిమారన్ హీరోగా మార్చాడు. ఆయన తెరకెక్కించిన ‘విడుదలై’ సినిమాతో ప్రేక్షకులను బాగా ఆకట్టుకున్నాడు. సీరియస్ రోల్ లో ఒదిగిపోయి నటించాడు. తాజాగా ‘గరుడన్’ సినిమాలో హీరోగా నటించా అదురగొట్టాడు. ఈసినిమా కూడా బ్లాక్ బస్టర్ హిట్ అందుకుంది. ఈ హిట్ చిత్రాన్ని తెలుగులో బెల్లంకొండ శ్రీనివాస్, మంచు మనోజ్, నారా రోహిత్ ప్రధాన పాత్రల్లో రీమేక్ కాబోతున్నట్లు వార్తలు వినిపిస్తున్నాయి. ఇప్పుడు 'కొట్టుక్కాలి' సినిమాతో సూరి ప్రేక్షకుల ముందుకురాబోతున్నాడు. ఈ సినిమా విజయం సాధిస్తే వరుస హ్యాట్రిక్ హిట్స్ సాధించిన హీరోగా గుర్తింపు తెచ్చుకోనున్నారు. అటు సూరి ప్రధాన పాత్రలో తెరకెక్కతున్న ‘విడుదలై 2’ సినిమా కూడా ఈ ఏడాదిలోనే విడుదల కానుంది. ఈ సినిమాలో కూడా సూరి పూర్తిగా సీరియస్ సీరియస్ క్యారెక్టర్ చేయనున్నాడు.